رواية حب خلف الكواليس الفصل الثاني عشر 12 - بقلم نجوى إبراهيم

نزلوا العرايس والعرسان للقاعة عشان يحتفلوا مع الناس. رقصوا وهيصوا كتير. فجأة النور انطفى والكل فضل يتكلم ويقول: "في إيه؟ لحد ما نور اتفتح، وكان فوق أدهم وهو ماسك المايك وهيغني. أدهم: دلوقتي ياليان أنا هعترف قدام كل الناس إني بعشقك وعشقك أصابني فعلاً. وبدأ يغني أغنية "أصابك عشق". (أصابك عشق أم رميت بأسهم فما هذه إلا سجية مغرم ألا فاسقيني كاسات وغني ليذكر سليمة والكمان ونغمي أيا داعياً بذكر العامرية أنني

أغار عليها من فم المتكلم أغار عليها من ثيابها إذا لبستها فوق جسم منعم ليل ياليل ليل الليل يا ليل يا ليليا ليل يا ليل يا ليل، يا يا يا ليل يا ليليا ليل يا ليل يا ليل أغار عليها من أبيها وأمها إذا حدثاها بالكلام المغنم وأحسد كاسات تقبلن ثغرها إذا وضعتها موضع اللثم في الفم أغار عليها من أبيها وأمها إذا حدثاها بالكلام المغنم وأحسد كاسات تقبلن ثغرها إذا وضعتها موضع اللثم في الفم ليل يا ليليا ليليا ليليا ليليا يا ليل)

ليان: عيطت وحضنت أدهم وقالتله: "بحبك". وغنتله أغنية كارمن سليمان: "ربنا يخليك لقلبي". (مش قادرة لسه أصدق إنك إنت بقيت معايا وخلاص كل اللي ياما حلمت بيه بقى بين إيديا مش عايزة حاجة تاني، خلاص حبك كفاية واحلم وأتمنى إيه من الدنيا دا إنت كتير عليا يا رب ربنا يخليك لقلبي تبقى طول العمر جنبي كل ما أسمع حاجة عنك بعرف إني اخترت صح كأن لقانا أحلى صدفة يا اللي جنبك ببقى عارفة من حسن حظي إني قابلتك تقدر تقول جيتني في وقت

أنا كنت قبلك مش عايشة وخلاص هعيش يا ما عليك كنت بدور وبجد مش قادرة أتصور لو عمري كان قبلك عدى مقابلتنيش يا رب ربنا يخليك لقلبي، تبقى طول العمر جنبي كل ما أسمع حاجة عنك بعرف إني اخترت صح كأن لقانا أحلى صدفة يا اللي جنبك ببقى عارفة إنك إنت جيت حياتي تملي كل سنيني فرح) وكان الجو مليان حب وفرح. خلص الفرح وطلعوا الجناح بتاعهم. ومريم وأسر كل واحد روح بيته. وسيلا ومالك راحوا شقتهم اللي فوق بيت مالك. ليان:

دخلت مع أدهم الجناح وكانت مكسوفة جداً، وبان عليها. أدهم: ليان حبيبتي ادخلي غيري الفستان وتعالي نصلي عشان نبدأ حياتنا صح. ليان: دخلت غيرت ولبست إسدال الصلاة وطلعت لأدهم اللي كان غير هدومه ومستنيها. وانبهر وهي داخلة قد إيه هي جميلة من غير ميكب ولا أي حاجة من اللي البنات بيعملوها. وقف صلى بيها. وبعد ما خلصوا قعد قدامها وقالها:

أنا أحاول على قد ما أقدر أتقي ربنا فيكي وأعاملك أحسن معاملة لأني بحبك واتمنيتك وربنا جمعني بيكي. ليان: أنا كمان ي أدهم بحبك وهتقي ربنا فيك وهشيلك جوا قلبي وعيني العمر كله. أدهم شالها ودخلها الأوضة ونيمها على السرير ونام في حضنها لما حس إنها خايفة من أول ليلة ليهم. وليان فضلت تملس على شعره بحنان. أدهم:

متخافيش ي لي لي أنا عمري ما هلمسك غصب عنك أو أخوفك مني. أنا بحبك أوووي وعمري ما هاجي جنبك إلا لما تكوني جاهزة نفسياً إنك تكوني مراتي قولاً وفعلاً. ليان: افتكرت خالد وهو بيحاول يعتدي عليها وبدأت ترتعش وترجف. أدهم: ليان حبيبتي متخافيش مش هعملك حاجة والله. وأخدها في حضنه لما لقي دموعها وشهقاتها زادت. ليان: أنا أنا آسفة ي أدهم بس مش بإيدي والله أنا مش قادرة أنسى اللي حصلي. أدهم: شدد في حضنها جامد وقالها:

ليان إنتي مراتي وحبيبتي وإحنا مش مع بعض انهارده بس إحنا هنفضل مع بعض العمر كله بإذن الله. فعادي ي روحي أنا مش هلمسك إلا لمة إنتي تطلبي ده. أنا مستحيل أخوفك مني ي ليان. وطبطب عليها وأخدها في حضنه وناموا. نروح لسيلا ومالك. مالك: سوسو ي سوسو إنتي ي بت روحتي فين؟ سيلا: كانت واقفة فوق الدولاب. أنا هنا ي قلب سوسو جاي الأوضة تعمل إيه بقا؟ مالك: إنتي إيه طلعك عندك ي بنت المجانين؟ انزلي من فوق الدولاب ي بنتي. سيلا:

وأنا إيه يضمنلي ياخويا إنك متتحرش بيا أصلاً؟ أنا جميلة ومتقاومش. مالك: برق عيونه بصدمة. اتحرش بيكي؟ عوض عليا عوض الصابرين يارب. أنا جوزك ي بنت الهبلة. انزلي انزلي قبل ما تشليني. سيلا: بعيد الشر عنك ي قلبي إنت بس برضه أنا مضمنكش. مالك: انزلي ي سيلا وأنا هنام برا. انزلي ي قلبي. هي ليلة باينة من أولها بقا يارب. الليلة اللي بستناها طول عمري وإن الهبلة دي تكون في حضني تطلعلي فوق الدولاب كأنها بتصيد فيران. سيلا:

نازلة أهو بس والله أي حركة غدر هنزعل. مالك: انزلي ي آخره صبري بقا. في عروسة تلبس ميكي ماوس؟ سيلا: مش أنا عملت كده يبقى فيه. مالك أول ما سيلا نزلت مسكها من ضهرها وحضنها. سيلا: عاااااااااا كنت عارفة إنك هتعمل حركة غدر. مالك: بحبك ي مجنونة واستنيت لليوم دا كتير أوي وأهو جه وإنتي في حضني. سيلا: أنا والله ما مصدقة إن مالك اللي فضلت أحبه من إعدادي اتجوزنا وأنا في حضنه دلوقتي. مالك أنا بحبك أوووي وجعااااااااااانة أووووي.

مالك: الله يلعن أبو فصلان أهلك. إنتي فصيلة ي بت حد عرفك كدا؟ سيلا: الله يعني يرضيك حبيبتك تنام جعانة؟ مالك: لا ي روحي ميرضنيش. وراحوا أكلوا. وسيلا جريت ودخلت الأوضة وقفلت الباب وغيرت هدومها لبيبي دول أسمر جميل. وبعدين فتحت لمالك اللي اتصدم من جمالها. وأخدها في حضنه وراحوا لعالمهم الخاص. وأصبحت سيلا زوجته قولاً وفعلاً. نروح لأسر ومريم. أسر رن على مريم وقالها: مريومتي عاملة إيه؟ مريم: الحمد لله ي أسر أنا كويسة. أسر:

مريم إنتي حاسة بحبي ليكي صح؟ حاسة إني كنت هتجنن عليكي صح ولا لأ؟

أنا كنت بموت ي مريم وإنتي بعيدة ومتجوزة البني آدم دا. كنت غبي أوي إني معترفتلكيش بحبي واتجوزتك وقتها. بس أنا مكنتش جاهز وكنت خايف أدهم يقول إني ببص لأهل بيته. بس أنا بعشقك حرفياً. أنا كنت بموت ألف مرة في الثانية وأنا بتخيلك في حضن حد غيري. كنت بتقطع بس مش في إيدي أعمل حاجة. كنت بتمنى كل يوم إنك ترجعي. لحد ما رجعتي قلبي مكنش مصدق من فرحته وطلبتك من أدهم فوراً. كان هاين عليا أحضنك وإنتي بتعيطي وأقولك ارحمي قلبي اللي مش مستحمل يشوف دموعك. بس مكنش ليا الحق دلوقتي. ي مريم بقولك بعشقك وعمري ما هسيبك تضيعي من إيدي تاني.

مريم: عيطت. للدرجادي ي أسر؟ بس متستغربش يمكن قلبك كان بيحبني كدا عشان قلبي كمان كان بيعشقك. استنيت كتير أوي تيجي وتصارحني بس إنت اتاخرت. أنا اتجوزت جاك آه بس هو ملمسش شعرة مني. أنا لسه بنت زي ما أنا. هو كان متجوزني مصلحة عشان ياخد فلوس من أدهم. لكن أنا عمري ما حبيت ولا هحب غيرك. أسر كان مصدوم وقلبه بيرقص من ناحية إن حبيبته طلعت بتحبه أكتر منه كمان، ومن ناحية تانية إنه أول واحد هيلمسها. أسر: إنتي بتتكلمي بجد ي مريم؟

مريم: أيوا ي روحي بتكلم بجد. إنت أول واحد هيلمسني. أنا حافظت على نفسي منه عشانك. أسر: عيط. أنا بحبك أوووي وهفضل أحبك لآخر يوم في عمري. جه الصباح على الكل. منهم اللي مبسوط، ومنهم اللي حياته هتتغير، ومنهم اللي بيخطط بشر.