رواية حب خلف الكواليس الفصل السابع 7 - بقلم نجوى إبراهيم

بعد اذنك ي مستر ادهم، انا كنت جايه اقدم استقالتي. ياريت حضرتك توافق عليها. ادهم: استقالة إيه! انتي ناسيه إنك ماضية على شرط جزائي بمليون جنيه؟ ادفعي بقى وبعدين استقيلي. غير كده، مدة العقد سنة. ليان بصتله ومشيت راحت مكتبها. أدهم جالها وقعد قدامها وقال: أنا آسف بخصوص امبارح، مكنتش أقصد أزعلك. أنا بس مبحبش افتكر الماضي. حقك عليا.

ليان: حضرتك، محصلش حاجة. أنا اللي آسفة إني اتدخلت في حياة حضرتك. أنا بس كنت قاصدة أساعد حضرتك، مش فضول مني. بعتذر لحضرتك مرة تانية. أدهم: قالها مفيش داعي للأسف. ومدلها إيده: توافقي نكون صحاب؟ ليان بصدمة: إيه حضرتك! دا شرف ليا. ومدت إيديها. أول ما إيديها لمست إيد أدهم، الاتنين قلبهم دق بسرعة. وأدهم سحب إيده وخرج بسرعة وقال: لا ي أدهم، متكررش القديم تاني. قلبه: بس ليان باين عليها غير لارا.

عقله: كلهم زي بعض، وبكرة تكتشف دا. قال بصوت مسموع: بسسسسس بقا، تعبت. ليان: خرجت بسرعة. دكتور أدهم، في حاجة؟ حضرتك؟ أدهم بابتسامة: لا ي ليان، مفيش حاجة. تعبان شوية بس. ليان: الف سلامة على حضرتك. وابتسمت ابتسامة خلت أدهم قلبه داب وفضل باصلها. وبعدين قالها: ضحكتك حلوة أوي. ليان اتكسفت ودخلت مكتبها وقلبها فضل يدق وقالت: لا ي ليان، انتي مش حمل جرح قلب.

عدى اليوم وعدى الترم، وبدأت ليان وأدهم يقربوا من بعض. وده بقى واضح عليهم. وجه يوم خطوبة مالك وسيلا، اللي مبقوش قادرين يتخلوا عن بعض. وليان عزمت أدهم وهو وافق. جه بالليل وقت الخطوبة. ليان لبست فستان أحمر قصير برقبة دانتيل من غير كم وهيلز أسود. وعملت شعرها تسريحة منفوشة وكانت شبه الأميرات وحاطة ميكب خفيف ظهر جمال عيونها الزيتوني.

وسيلا لبست فستان سماوي منفوش وعملت شعرها ليس وحاطة تاج وكانت حورية. ومالك لبس بدلة زرقاء وقميص أبيض وجزمه بيضا. وادهم لبس بدلة سمرا وقميص أبيض وكان وسيم. بدأت الخطوبة. زمان أدهم لسه مجاش. وليان كل شوية تبص عليه. وكل العيون كانت على ليان لأنه كانت شبه الأميرات. شوية وأدهم دخل والعيون اتحولت عليه. راح سلم على مالك وباركله. وسلم على أهل ليان وراح قعد جنب ليان. ليان: كنت فاكراك مش هتيجي.

أدهم بصالها وقالها: احنا بقينا صحاب، يعني لازم نقف جنب بعض ونفرح لفرح بعض. حلو أوي الفستان اللي لبساه دا. ليان: بجد، مشكورة جداً ي أدهم. انت كمان شيك جداً. أدهم: من يومي ي بنتي. ورفع عيونه بغرور كدا. ليان: تباً لتواضعك ي شيخ. وقعدوا يضحكوا. أدهم: تعالي نقعد مع والدك ووالدتك. ليان: يلا بينا. وأهو يتعرفوا عليك. بس والنبي ما تسيحلي قدامهم وتقول إني شاطرة في الكلية والشغل. أدهم: تدفعي كام وأنا أعمل كدا؟ ليان: شت!

دا إيه الصحوبية اللي مفيش منها منفعة دي. وراحوا قعدوا مع باباها ومامتها. وأدهم اتعرف عليهم وحبوه جداً وهو حبهم جداً. وخلص اليوم. وتاني يوم ليان راحت الشركة. دخلت عادي واتعاملوا طبيعي جداً كأي مدير ومساعدته. أدهم بعد ما خلصوا الشغل طلب من ليان تروح تتغدى معاه وهي وافقت. وراحوا على مطعم شيك جداً وقعدوا. ليان وأدهم في نفس الوقت: هطلب مكرونة بشاميل. أدهم: إيه دا! أوعي تقولي إنها أكلتك المفضلة انتي كمان.

ليان: دي العشق والله. دة أنا مدمنة مكرونة بشاميل. أدهم: طلع بينا حاجات مشتركة أهو. وخلصوا أكل وسط ضحكهم ومناكفة ليان في أدهم. بعد فترة ليان بتبص في الساعة، لقت الوقت اتأخر. وقالت: سواد السواد ي قرمط على سنينك. كنتي صغيرة على الموت ي ليان ي بنت أم ليان. أدهم: في إيه ي بنتي؟ ليان: أبويا هيطردني. الوقت اتأخر جداً وكمان رن أكتر من مرة والفون صامت. أه ي حزنك ي ليان. هتموتي صغيرة. أبقى ازرع جمب قبري ورد جوري عشان بحبه.

أدهم بضحك: وانتي هتقومي تشميه إزاي وانتي ميتة ي هبلة هانم؟ ليان: كمان عاوزني أموت. أه ياللي معنديش صاحب وفي ي ليان. أه ي حظك ي ليان. أدهم: خلاص خلاص ي بنتي. كفاية ندب على حظك وتعالي أوصلك وأحاول أقنع والدك إني سبب تأخيرك. هنكدب كدبة بيضا ونقول في اجتماع. ليان: ربك يستر. وميدفنكش معايا. 🤣🤣🤣 وصلوا البيت. وليان طول الطريق تشاهد. وأدهم يضحك على خوفها. طلعت البيت وأدهم طلع معاها. خبطت وفتحتها مالك. مالك: انتي كنتي فين؟

دا أبوكي هينفخك. وبص شاف أدهم. سلم عليه وعزمه بس أدهم رفض. وجه والد ليان ودخل أدهم جوا. وكان في ضيوف. أحمد: اتفضلي ي أدهم يابني. أحب أعرفك خالد ابن أختي ودي فوزية أختي. أدهم: أهلاً يافندم، تشرفنا. طب استأذن أنا بقا. أحمد: لا والله ما يحصل. انت مش غريب. دا دكتور أدهم، دكتور ليان في الجامعة ومديرها في الشغل. فوزية: بس شكلك صغير يابني على المناصب دي.

أدهم: وده لأبويا ووالدتي اتوفوا وأنا في الجامعة. فتوليت كل حاجة من بعدهم. وحته إني دكتور في الجامعة لإني كنت متفوق وديما بطلع الأول. عشان كدا اتعينت. فوزية: ربنا يحميك لشبابك يابني. هااا ي أحمد، قولت إيه في طلبنا؟ أحمد: والله الرأي رأي ليان ي فوزية. ليان: رأيي في إيه ي بابا؟ أحمد: خالد طالب إيدك ي ليان. وأنا كنت مستنيكي تيجي عشان أعرف رأيك. ليان بصدمة: إيه.........