رواية حب مخفي الفصل السادس 6 - بقلم فاتن جمال

زين: لازم يكون عليكي دقيق مش الشيف. فيروز بغيظ: بطل تضحك عليا، أنت سامع! زين: طب وسعي كدا. بينما فيروز تبتعد، تعثرت في السجادة، وكادت تسقط، فمسكها زين من خصرها وسرح في عينيها. زين: تعرفي إنك جميلة عن قرب أوي. فيروز: ها؟ بتقول إيه؟ زين: بقول إنك جميلة أوي. فيروز: طب ما تشيل إيدك عن وسطي علشان مكسرهاش ليك يا حلاوة. زين شال يده من على خصرها، فوقعت على الأرض. فيروز بعصبية وهي تتوجع: منك لله! ضهري وجعني.

زين: تستاهلي، مش أنتي اللي قولتي أشيل يدي! فيروز: ماشي يا زين. زين: يلا برا، عايز أعرف أشتغل. فيروز: يارب أنت على الظالم. زين: يعني أنا ظالم؟ فيروز: ومفتري. زين: طب أنا غلطان، كنت هرجع ليكي فونك. فيروز: بجد؟ طب هو فين؟ زين: بعد إيه بقى؟ مش قولتي عليا ظالم؟ فيروز: عايزة الحق؟ أنت ظالم بس حلاوة. زين: على فكرة أنتي هبلة. فيروز: الله يسامحك. زين: طب ممكن أرجع ليكي الفون بس بشرط. فيروز: هو علشان أنا غلبانة يعني هتستفزني؟

زين: براحتك. فيروز: موافقة خلاص. زين: اعتذري. فيروز: أعتذر لمين؟ زين: ليا. فيروز: بس أنت الغلطان. زين: براحتك. فيروز: خلاص أناااااا مش راضية. زين: براحتك. فيروز: طيب خلاص أنا آسفة. زين: اسمها آسفة مش آسفة. فيروز: آسفة خلاص بقى هات الفون. زين: لسه في حاجة كمان. فيروز: طيب إيه هي؟ زين: عايز بوسة. فيروز: من عونيا. زين: بسهولة كدا؟ فيروز: فيها إيه؟ محدش شايف بس غمض عيونك الحلوين. زين: مش مرتاح ليكي بس ماشي، أهو غمضت.

فيروز مسكت الدقيق ووقّعته على دماغ زين كله. فيروز: إيه رأيك؟ البوسة حلوة صح؟ زين كان لسه بيستوعب اللي حصل: كنت عارف إنك مش سهلة بس والله يا فيروز لأعرفك مين هو زين. فيروز: طب خلص الكيك وشيل الدقيق من على وشك. زين مسك يدها: والله هو ينفع اللي بهدل حاجة ماينضفهاش؟ وقرّب فيروز ليه، ومسك يدها الثانية وقال: شيلي الدقيق ونضفي هدومي. فيروز كانت سرحت في زين وبدأت تشيل الدقيق وهي مش حاسه بنفسها.

زين: المرة الجاية هيكون العقاب أكبر. فيروز: ها؟ بتقول إيه؟ زين: مالك؟ فيروز: ولا حاجة. زين: طب يلا نضفي الأرض. فيروز: طب أوع كدا سيب إيدي. زين: إيدك دي المرة الجاية هقطعها. فيروز: ليه؟ كنت مين؟ زين: بكرة تعرفي أنا مين وأقدر أعمل إيه. فيروز: مغرور. زين بعصبية: أنا مغرور؟ فيروز: جداااا. أم أحمد: إيه يا ولاد؟ مش ناكل الحلو؟ فيروز: خلاص يا دادا، الشيف جاي بالكيك. زين: وسعي كدا. بعد وقت، زين خرج وهو ماسك صينية الكيك.

أم أحمد: بصراحة ريحتها حلوة أوي. زين: ولسه طعمها. فيروز: دادا، أنتي حافظة نمرة الإسعاف؟ أم أحمد: ليه يا بنتي؟ خير؟ زين: الهانم بتتريق عليا يا دادا. فيروز: بس ما تقولش هانم. زين: وأنتي أصلاً تحلمي تكوني هانم. فيروز: أنا مش هرد عليك. أم أحمد: طب بس اسكتوا بقى. الله! الكيك طعمها جميل، دوقي يا فيروز. فيروز: لا شكرًا. زين: براحتها. فيروز كان نفسها تأكل منها. زين: بعد إذنك يا دادا، هرن على عادل. أم أحمد: اتفضل يا حبيبي.

فيروز صدّقت أن زين مشي، ومسكت الكيك وأكلت منها. أم أحمد كانت قاعدة تتفرج عليها وتبتسم. زين كان واقف من بعيد يتفرج عليها. أم أحمد: طعمها حلو صح؟ فيروز: أوي بصراحة، بس هو مغرور. أم أحمد: علشان ما تعرفيش زين بس. فيروز: ومش عايزة أعرفه، حرامي التليفون. أم أحمد: طب خدي بالك، جاي. فيروز قاعدة مكانها وعملت نفسها ما أكلت حاجة. زين: دادا أنا ماشي.

أم أحمد: باقي على الفجر ساعة يا حبيبي، استني صلي وبعدين امشي. فيروز، أنتي خريجة إيه؟ فيروز: أنا خريجة حقوق جامعة القاهرة. أم أحمد: وشغالة فين؟ فيروز: شغالة في شركة. أم أحمد: وعايشة مع مين؟ فيروز: مع صحبتي. أم أحمد: يا حبيبتي. زين كان قاعد بيسمع ليها. أم أحمد: طب ما تيجي تعيشي هنا مع أختك. فيروز: مش هعرف، اتعودت على القاهرة. أم أحمد: أنتي ومنار بس ما عندكوش إخوات تاني؟ فيروز: لا، أنا ومنار.

أم أحمد: بس أنا سمعت قبل كدا من منار إنك بنت عمها. فيروز: آه، بابا وماما توفوا وعمو سعيد خدني. أم أحمد: أنتي شفتي أبوكي وأمك؟ فيروز: لا ما أعرفش عنهم حاجة. زين حس إن أم أحمد بتسأل علشان نفسها تطلع هي. أم أحمد: أبوكي اسمه إيه؟ فيروز لسه هتقول الاسم، زين اتكلم وقال: دادا، شكلها تعبانة وعايزة تنام، بكرة أبقى اتكلمي معاها. فيروز: أنا فعلاً مش قادرة، بعد إذنكم. أم أحمد: تصبحي على خير يا حبيبتي.

فيروز دخلت الأوضة وأول ما نامت على السرير حست إنها في بيتها وراحت في النوم. برا. زين: مش كدا يا دادا، مش هي اللي بتدوري عليها. أم أحمد: أمال ليه قلبي بيقولي إن هي. زين: دادا صدقيني هرجعها ليكي. أم أحمد: إمتى يا زين؟ أنا تعبت يا ابني. زين: هانت والله، أنا لازم أمشي دلوقتي، ده تليفونها، لما تقوم اديها ليها. أم أحمد: حاضر. زين نزل تحت وركب العربية وطلع صورة لبنت صغيرة: هرجعك يا رؤيا ليا. يتبع.