رواية حب من الصغر الفصل السادس 6 - بقلم محبة للروايات

فيه ناس دخلت المستشفى كانوا متنكرين وكان معاهم واحد مصاب. دخلوا عند الدكتور وكان الباقي محاوط المستشفى. دخلوا لغرفة الدكتور وطلع واحد منهم مسدس وطلق طلقة في الهوا. كل اللي كان في الدور وقتها صوت، وفيه منهم كان بيتدارى. واحد من العصابة للدكتور: عالجه. عارف لو جراله حاجة هفجر المستشفى دي كلها فوق راسك. الدكتور بخوف قرب من المصاب وقال: جهزوا غرفة عمليات.

خرجوا، وكانت حور وقتها طالعة من حمام المستشفى هي وأمينة وزين وأدهم. كانوا مع سليم في الدور اللي تحتهم. واحد من العصابة بغضب لحور: تعالي هنا. حور كانت بترجع لورا. زعق بغضب فيها ووجه المسدس عليها. صوتت هي وأمينة. راح مسكها من إيدها شدها جامد وحط المسدس على راسها. وهي كانت بتعيط وكل جسمها بيرجف. أدهم كان سمع صوت ضرب نار، خاف على حور. راح هو وزين قعدوا يدوروا عليهم.

حور كانت واقفة بتعيط وكان الشخص ده كاتم بقها ولسه حاطط المسدس على دماغها. قال بصوت فحيح: لو سمعت صوتك هفضي المسدس ده كله في راسك. وحرام الجمال ده يموت. كملت حور عياطها بشهقات. هو بزعيق: اخرسي. جسم حور كله اتنفض ورجلها اتلبشت في الأرض. كان أدهم وقتها وصل وكان بينادي عليها. كانت لسه هتتكلم، كان الشخص ده شدها ونبه أمينة إنها لو اتكلمت هيقت*ل حور. وصل أدهم هو وزين ولقوا أمينة واقفة مش على بعضها. قربوا منها.

أدهم: فين حور يا أمينة؟ أمينة بعياط ومش قادرة تتكلم وجسمها بيرجف: واحد من العصابة خدها. الحقها يا أدهم. أدهم بقلق ورعب: طب هو راح من أنهي ناحية؟ إيه اللي حصل؟ أمينة بعياط: كان معاه مسدس وهددني إني لو صوتت هيقت*لها وشدها ومشي لما سمع صوتك. أدهم سابهم وطلع يجري وقعد يدور عليها. كان الشخص ده قفل على نفسه الباب من جوا وهدد حور مطلعش صوت. أدهم من بره: حووور. حور بعياط وفي نفسها: أنا هنا يا أدهم، تعالي الحقني.

بعد شوية كان صوت أدهم اختفى. عند زين خد أمينة وحاول يهديها وقالها تعالي هندور مع أدهم وأهدي هننقذها. سليم: معاك مس*دس؟ زين خرجه من جيبه. أمينة بشهقة: أنت شايل مسدس في جيبك ليه؟ زين: أنا رائد بس يعني بشتغل مع أدهم في الشركة. يلا. خدوا سليم وقعدوا يدوروا على حور. كانت الشرطة ساعتها حاصرت المستشفى وكانت كل المداخل اتقفلت من واسطة العصابة. شخص من

العصابة للشخص اللي مع حور: الو يباشا نص ساعة والقنب*لة تنفجر، بس الشرطة محوطانا. هنطلع من هنا قبل ما تنفجر إزاي؟ بص الشخص ده لحور بخبث ثم قاله: اقفل وأنا عارف إيه اللي هعمله. استنى أوامري. حور بخوف من بصته قامت ومسكت مشرط كان جمبها ولسه هتقرب منه. مسك إيدها ووقعه منها وكسر إيديها. حور بصراخ: ااااه.