رواية حب مخفي الفصل الخامس 5 - بقلم فاتن جمال

فيروز بغيظ: الأستاذ سرق تليفوني! زين بص بغيظ: قصدي إني حرامي؟ فيروز: لا مش قصدي، أنا بقولك إنك حرامي! أم أحمد: استنوا بس عايزة أفهم. فيروز: مفيش حاجة هتتفهم، أنا ماشية. أم أحمد: هتروحي فين؟ أنتي مش من هنا. فيروز: هبات في أي مكان. زين بعصبية: يعني إيه في أي مكان؟ أنتي هبلة؟ أنتي هنا مش القاهرة، أنتي هنا في الصعيد. فيروز قربت منه وحطت صُباعها الصغير في وش زين وقالت: إياك تعلي صوتك عليا تاني.

زين مسك إيدها وقال بتحدي: أنتي عارفة المرة الجاية هعمل فيكي إيه؟ فيروز: آخرك صوت يا حلو. زين قبل ما فيروز تكمل كلامها شالها وقال: دادا افتحي الباب. أم أحمد فتحت الباب. فيروز: نزلني يا شرير! زين: اسكتي مش عايز أسمع صوتك. أم أحمد: يا حبيبتي بلاش تتكلمي، زين عصبي. فيروز: مش هروح معاكم. أم أحمد: حبيبتي هو هيوصلنا بس. زين ركب العربية وفضل طول الطريق يبص عليها. بعد وقت. أم أحمد: انزل يا حبيبي.

زين: لا أنا همشي وبكرة أبقى أجي. فيروز: يكون أحسن برضه. زين بغيظ: دادا أنا وحشني أكلك، وقررت أطلع أكل. فيروز: أكيد بتهزر. أم أحمد وقفت تضحك عليهم. زين: لا وياريت لو هتطلعي، في ياله. فيروز: حرامي رخم. زين: بتقولي حاجة؟ فيروز: هات فوني. زين افتكر اسم صاحبتها وقال: هي مين عود الجرجير؟ فيروز: هي رنت عليا أكيد علشان الشامبو. زين وقف يبص عليها وعلى ملامح وشها تجنن، ملامح طفلة صغيرة، عيونها السمرا وطريقة كلامها.

أم أحمد لاحظت أن زين انتبه لفيروز، قربت من زين وقالت: قلبي مرتاح ليها. زين بدون وعي: وقلبي أنا كمان، مرة واحدة رجع لوعيه: قصدي إنها هبلة بس عنيدة. أم أحمد ضحكت وقالت: هي فعلًا عنيدة، بتفكرني بيك وأنت صغير. زين: مستحيل أنا كنت زي دي. فيروز حست أنه بيتكلم عنها، قالت: أنت بتقول إيه يا حلاوة أنت؟ زين: مش قولتلك هبلة. أم أحمد: طب ياله على فوق. فيروز أول ما دخلت الشقة حست بالراحة، حست أنها عارفة المكان.

أم أحمد: اتفضلي يا حبيبتي. ادخل يا زين. زين: الشقة زي ما هي. أم أحمد: من يوم ما رجعت فيها وأنا عايشة فيها زي ما هي. فيروز فضلت تبص على الشقة كلها. أم أحمد: إيه يا حبيبتي الشقة عجبتك؟ زين: طبعًا لازم تعجبها، هي تحلم بشقة زيها. فيروز بغيظ: وأنت بقى عرفت منين إني عايشة في عشة؟ زين: أكيد يعني. فيروز: ولا قصدك عرفت علشان عشتي جنبك يا شحات؟ زين بغضب: أنتي يا بت ملكيش دعوة بيا. فيروز: قول لنفسك يا مغرور. زين: أنا مغرور؟

فيروز: وحرامي. أم أحمد: اسكتوا بقى. فيروز: لو سمحتي أنا عايزة أنام. أم أحمد: من غير أكل مستحيل، تعالي معايا المطبخ، وأنت يا زين ملكش دعوة بيها. أم أحمد وفيروز دخلوا المطبخ وبدأوا بتحضير الأكل. بعد وقت. فيروز بدأت تحط الأكل على السفرة. وزين لاحظها. أم أحمد: ياله يا حبيبي الأكل جاهز. زين قرب يقعد، فيروز قاعدة قدامه وبدأوا في الأكل. زين: الأكل يجنن، تسلم إيدك يا دادا. أم أحمد: تسلم إيد فيروز هي إلا عملت الأكل.

زين: وأنا أقول ليه الأكل مش حلو؟ فيروز: علشان كدا كلت الأكل كله. أم أحمد: بس يا ولاد كفاية خناق. فيروز: بعد إذنك عايزة أنام. أم أحمد: اتفضلي يا حبيبتي دي أوضتك. زين استغرب. فيروز: شكرًا. أم أحمد: العفو يا حبيبتي. زين باستغراب: دادا عمرك ما فتحتي الأوضة لحد، إش معنى هي؟ أم أحمد دموعها بدأت تنزل وهي بتقول: مش عارفة يا زين، حسيت إنها هي. زين قرب منها وحضنها: متزعليش، صدقيني والله هفضل أدور عليها.

فيروز خرجت مرة واحدة قالت: إيه دا أنت بتعمل إيه؟ زين: وأنتي مالك؟ فيروز لاحظت أن أم أحمد دموعها بتنزل، قربت منها: مالك يا طنط؟ أم أحمد: مفيش يا حبيبتي. زين: نفسها في حاجة حلوة. فيروز: بس كدا من عونيا. زين: بتعرفي ولا هنروح المستشفى؟ فيروز: اسكت أنت بس وتعال قولي مكان المكونات. أم أحمد: استني يا حبيبتي أنا هاجي أساعدك. زين: لا خليكي أنا عارف مكان كل حاجة. فيروز: ورايا. زين: لا أوعي تكوني فاكرة نفسك شيف.

فيروز: هش وياله هات الدقيق. زين: مش المفروض البيض الأول؟ وبعدين أنتي هتعملي إيه؟ فيروز: مش عارفة. زين: طب بقولك إيه، اطلعي برا وأنا هعمل. فيروز: لا كدا هيكون شكلي وحش قدام دادا. زين ضحك عليها. فيروز: بتضحك ليه؟ زين وهو بيضحك: روحي شوفي وشك. فيروز مسكت الفون: إيه دا وشي عليه دقيق منين؟ زين: لازم يكون عليكي دقيق مش الشيف. فيروز بغيظ: بطل تضحك عليا أنت سامع. زين: طب وسعي.