رواية حب من اول رسمة الفصل السادس عشر 16 - بقلم مني احمد

روح أخذت المخده وجيه تخرج وهي بتتلاشا أنها تبصله. صقر: روحي نامي لوحدك في الأوضه التانيه أحسن، خليها تطلعلك. روح: ملكش دعوه، والله أنا حره. صقر بدأ يقرب منها. روح: ابعد عني. صقر بدأ يقرب أكتر. وبدأ يهمس في ودنها: أما أنا مليش دعوه، مين اللي ليه دعوه؟ انتي كلك على بعضك ملكي، فاهمه؟ حتى أنفاسك دي ملكي. روح بارتباك وهي بتتلاشا نظراته: ااااه طبعاً، ما انت شاريني ودافع فيا. صقر بدأ يتمالك نفسه عليها لأنه خايف يأذيها.

بعد عنها وخرجت روح للأوضة التانية وأنفاسها مش مستقرة. روح حطت مخدتها، ومن الخوف مكنتش قادرة تنام. وبتقول لنفسها: لو قمتي وروحت عنده دلوقتي هيبقى شكلك وحش أوي. صقر بضيق فتح باب البلكونه، ولكن مكنتش بلكونه، كان مرسمه الكبير اللي روح لحد دلوقتي مشافتهوش. خرج وقفل الباب وراه وبدأ يرسم وهو مدايق. صقر: غبية جداً، سافرت عشانها كل المسافة دي وتقول اشتريتني بفلوسك؟ متعرفش عملت إيه عشانها، بس يلا هنقول إيه، عيلة.

عند روح مش قااااادرة أنام ليه؟ وفجأة الكوبايه وقعت اتكسرت. روح بصراخ وخوف: اععععععععععع! صقر سمع صوتها، ساب الفرش وخرج يشوفها مالها. واتصدم فيها لأنها خارجة من الأوضة جري. روح بصراخ: اععععععععع! صقر: في إيه؟ روح من الخوف اللي مش قادرة تسيطر عليه فضلت تعيط وحضنته. صقر حس بشعور غريب. وبدأ يمسح على شعرها: اهدي، اهدي، خايفه من إيه؟ أنا معاكي.

روح بعياط: ابعد عني، انت اللي خوفتني من الأوضة وكنت نايمة خايفه، الكبايه وقعت اتكسرت، قلبي وقع في رجليا. وبدأ تعيط زي الأطفال تاني. صقر ضحك، مقدرش يسيطر على نفسه. روح زقته من حضنها وبتضحك كمان. صقر: بصراحة، انتي هبلة، ولما شوفتيني صرختي ليه؟ روح: منا كنت بجري ومش شايفة قدامي، طلعتيلي في وشي فجأة. صقر: همووووت. روح: ياااااااارب عدي كدا، طيب أوعى. ودخلت الأوضة ونامت على السرير.

صقر بضحك وفسره: دانا هوريكي الرعب، اصبري بس عليا. صقر بعد ما روح عمقت في النوم، دخل المرسم وكان بيرسم بحب في اللوحة وبيدندن بيقول: كامل الأوصاف فتني والعيون السود خدوني من هواهم رحت أغني، أه يليلي أه يعين. صقر: الوقت اتأخر، لما أقوم أنام. قفل الباب وشد الستارة عليه. لقى روح نايمة زي العيل الصغير ومتكمشة من البرد ومش متغطية. بدأ يفرش عليها البطانية وسابها ونام على الكنبة.

تاني يوم الصبح بدري صحي صقر، لبس ترنج الرياضي ونزل يجري. ورجع البيت بعد ما خلص، ياخد دوش ويجهز للشركة. روح بفوقان لأنها متعودة على الصحيان بدري. روح: إيه دا؟ فين صقر؟ سمعت صوت الميه في الحمام، دخلت جهزتله الفطار في لانش بوكس. وحطتهوله جنب مفاتيح العربية ودخلت نامت على السرير بس كانت صاحية. خرج صقر ودخل لبس بدلته الكلاسيكية ولبس ساعته ورش من برفانه الفرنسي. روح في سرها: الله على ريحة البرفان.

وبعد ما خلص صقر قرب منها وهي نايمة وباسها من خدها وخرج. روح ابتسمت وغطت نفسها في البطانية وبتتبسم. خرج صقر وقفل البيت عليها. روح لنفسها: انتي عرقتي كدا لي؟ قومي اعملي حاجة بدل الملل دا. قامت روح وهي نشيطة ومبسوطة جداً. وبتروق في البيت. روح بحزن: إيه دا؟ مخدش اللانش معاه. عادي، يمكن نساه. افطري انتي بيه، دا عمل مصلحة بدل ما أقوم أعمل فطار تاني. عند صقر في الشركة. أسماء: صقر بيه، في شغل كتير محتاج تراجعها ولوح فنانين.

صقر بحده: انتي هترغي كتير النهاردة؟ يخلص اللي أخلصه وبكرا هكمل. أسماء: حضرتك، في أسلوب أحسن من كدا. صقر بحده: انتي هتعلميني إزاي أتكلم؟ اتفضلي حضرتك. أسماء بغل: أنا هوريك. وخرجت وقفت الباب. وسام كان داخل عند صقر، شاف أسماء خارجة بتدخن. وسام: صباح الخير. صقر: صباح الزفت، اتأخرت لي؟ وسام: امبارح كنت في موعد مدبر وكانت ليلة سودا ورجعت نص الليل. طب عايزك تساعدني عشان عايز أروح بدري.

وسام: أووهوووو، اللي اتجوز يعم ومش قادر يبعد. صقر بغضب: سااام، احترم نفسك. وسام: خلاص يعم، في إيه؟ كنا بنهزر. دا انت ياباي عليك، وريني المستندات. عند ندى: ماما، دا مغرور وشايف نفسه. أم ندى: أنا مش عارفة انتي مالك يابنتي؟ عايزة أطمن عليكي، عايزة أشوفك عروسة زي باقي البنات. ندى: ي ماما. أم ندى: بلا ماما بلا بتاع، واديتها لأمه رقمك يتعرف عليكي. ندى بعصبية: انتي استأذنتيني قبل ما تديه الرقم؟

ماشي يماما، ماااااشي، أنا هوريكم ومش هاخده. روح أخدت دوش ولبست بجامه فرو وفردت شعرها وحطت برفان. روح: ياااه، الواحد حاسس براحة بعد النضافة، أنا لازم أفوق لنفسي، أستغل وقت الفراغ أطور بيه نفسي. دلوقتي أدخل أعمل غدا، طب أطبخ إيه؟ لما أدخل المطبخ وأشوف مـ... مش عارفة مكان حاجة، ومفيش أكل، هو كان بياكل إزاي؟ أما أدخل أنام، الجو برد. دخلت الأوضة وقفت الباب وشغلت الشاشة على فيلم وكانت قناة رعب.

روح: نهار أسود، نهار أسود، فين الريموت اللي بيغير منه؟ منك لله يا صقر، حسبي الله فيك. أنا أطفيها أحسن، بس بتطفي من أنهي زرار؟ يامي، يخربيت أم الجهل. وفجأة اشتغلت موسيقى رعب في الفيلم وصراخ مرة واحدة. روح: ااااععععععععع! وسدت ودنها ونامت تحت البطانية وغطت نفسها كلها. وهي حاسة إن في حاجة هتطلع لها. صقر: أنا كدا خلصت، هروح ماشي. وأخد مفاتيح عربيته. صقر وقف عند محل تليفونات كبير. صقر: لو سمحت، عايز آيفون.

السيلر: عايز لونه إيه؟ صقر: عرف إن لونها المفضل الأبيض، هات أبيض لو سمحت. صقر وبيفتح الباب ودخل الأوضة وبيشد الغطا. روح: يااميييي، الحقيني، أعوذ بالله من الشيطان الرجيم. صقر بضحكة خبيثة: انتي عايزة تجننيني؟ وبعدين سرح في جمالها وشعرها اللي منساب وبرفانها اللي ريحته جميلة جداً. روح وبتعدل نفسها: انت غبي، حد يجيب رعب ويسيبه؟ صقر: نسيت أعمل إيه؟ وبعدين مين اللي غبي؟ يابت، انتي عايزاني أقتلك وأدفنك مكانك؟

وربنا محدش هيعرف بيكي. روح: آسفة، آسفة، ما انت رعبتني. صقر: يختي عليكي. وطلع من جيبه الآيفون: اتفضلي. روح: إيه دا؟ تليفون؟ وكمان أبو تلت تفاحات؟ صقر بضحك: أيوة، هو هو. روح: أوعى تكون بتضحك عليا وحاطط جواه نوكيا، عارفة أنا الشغل دا. صقر: حد قالك إني معفن؟ يختي، افتحي وشوفي. روح: الله، كمان لونه أبيض، بحب اللون دا أوي. صقر: مبروك عليكي. روح بابتسامة جميلة دوبت قلب صقر: شكراً. صقر: فين المقابل؟ روح: مقابل إيه؟

صقر بخبث: الآيفون. روح: عايز إيه؟ صقر: بعدين، بس افتكري. روح: بس دا أكيد غالي جداً، صح؟ صقر: ميغلاش عليكي، ومتقوليش كدا تاني. روح: خد شغلهولي. صقر بدأ يشغله وظبطلها الفون وسجل رقمه عندها. صقر: أسجله بإيه؟ روح: بـ صقر. صقر: صقر كدا حاف؟ روح: أمّال صقر بالجبنة؟ صقر: يبنت، هناولك في خلقتك. وقام سجله بـ "زوجي". روح: سجلته بإيه؟ صقر: لما أرن عليكي ابقي شوفي، وهقطع دراعك لو غيرتيه، فاهمه؟ روح: نينينني.

صقر: هاخد دوش، وانتي اجهزي، هنتغدى برا. روح: انت اختلفت ومش هتقدم لي على الجامعة؟ صقر: لا، مين قالك كدا؟ أنا بس انشغلت، بكرا أقدم لك. روح: ياراجل، دا بقي إزاي؟ بكرا الجمعة. صقر: معقول؟ قوم أسبوع طار كدا؟ خلاص، يوم الأحد، سيبيني أدخل آخد الدوش، وروحي اجهزي. روح: ادخل يخويا، أنا ماسكاك عشان أسيبك؟ روح كانت مبسوطة جداً، بس في نفس الوقت حست بالزعل.

روح لنفسها: أنا الغلط مني، استعطفته، بس أكيد لا، لو مش بيحبني مكنش سافر عشاني كل دا، إيه اللي يخليه يبص لواحدة زي؟ بس هو مستعر منك يا روح، خلاص بقي بطلي تفكير وقومي اجهزي. ألبس إيه؟ الله، الدريس الأبيض دا، لما أقيسه وألبس عليه طرحة بني. إيه دا؟ الفستان محزق في الوسط، بس شيك. أول لما ألبس الطرحة كدا، والله قمر. ألبس...

هو طويل جداً، لازم أكون طويلة شوية. واو، الجزمه دي، الحاجات دي عمري ما شفتها قبل كدا، دا انتي كنتي مدفونة يبت. روح لنفسها: انتي كنتي بالجمال دا ومكنتيش تعرفي. لما أحط روج بسيط وأكحل عيوني. صقر خارج من الحمام وواقف متنح من جمالها وهي بتبتسم لنفسها في المراية. وبعدها قال بغضب: إيه اللي لبساه دااا؟ وإيه اللي حطاه في وشك؟ روح بخضه: في إيه؟ صقر: انتي مش شايفة إنه ديق؟ روح: بس عاجبني. صقر بغضب وشدها من وسطها وضغط عليه.

روح بتألم: ااااه، سبني. صقر: ميغروركيش إني فنان ومرهف وطبقة عالية، لا يا حبيبتي، أنا راجل شرقي ومقبلش، فااااهمة؟ واللي في وشك دا يتحط ليا في البيت، ليا أنا وبس. روح: مش انت اللي جبته؟ وابعد عني. روح: مش عايزة أروح، يا صقر، ابعد. صقر: دا انتي في البيت لابسة هدوم بحر وبتصحي الصبح مش بتغسلي وشك، واديني جوزك مش حد غريب. تلبسي محزق، عايزة مين يشوفك كدا؟ تلبسيه وتحطي دا لمين؟ انتي ليا أنا وبس، فاهمة؟

مش من حق حد يبصلك نظرة أنا محبهاش، مسمحش لحد أصلاً يبصلك بمجرد تفكير، هكون مطلع عينيه من مكانه، فاهمه ولا لا؟ روح بدموع بتزعق فيا لي؟ انت اللي جبتلي كل دا، مش ذنبي. وبدأت تقلع الطرحة وهي بتقول: أنا مش رايحة خلاص ومش هاكل. روح: انت... صقر بصوت عالي: لا، هتروحي يا روح، وكلامك ميمشيش عليا، ومش هتروحي باللبس دا. روح: شوف بقي هتاخدني إزاي؟ صقر وهو عينه بتطق شرار وبيطلع في الهدوم، طلع فستان غامق وواسع. صقر: البسي دا.

وطلع منديل وبدأ يمسح اللي في بقها ووشها بغضب. روح: قلت مش رايحة، وأنا أعرف أمسح وشي. صقر بغضب: هتلبسي ولا ألبسك بطريقتي؟ متخلينيش ألجأ لطرق أنا مش حاببها، هخرج وخمس دقايق تكوني جهزتي. روح بعياط وضيق وصراخ قالت: مش عااااااايزة أخرج.