رواية حب من اول رسمة الفصل الخامس عشر 15 - بقلم مني احمد

دخل صقر المطبخ وكان ناوي يخضها، بس استحرم. خرج تاني وبدأ ينادي عليها من الأوضة. صقر: روح أي دا؟ روح: نعم؟ صقر: نعم الله عليكي ياختي. روح أي كللل دا؟ روح: عشان متلبسيش من هدومي تاني. صقر: وعشان؟ روح: عشان الجامعة بكرة. هروح أنا وانتي. أطلعلك بطاقة ونجهز ورق الجامعة. روح بدموع وفرحة: بجددد اااه مش مصدقة بجد بجد ي صقر. وفجأة حضنته. روح: شكراً اووووي بجد. صقر بطبطبة على ضهرها: هتحققي كل إلي نفسك فيه.

روح بإحراج وبعدت فجأة ووشها احمر من الخجل. روح: شكراً. صقر بضيق: الليل تجهزي هنخرج. روح: هنروح فين؟ صقر: اجهزي وخلاص. روح: مش عايزة تخرجي؟ صقر: هسيبك وأخرج. روح: خلاص خلاص. نهاااار أسود! الأكل سبته ع النار. قاع الحلة شيّب. بس الله ع الريحة. يلا الأكل. صقر وهو بيبص عليها وهي بتاكل وبتشفط المكرونة الإسباجتي. روح وهي بتاكل بتلذذ: كوول كوول. بتبص ع أي؟ ابتسم صقر لعفويتها.

صقر: لو أمينة شلبايه شافت اتيكيتك هترمي نفسها من الخامس. قال إيه كلي أنوثة قال. 😂 روح اتحرجت ولكن قالت: سيبني آكل دي أكلتي المفضلة. سيبني أستمتع أول مرة أستمتع كدا. كنت بطبخ ليهم المكرونة وعلي ما أحط والي يطلب شاي ألاقيها اتاكلت. يا برودتي. صقر في عقله: لاهعوضك عن كل حاجة ي روح. روح: انت مش هتاكل؟ وفجأة مسحت بوقها بمنديل وعدلت قعدتها وبدأت تاكل كويس. صقر: لا لا مش عشان كدا أبداً. دا أنا هاكل زيك. حتى.

ابتسم صقر وبدأ يلف المكرونة ع الشوكة. صقر: بسم الله. صقر بتلذذ وكأنه عمره ما داق الطعم دا قبل كده: روح أي وحشة. صقر: كويسة. روح: من غير نفس لي؟ صقر: انتي عايزة تناكشي صح؟ م بقولك حلوة. روح بابتسامة صفرا: شكراً. صقر بدأ ياكل بشراه لأنه قبل كدا كان أكله يكاد معدوم وبيأكل لوحده في المطعم بسبب انشغاله وضيق الوقت. صقر: في زايد تاني؟ روح: لزقت في قاع الحلة. صقر: طب كولي واعمليلي كوباية شاي.

روح: مين اللي كان بيقول أنه بيعرف يعمل كل حاجة؟ صقر: مش هغلب فيها، بس أنا بقي مزاجي تعملي انتي الشاي. روح: أنا شبعت. هقوم أعمله. بدأت تشيل السفرة. روح: مفيش نعناع؟ صقر: لا. بقالي كتير مش شربت أصلا. الليل نبقي نجيب في طريقنا. روح: ادي كوباية الشاي. صقر: شكراً. بدأ يدوق صقر الشاي. صقر: أي داااا يبت؟ حطيتي السكرية؟ أنا الشاي بتاعي بشربه بمعلقة سكر واحدة ومعلقة ونص وشاي. روح: وأنا بشم ع ضهر إيدي. صقر: بطلي لماضة.

روح: أنا عايزة أشتغل. صقر: نعممممم؟ روح: عايزة أشتغل. صقر بغضب: أي يعني قصرت في حاجة؟ أنا مراتي تشتغل. روح بتزعقي فيا لي؟ أنا مش عايزة أقعد لوحدي في البيت. انت هتروح الشغل وهتسبني لوحدي وأنا مش عايزة أقعد لوحدي في البيت. زهق وملل. صقر: الجامعة حضرتك خلاص. دا في عز التقديم. شهر ونص ع الجامعة بالكتير. روح: خلاص تاخدني معاك. صقر: تاخدني معااااايااااااااا؟ فيييين؟ هتجنني؟ أخدك كدا بدون تمهيد وأقول للكل دي مراتي؟

وبعدين فين الشهادة اللي أشغلك بيها؟ ولا هقعدك قدامي ديكور؟ أنا بيجيلي ميّت واحد محترف برفض الكل وبتختار اتنين بالكتير. يعني كله محترف ودراسة عليا. قوليلي بقي أشغلك إيه؟ شدي حيلك وانفعي وأسسي نفسك الأول وبعدين نتناقش. روح: لا والله أنا هوريك إن معلتش عليك ي صقر بيه. مبقاش أنا. ولما انت مش مستعد تقولهم إني مراتك ومستعر كدا كنت اتجوزتني لي؟ صقر بصوت عالي خلاها ترتجف: انتي بتترجمي الكلام ع هواكي ولا إيه بالظبط؟

اتعدلي معايا عشان مخليش أيامك كلها سواد. فاهمة؟ سابته روح ودخلت الأوضة وانهارت من العياط وبدأت تطلع اسكتشات الرسم والأدوات وهي بتقول: والله لهوريكي. لهثبت نفسي وأوصل وهيكون ليا كيان. شايف نفسه ومغرور. وبدأت ترسمه بشكل بشع. صقر بيكلم نفسه: البت دي هتجنني حقيقي. إيه اللي خلاك تفكر في الموضوع دا تاني؟ لولا إني مقدر إنها سنها صغير كنت قتلتها ودفنتها مكانها. أصبر عليها لما نشوف أخرتها.

عند وسام وكان لسا نايم من أول ما رجع من السفر. وسام: استغفر الله. مين البجح اللي بيرن دلوقتي؟ وسام: الوووو؟ مين؟ أم وسام: يعني مين أمك؟ ما تبني ولا جرالك إيه؟ وسام: كنت نايم ي ماما. نايم. أم وسام: ما كنت خليك معايا. لازم يعني الدماغ الناشفة. انت عارف أبوك بيحبك وأنت تصرفاتك متعجبش حد. سهر ديما وفلوسك صارفها ديما في خبص ولخبط. فوق يبني ولحد دلوقتي متجوزتش. وسام: إيه ي حاجة؟ أنا حفظت الأسطوانة الحمضانة دي.

أم وسام: عايزة أفرح بيك يبني. حاسة إني هموت. وسام بضحك: الأعمار بيد الله يامي. أم وسام: النهاردة هنتعشى برا وهتكون معايا صحبتي وبنتها. وسااام: قولي كداااااا. أنا مش هتجوز. أم وسام: لو مجتش هكون غضبانه عليك دنيا وآخرة. فااااهم. معاك ساعة تكون جاهز فيها بالظبط وتكون عندي. ويا ريت تلبس حلو. وسام: بس ي ما... فصلت بنت الـ... أما أجهز ونشوف المصيبة هنعمل فيها إيه. وسام قدام المرايا. وسام: والله مز. أما ألبس الساعة.

وسام: نهار أسود. اتاخرت. الفون بتاعي فين؟ الحاجة رنت عشر مرات. ربنا يستر ويعدي اليوم ع خير. وبعد نص ساعة. في الطريق. أم وسام: كل دا تأخير؟ بقالي قد إيه مستنية؟ وسام: هنقعد فين؟ أم وسام: مطعم ع النيل. وسام: يلا طيب. يدوب نلحق. أصلي جعان أوي. ندي لأمها: كل دا تأخير ي ماما؟ إيه الناس قليلة الذوق دي؟ جايباني مغصوبة وفوق كل دا تأخير. البيه مش عاجبه ولا حاجة.

أم وسام: اهلا ي حبيبتي. اهلا. معلش اسفين ع التأخير. أصل وسام كان نايم. وسام أول ما شاف ندي. فلاش باك. وسام: أي ي باشا؟ وسام: هو أنا بكلم واحد صاحبي؟ خلي عندك شوية أنوثة. سلمى: أجيبهم منين؟ وسام: ع أول الشارع ي يروح أمك. سلمى: اتلمي ل عورك. باك. وسام شاط من الغضب لما شاف ندي واللي فيها شبه كبير من سلمى. ندي: حضرتك الوقت مش ببلاش. لما الواحد يتأخر وما يعتذرش اسمها قلة ذوق.

وسام بابتسامة صفرا: ما الذوق مش بينفع مع كل الناس. ندي: يلا ي ماما. أم ندى: اصبري ي بنتي مش كدا. اتفضلوا اقعدوا ي جماعة. ندي في سرها: بارد ودمه تقيل. ياباي عليه. صبرني يارب. أم وسام: أخبارك يبنتي عاملة إيه؟ ندي: بخير ي خالتي. وسام: خاااالتي؟ انتي متخرجة من إيه يا عيلة انتي؟ أم ندى: ندي عندها ٢٣. خريجة آثار. وسااام: أنا لو كنت اتجوزت بدري كنت جبت قدها. ندي: واضح عليك من غير ما تقول إنك عجوز.

وسام جا يتكلم ولكن قاطعه الجرسون. الجروسون: الأكل ي فندم. وسام: شكراً. الجروسون: حاجة تانية؟ ندي: لو سمحت عايزة رغيفين عيش. أم ندى: حسبنا لما نوصل. وسام بدأ ياكل بالشوكة والسكينة. الجروسون: اتفضلي يفندم. ندي: تسلم. وبدأت تاكل بالعيش. وسام فسره: همجية. الشكل ملاك بس بيئة أوي. ندي في سرها: عامل نفسه ابن ناس أوي أوي. واللي يدور ع الأصل. ياعالم يمكن زبالين. أم وسام: كولي ي أم ندا. مش بتاكلي لي؟

أم ندى بابتسامة: هاكل يحبيبتي. هاكل. دخل صقر ياخد شاور ولما طلع. روح أخدت المخدة وجيه تخرج وهي بتتلاشى. أنا تبصله. صقر: روحي نامي لوحدك في الأوضاع التانية أحسن. خليها تطلعلك. روح: ملكش دعوة. والله أنا حرة. صقر وبدأ يقرب منها. روح: ابعد عني. صقر بدأ يقرب أكتر. وبدأ يهمس في ودنها: أما أنا مليش دعوة. مين اللي ليه دعوة؟ انتي كلك ع بعضك ملكي. فاهمة؟ حتى أنفاسك دي ملكي.