رواية حب من الصغر الفصل التاسع 9 - بقلم محبة للروايات

زين بغضب: يولاد ال*ب،،،، فين الدكتورة مش هما دول يا أغبية، فيه حد تاني متخبي جوة، دورولي في كل مكان في المستشفى. اتنين من العصابة: حاضر يباشا. وخرجو. طلعو للدور اللي فوقهم. وزين كان بيحاول ما يبينش ليهم. زعيم العصابة: خدوا دي. راح واحد منهم وشد أمينة ودخلو لأوضة في المستشفى من تحت. زين خبط إيده في الحيطة بغضب. وراح وراه الشخص ده، بس معرفش يدخل لأنه قفل الباب. بعد شوية، طلعت هي والشخص ده.

وأمينة كانت بترجف ومكنتش ماشية على بعضها. زين شك إن فيه حاجة ومش طبيعية، ومكنتش كدا ساعة لما مسكوها. أمينة كانت قاعدة وبتعيط بعد ما رجعت مكانها تاني. وكل جسمها بيرجف. وشافت زين واقف بعيد. أمينة عملت حركة بإيدها ليه، عرفته إن فيه قنبلة. زين بصدمة: إيه، مستحيل. طيب هي فين القنبلة دي؟ شاورلها بمعني هي هنا. أمينة: بصتله وبصت لبطنها. زين اتوقع اللي تقصده، بس نفض الفكرة. أمينة حركت الجاكيت اللي هي لبساه شوية.

زين اتأكد إن فيه حاجة غلط، وكان قلبه بيدق جامد. اتصل على مديره. زين بخوف: الو يباشا، تقريبا فيه قنبلة تانية بين الموجودين. لازم تهجم. وبعد لحظات، ضرب النار اشتغل. وكل العصابة وقفت على المدخل وبيضربوا هما كمان. زين استغل الفرصة دي وخد أمينة. ومشيو براحة من المدخل اللي ورا. بص لقي اتنين واقفين هناك. مكنش عارف هيطلع إزاي ولا هينقذ أمينة إزاي. أمينة بانهيار: هنموت، الحقني يزين، أرجوك اعمل حاجة. زين مسك وشها:

اهدي، اهدي، هتصرف. خدها في مكان بعيد عن الكل وقعد. بص لقي القنبلة دي مش زي اللي فكها. اتوتر أكتر، مكنش عارف يتصرف إزاي. اتصل على اللي برا وبلغهم خبير القنابل. بعد ما زين وصفله القنبلة، قاله إنه مش هيعرف يتصرف غير لما تكون قدامه لأنها معقدة. عند حور، كانت بدأت تفوق. أدهم قرب منها بخوف: إنتي عاملة إيه، حاسة بإيه؟ حور بدموع، مكنتش قادرة تتكلم. أدهم خدها في حضنه وقعد يهدي فيها. حور بعد ما فاقت شوية، قالتله: أمينة فين.

أدهم: مش عارف راحت ورا زين. المهم دلوقتي تكوني كويسة. خرج الموبايل بتاعه واتصل على قائده. أدهم: الو يباشا، إنت عارف باللي بيحصل. أدهم باشا، إنت فين دلوقتي، إحنا دلوقتي محاصرين المستشفى. وزين بيعرفنا باللي بيحصل بس مش عارفين ندخل، محاصرين كل المداخل وفيه حد من اللي جوة محاوط بقنبلة. أدهم: إيه، إحنا لازم نتصرف بسرعة، ممعناش وقت. أدهم لحور: خليكي هنا، هنادي مريم والدكتورة يفضلوا معاكي، وأنا هروح أشوف إيه اللي بيحصل.

في مكان آخر: عملتو اللي قلتلكو عليه، لازم أدهم وزين يموتو، فاهمين، متطلعوش إلا لما تقضو عليهم. حاضر يباشا، إحنا دلوقتي مسيطرين على الوضع، بس لازم نخرج بسرعة قبل ما القنبلة دي تنفجر. إحنا حطيناها. ودخل يشوف أمينة، ملقاهاش. اتكلم بغضب للي جوة: راحت فين يبها*ي. لسة واحد منهم هيتكلم، ضربه بالنار. ده عقاب للي ميركزشي، غورو دوروا عليها، لو مجتش هنا دلوقتي، هخلص عليكو كلكم، فاهمين.