رواية حب مخفي الفصل الرابع 4 - بقلم فاتن جمال

زين -عادل أنا عايزك تدعي إن اللي في دماغي صح، لأن ساعتها هتزعل أكتر ما زعلت على عمك. عادل -زين، أنت اتجننت! أنت مش متخيل أنت بتفكر في إيه. زين -أيوه متخيل. عادل -أنت فاكر إن أبويا هو اللي قتل أبوك؟ زين بعصبية -صدقني، أمسك دليل واحد. عادل -زين، أنت خلاص اتجننت، أنت فاهم أنت بتقول إيه؟ زين -طول عمره أبوك بيكره أبويا. عادل -زين، أبوك ده عمي وأبويا أخوه. زين

-بس مش من نفس الأم، وده اللي كان دايماً مخلي أبوك يكره أبويا. متنساش يا عادل إن أبوك كان السبب قبل كده في تعب أبويا وطلاق أختي عشان تتجوزها. عادل بندم -بس أنا موافقتش على كلام أبويا، لأني عارف إن مها بتحب جوزها وحاولت أرجعها له، بس هي كانت رافضة لأنه جه عليها. زين -عادل، بلاش تدخل في الموضوع، خلينا إخوات أحسن. عادل -زين، أنت عندي أهم من أبويا، أنت عارف إني مشفتش حنية غير معاك. زين

-طب يلا على شغلك، لأني لازم أسافر الصعيد حالا. عادل -خير؟ زين -خبير المكن الجديد جاي ولازم أكون موجود. عادل -هتسافر بالطائرة ولا العربية؟ زين -مفيش وقت للعربية، أنا خليت السكرتيرة تحجز. عادل -خد بالك من نفسك. زين -متقلقش. عند فيروز: خالد -الو يا حبيبتي. منار بصوت متعب -خالد، أنت فين؟ أنا بولد. خالد بصوت عالي وخوف -طيب يا روحي، اهدي، إحنا قربنا نوصل. منار -لا، م قادرة. خالد

-طيب يا حبيبتي، أنا هرن على أم أحمد تاخدك المستشفى. فيروز -مالها منار؟ خالد بقلق -بتولد. فيروز بخوف -طب هنعمل إيه يا أسطا؟ سوق بسرعة. السواق -حاضر يا هانم. خالد -ازيك يا أم أحمد؟ معلشي روحي لمنار بتولد وأنا جاي في الطريق. اطلعي على أي مستشفى. أم أحمد -حاضر. فيروز -هنروح فين؟ خالد -في مستشفى قريبة من البيت هنروح عليها. بعد وقت: فيروز -لو سمحتي، في واحدة حامل جت هنا. الممرضة -أيوه، في واحدة جت ومعاها واحدة ست. فيروز

-راحوا فين؟ الممرضة -الحامل في العمليات، والست الكبيرة قاعدة. خالد -فيروز، أنا نازل الحسابات. فيروز -راحت قربت من الست. كان عندها إحساس إنها تعرفها، رغم إنها أول مرة تشوفها. فيروز -إزي حضرتك؟ أم أحمد -الحمد لله. أنتِ مين؟ فيروز -أنا أخت منار. أم أحمد -أهلاً بيكي يا حبيبتي. فيروز -شكراً. وفضلت فيروز مركزة في تفاصيل وش أم أحمد. خالد -شكر يا أم أحمد على وقفتك جنب منار. أم أحمد

-عيب يا خالد، منار دي زي بنتي، متنساش إنكم دايماً جانبي. فيروز -ربنا يديم الحب بينكم ويديم ابنك ليكي. أم أحمد -بس أنا مبخلفش. فيروز -إزاي؟ أمال مين أحمد؟ أم أحمد -ده اسم مركب. خالد -الدكتور طلع. فيروز -دكتور، أختي عاملة إيه؟ الدكتور -مبروك، جابت ولد. فيروز -وهي يا دكتور؟ الدكتور -بخير الحمد لله. خالد -شكر يا دكتور. فيروز -مبروك يا خالد. أم أحمد -مبروك يا خالد. خالد -الله يبارك فيكم. الممرضة طلعت ومعاها البيبي.

الممرضة -هتسموا إيه؟ خالد -هسميه أبو حسين. فيروز بصدمة -أنت بتقول إيه؟ مين أبو حسين ده؟ خالد -الرئيس بتاع الشغل. فيروز -لا، ده حبيب خالته، أنا اللي هسميه. وبعدين لو سمحتي هاتي كدا عشان أكبر في ودنه. خالد -فيروز، ده ابني. فيروز -وابن أختي، وابعد إيدك وروح شوف مراتك. في نفس الوقت كان زين في المستشفى بيشوف حد من رجّالته تعب فجأة. فيروز -هسميك إيه يا صغنن أنت؟ زين كان ماشي شافها وهي بتتكلم مع البيبي. زين -سميه زين.

فيروز بصدمة -أنت! زين -صدفة خير من ألف معاد. فيروز -دي صدفة، استغفر الله العظيم. مش عايزة أقول حاجة قدام الولد. زين وقف وربع إيده وضحك عليها. زين -المفروض إنه يبعد عنك من دلوقتي، عشان لو فضل معاكي أكتر من كده هينهبل. فيروز -أنت بتقول إيه؟ زين -ولا حاجة، ووسعي كده واسمعي، لو اسمه اتغير مش هيحصل كويس. فيروز -وأنا مش هسميه زين. زين لبس النضارة وقال بكل ثقة -هنشوف. وسابها ومشي. الممرضة -يا آنسة، اكتبي اسم المولود إيه؟

فيروز كانت بتكلم نفسها وبتقول -زين، فاكر إني هسمي زين. الممرضة -يعني أكتب الاسم زين؟ فيروز -بدون وعي -أيوه، اسمه زين، مش عارفة شايف نفسه على إيه. الممرضة -اتفضلي شهادة الميلاد. فيروز -لسه بتقول -بس أنا مختارتش، إيه ده؟ أنتي كاتبة زين ليه؟ الممرضة -مش حضرتك اللي قولتي. فيروز -لأ، أنا قولت عليه هو. يا ربي، يعني بقوا اتنين زين. زين -أم أحمد، بتعملي إيه هنا؟ أم أحمد

-واحدة جارتي كانت بتولد وجوزها مكنش موجود، فجيت معاها المستشفى. زين -طيب يا حبيبتي، عايزة حاجة؟ أم أحمد -تسلم يا حبيبي. بعد وقت: فيروز -حمد الله على سلامتك يا حبيبتي. منار -الله يسلمك يا حبيبتي. أمال فين البيبي؟ خالد -بيطمنوا عليه. منار -خالد، أوعى تكون سميته أبو حسين. خالد -للأسف، لا. منار -أمال إيه؟ أم أحمد -اسمه زين. منار -الله، اسمه جميل أوي. مين اللي اختار الاسم؟ أم أحمد -فيروز. منار

-حبيبتي يا فيروز، الاسم جميل. فيروز -أه يا روحي. وكملت بهمس -أكتر اسم بكرهه. أم أحمد -طب استأذن أنا. فيروز -مينفعش تمشي في الوقت ده لوحدك، أنا جاية أوصلك. أم أحمد -خليكي يا بنتي. فيروز -لا، مينفعش. خالد -معلشي يا أم أحمد، خلي فيروز توصلك وتبات معاكي، لأني مفيش غير حد واحد اللي هيبات وأنا مقدرش أسيب منار. أم أحمد بفرحة متعرفش ليه -تنوريني طبعاً. فيروز -بإحراج -أنا آسفة لو هتقل عليكي. أم أحمد -متقوليش كده. فيروز

-شكراً. قدام باب المستشفى كان واقف زين مستني حد مهم. أم أحمد -ثواني يا حبيبتي وراجعة. فيروز -براحتك. فيروز وقفت تبص على المكان. أم أحمد -زين، أنت ليه واقف؟ زين -مستني حد مهم. أم أحمد -طيب يا حبيبي، عايز حاجة؟ زين -مروحة البيت. أم أحمد -أه. زين -تعالي أوصلك، بصراحة وحشني القعدة معاكي وكمان نفسي في أكلة من أكلك. أم أحمد -تنورني يا حبيبي. زين -طب يلا بينا. أم أحمد -طب واللي أنت مستنيه؟ زين -عادي، هتصرف. أم أحمد

-طب ثواني هنادي على فيروز. زين مخدش باله من الاسم وقال -تمام. أم أحمد -فيروز، تعالي يلا. فيروز -رايحين فين؟ أم أحمد -ابني هيوصلنا. فيروز -ابنك مين؟ أم أحمد -ده ابني أنا اللي مربياه، أنا كنت شغالة دادة. فيروز -أه، فهمت. ليه أم أحمد بتقول -زين. فيروز وزين مرة واحدة -أنتِ! أم أحمد -انتو تعرفوا بعض؟ فيروز بغيظ... ويتابع.