رواية حب مخفي الفصل العاشر 10 - بقلم فاتن جمال

زين قرب أيده من فيروز. "من ساعة ما شفتك وأنا مش عارف لي قلبي بيقرب منك." فيروز قلبها دق، بس رجعت افتكرت كلامه وأنه بيحب. "إن شاء الله تلاقيها." ومسكت إيد زين ونزلتها. زين: "انتي زعلتي؟ فيروز: "بعد إذنك أنا لازم أروح أنام." زين: "تصبحي على خير." فيروز وهي ماسكة دموعها: "وأنت من أهل الخير." ودخلت الأوضة فضلت تعيط وتسأل نفسها إيه اللي مزعلها من كلامه. تاني يوم.

فيروز قامت من النوم وبدأت تلبس هدومها وهي مش عارفة هي زعلانة ليه. وخرجت بعد ما لبست لقت زين قاعد على الكنبة. زين: "صباح الخير." فيروز: "صباح النور." زين: "يلا عشان تفطري." فيروز: "مش عايزة." زين قرب منها. "عينيكي مالها؟ فيروز: "مفيش حاجة." زين: "متأكدة؟ فيروز: "أيوه. ولو سمحت يلا بينا." زين: "تمام." بعد وقت وصلوا الشركة. زين: "صباح الخير يا مروة." مروة السكرتيرة: "صباح النور زين باشا."

زين: "مروة هاتيلي القهوة بتاعتي وتعالي على مكتبي." "فيروز اتفضلي معايا." مروة: "حاضر يا فندم." زين دخل مكتبه وفيروز معاه. زين: "فيروز انتي هتكوني مكان مروة لأن مروة هتتجوز." فيروز: "تمام." مروة دخلت وهي شايلة كوباية القهوة. "زين باشا اتفضل." زين: "مروة فيروز هتكون السكرتيرة بتاعتي الخاصة مكانك بعد ما تمشي." مروة: "أهلاً يا فيروز." فيروز: "أهلاً." زين: "مروة فيروز هتبدأ من النهارده."

مروة: "تمام يا فندم. فيروز اتفضلي معايا أعرفك طريقة الشغل." فيروز: "تمام بعد إذنك." زين: "اتفضلوا." مروة: "اسمك فيروز إيه؟ فيروز: "اسمي فيروز سعد محمد الدين." مروة: "غريبة سعد محمد الدين." فيروز: "في إيه؟ مروة: "ولا حاجة." وكملت في بالها: "يمكن تشابه أسماء." "طيب ممكن بطاقتك؟ فيروز: "طلعت البطاقة الشخصية." مروة: "غريبة اسمك في البطاقة رؤيا." فيروز: "أيوه دا اسمي الحقيقي بس أنا بحب فيروز." مروة: "تمام."

بعد وقت كانت فيروز بدأت تشتغل وتعرف الشغل. عادل دخل الشركة. فيروز كانت واقفة تتكلم مع فاطمة. عادل طلع الدور بتاع زين. لقى فيروز هي اللي قاعدة مكان مروة. عادل: "زين باشا جو؟ فيروز سابت الفون. "أيوه يا فندم جو." عادل دخل وسابها. زين: "عادل عامل إيه؟ عادل: "انت اللي عامل إيه؟ زين: "بخير." عادل: "الجرح مش بيوجعك؟ زين: "لا الحمد لله طلع سطحي." عادل: "طب عايزين نرجع ورق الصفقة علشان اللي نازل قصدنا مش سهل."

زين: "نهايته قربت." عادل: "لسه بردو مش نازل تنزل شغلك؟ زين: "عادل بلاش كلام في الموضوع ده." عادل: "براحتك يا زين." زين: "ممكن نشوف شغلنا؟ بدأ زين وعادل يشوفوا ورق الشغل. بعد وقت طويل كانت فيروز حست بالتعب من قلة الأكل ونامت على المكتب. ومروة كانت بتخلص ورق فيروز علشان زين يمضي عليه. عادل: "أنا مش قادر خلاص." زين: "كده كل حاجة جاهزة لبكرة." عادل: "أنا مش قادر عايز آكل." زين: "وأنا كمان." عادل: "طب يلا بينا."

زين: "لا روح انت أنا هروح آكل مع فيروز." عادل: "أنا مش عارف انت مالك بيها." زين: "مالي يا عادل؟ عادل: "اسأل نفسك يا زين. انت مش شايف انت مهتم بيها إزاي؟ زين: "عادل ممكن نتكلم بعدين." عادل: "زين انت شكلك نسيت رؤيا." زين: "محدش بينسى روحه يا عادل." عادل: "زين انت بتحب فيروز." زين: "عادل لو سمحت نتكلم بعدين." عادل: "تمام." مروة استأذنت ودخلت. زين كان قاعد يتفرج على فيروز وهي نايمة على المكتب. مروة: "زين باشا."

زين: "اتفضلي يا مروة." مروة: "ده ملف فيروز. ممكن تمضي على تعيينها." زين مسك الملف وبدأ يشوفه. لكن فجأة لقى اسمها رؤيا سعد محمد الدين. قام وقف مرة واحدة وبدأ يمسك الملف كويس. مروة: "في حاجة يا فندم؟ زين: "لا مفيش حاجة. ممكن تتفضلي انتي."