رواية حب من الصغر الفصل السابع 7 - بقلم محبة للروايات

حور: ااااه. ثم أكملت بصوت عالٍ: أدهم الحقني! أدهم سمع صوتها وطلع جري على الغرفة اللي صوتها كان جاي منها، وقعد يخبط جامد على الباب. الشخص ده كان كاتم نفس حور. أدهم قعد يكسر في الباب، وزين وسليم وقتها شافوه وجوا، وقعدوا يكسروا معاه الباب لحد ما اتفتح. كانت حور نفسها اتكتم. جري أدهم عليها عشان يضربه. مسك المسدس وحطه على رأس حور تاني. أدهم: حور، حور فوقي، متخافيش أنا معاكي.

مجهول: سيبني أطلع من هنا. معدتش غير دقايق وتنفجر بينا كلنا. الكل بصدمة: إيه؟ خرج زين من الغرفة بسرعة واتصل على القوة اللي برا. زين: الو، يباشا فيه قنبلة في المستشفى، بسرعة، معدتش غير دقايق، اهجموا دلوقتي. شخص آخر: حضرة الرائد، ركز معايا، لازم تعرفلي مكان القنبلة دي فين وأنا هبعت فريق قنابل يفكها. ركز معايا ومتفلش التليفون، خليك معانا على تواصل. راحت أمينة ناحية زين بخوف. أمينة بعياط: هنموت هنا. زين

برغم قلقه مسك وشها وقالها: اهدي، اهدي، هعمل اللي في إيدي، خليكي هنا. وسابها ومشي. أمينة بصراخ من وراه: رايح فين؟ وراحت وراه. وصل زين للدور الأرضي ووجد القنبلة، ولسه تلت دقايق وتنفجر. اتصل على القوة. زين بسرعة: معدتش غير تلت دقايق يباشا، ودلوقتي هي موجودة في الدور الأرضي. زين: مفيش وقت، مش هنعرف نهجم، ممكن يفجروها هما. اتصرف يا زين. زين بخوف وقلق: اتصرف إزاي يباشا، أنا معرفش.

واحد من خبير القنابل قاله: ركز معايا واعمل اللي أقولك عليه. عندك كام سلك؟ زين: تلاتة. خبير القنابل: طب قولي لونهم إيه وركز، متوصلين منين. زين: فيه لون أحمر خارج من جوه، وأبيض برضه من جوه، وأصفر مش عارف، مش عارف. خبير القنابل: ركز يا حضرة الرائد، معدش وقت. أمينة كانت بتعيط من الناحية التانية وجسمها كله بيترعش. زين: الأصفر لافف حوالين الأحمر. زين: آه، والأبيض بعيد عنهم. زين: طب أقطع الأصفر.

زين مسك مشرط كان واخده وهو نازل، كانت إيده بترجف وقطعه. ومحصلش حاجة، اطمن وقعد براحته، بس قامت القنبلة شغالة تاني. زين بصدمة: الحق يا فندم، القنبلة اشتغلت تاني، معدتش غير ١٠ ثواني. خبير القنابل: اقطع الأبيض، اقطعه. زين كان متوتر ومفيهوش أعصاب، بس على آخر ثانيتين قطعه. كان على وشك إنه يغمى عليه. جاله ضيق تنفس والتليفون وقع منه على الأرض. قربت منه أمينة بخوف: زين، زين مالك؟

زين مكنش قادر ياخد نفسه. جريت أمينة لجوه وقعدت تدور على دكتور أو ممرضة. برغم العصابة اللي جوه لسه موجودة، لحد لما لقت دكتورة. أمينة بعياط: تعالي معايا، زين مش قادر يتنفس، تعالي. راحت معاها الدكتورة واتصدمت من وجود قنبلة، ولسه هتصرخ. أمينة قالت لها: متخافيش، وقفتها بسرعة. ساعديه. سندوه الاتنين ودخلوا أوضة ووضعوه على جهاز تنفس.

عند حور، دخل أدهم بهدوء وشاور لسليم. حاولوا يشتتوا تركيز الشخص اللي ماسك حور. وسليم ضربه طلقة في إيده. الشخص: آآآه. ووقع على الأرض وإيده نزفت. قرب أدهم وشد حور وخرجوا. وقعت منه وهما خارجين، حملها وراحوا لأوضة مريم. وسليم مسك الشخص ده ربطه وهو بيتوجع وإيده بتنزف.