رواية حب من اول رسمة الفصل السابع عشر 17 - بقلم مني احمد

انتي ليا أنا وبس فاهمه. مش من حق حد يبصلك نظرة أنا ما أحبهاش. ما اسمحش لحد أصلاً يبصلك. بمجرد تفكير هكون مطلع عينيه من مكانها، فاهمه ولا لأ؟ روح بدموع بتزعق فيا: "ليه أنت اللي جبت لي كل ده؟ مش ذنبي! " وبدأت تقلع الطرحة وهي بتقول: "أنا مش رايحة خلاص ومش هاكل. روح أنت." صقر بصوت عالي: "لأ، هتروحي يا روح، وكلامك ما يمشيش عليا. ومش هتروحي بالبس ده." روح: "شوف بقى هتاخدني إزاي."

صقر وهو عينيه بتطق شرار، وبطلع في الهدوم، طلع فستان غامق وواسع. صقر: "البسي ده." وطلع منديل وبدأ يمسح اللي في بوقها ووشها بغضب. روح: "قلت مش رايحة، وأنا أعرف أمْسح وشي." صقر بغضب: "هتلبسي ولا ألبسك بطريقتي؟ ما تخلينيش ألجأ لطرق أنا مش حاببها. هخرج، وخمس دقايق تكوني جهزتي." روح بعياط وضيق وصراخ قالت: "مش عااااااايزة أخرج." صقر بهدوء: "تمام، متخرجيش." وسابها وخرج وقفل الباب. عند ندى وفجأة لقت رسالة من رقم غريب.

ندى: "مين؟ وسام: "واحد بيكرهك." ندى في بالها: "أكيد اللي دمه سم. عايز إيه؟ وسام: "وعايز من واحدة زيها زي الراجل إيه؟ ندى: "احترم نفسك." وسام: "لما تحترمي نفسك الأول. عيلة لسه متولدتتش بتبجح؟ ندى: "ابعد عني أنت ووالدتك. أنا مش عايزة أتجوز." وسام: "يعني أنا اللي طايقك أوووي؟ بس تعرفي، عايز أتجاوزك عشان أشكمك." ندى: "ولا تقدر." وسام: "تحبي تجربي؟ ندى: "أنت أصلاً مش نوعي المفضل." وسام: "وأي نوعك المفضل؟ أبهريني."

ندى سكتت لأنها عارفة إنه فيه كل المواصفات اللي عايزاها، بس مش حابة طريقته الباردة. وسام: "سكتي ليه؟ وبعدين أنت تطولي حد زيي؟ والبنات كلها هتتهوس عليا." ندى: "فايدته إيه من برا هلا هلا ومن جوا يعلم الله." وسام: "ألفاظك سوقية." ندى: "عاجبني. عجبك ولا لأ؟ وسام: "لأ، مش عاجبني." ندى: "اخبط راسك في الحيطة. تصبح على خير." وسام كان حاسس بكره ليها، وفي نفس الوقت بيقول: "هي ملهاش ذنب. ذنبها إيه؟

ما تاخدش دي بذنب دي، والتانية أنساها خلاص وأبدأ حياة جديدة." عند روح بعد ما هديت، حسن إنها زودتها ومكنش ينفع تنفعل كده. روح لنفسها: "بس هو كان عنيف معايا واتحول عليا. هو ما بيحبنيش. لو بيحبني مكنش عمل كده." "بس هو اتأخر ليه كل ده؟ لبرا؟ أرن عليه؟ لأ، لأ، أرن ليه؟ مع نفسه. نامي." وراحت روح في نوم عميق. صقر دخل البيت وكان الوقت متأخر، وفتح المرسم ودخل

يرسم في اللوحة وهو بيقول: "والله لأعيد تشكيلك من جديد يا روح." وحس إنه كاره اللوحة اللي بيرسم فيها، خاف يبوظها، فقام ينام. نام جنبها، ولا إرادياً بدأ يمسح على شعرها ويتأمل في ملامحها الجميلة البريئة والعنيدة. وأخدها في حضنه ونام. تاني يوم الصبح، بدري صقر كالعادة بيصحى بدري قبلها. بس كان صاحي ومغمض عينيه. روح بفوقان وبتبص لقت صقر قريب من وشها. روح بسرحان وهي بتمسح على شعره: "ملامحك هادية وجميلة، بس ليه بتعاملني كده؟

يا ريت لو بتحبني زي ما بحبك. بس أنت لأ، مش بتحبني." وبدأت تقرب منه وبوسته في خده بوسة رقيقة وهي بتقول: "بحبك يا صقر. أنت دعائي اللي فضلت أدعي بيه ربنا ليل نهار." وفضلت حضناه وبتشم ريحة عطره. وفجأة روح لنفسها: "أنتِ بتعملي إيه؟ قومي قبل ما يصحي." وجيه تتسحب وتقوم، كان شاددها ليه، وقبلها قبلة جعلت وجهها يحمر خجلاً. روح في عقلها: "نار أسود. كان صاحي لما بوسته." روح بصوت مش مسموع: "سيبني." صقر بتملك

أكتر وبدأ يهمس في ودنها: "أنتِ ملكي يا روح، ليا أنا وبس. عارفة يعني إيه ليا أنا وبس؟ يعني كل حتة فيكي ملكي. كلك على بعضك ملكي." روح قامت بسرعة من حضنه ودخلت الحمام وبدأت تغسل وشها بميه باردة، وأنفاسها بتعلى وتهبط. روح: "أنتِ عملتي كده إزاي؟ نهار أبيض! هطلع إزاي دلوقتي؟ صقر ابتسم بخبث ولقى فونة بيرن. صقر: "الو، أخبارك إيه يا خالتي؟ أم وسام: "أهلاً يا ابني، فينك بقالي زمان مشوفتكش. بقي كده تتجوز ولا تقول ولا تعيد؟

صقر في عقله: "يا وسام الكلب، أنت قلت لهم؟ صقر: "الله يبارك فيكي." أم وسام: "عازماك النهارده أنت وعروستك عندي، ووحياتي عندك متكسفنيش. وأديك تقعد مع وسام وتعقله، لأني تعبت منه وربنا." صقر اتحرج وقالها: "تمام يا خالتي." قفلت معاه ورنت على وسام. وسام كان لسه نايم، وبنرفزة بيصحي: "مين اللي بيرن في الوقت ده؟ ألوو." أم وسام: "يووكسك، أنت لسااا نايم لحد دلوقتي؟ وسام: "إحنا إجازة يا مي، إجازة! ارحمي أمي."

أم وسام: "أنا عازمة عندي صقر ومراته عندي النهارده." وسام: "نعم؟ بتكلمي بجد ولا إيه؟ أم وسام: "أيوا، وتعالي هات لي طلبات." وسام: "ماشي، بس مقولتيش، وعزمتي بمناسبة إيه؟ أم وسام بخبث: "عيب كده، صقر ده أخوك ومش محتاج مناسبة." وسام: "عارف، بس كنتي تقولي لي الأول قبل ما تكلميه." أم وسام: "ما خلاص، روح بقى هات الطلبات." وسام: "يعني هو هييجي؟ أم وسام: "آه، إن شاء الله." عند صقر. بضحك: "إيه، هتنامي جوا عندك ولا إيه؟

روح لنفسها: "هتقعدي كتير لأمتى؟ صح ما تخركي." خرجت روح وهي بتبص في السقف وبتقوله: "عايز تفطر إيه؟ صقر: "إيه، شيفانا عنكبوت في السقف ولا إيه؟ أنا قدامك." روح: "عارفة إنك قدامي. ما عملتش هتاكل ولا لأ؟ صقر: "لأ، أنا فطرت." روح بتعجب: "فطرت؟ صقر بخبث: "طبعاً، اللي كان من شوية ده إيه؟ روح بخجل سابته ودخلت المطبخ وهي بتقول لنفسها: "هقتلك وربنا." صقر بصوت عالي: "آآآه، صح، إحنا معزومين ع الغدا." روح: "معزومين فين؟

صقر: "عند وسام صاحبي. أمه عزمتنا." روح: "أنا مش هروح، أنت تعرفهم، أنا معرفهمش." صقر: "هتعرفيهم. اجهزي بس كده بدري الضهر." روح عملت سندوتشين جبنة رومي وعملت كباية شاي. صقر: "هاتي سندوتش." روح: "مش قلت أنت فطرت؟ خلي الفطار ده يشبعك. قوم اعمل لنفسك." صقر بابتسامة خبيثة: "منا ممكن أفطر تاني عادي." روح: "أنت، أنت... صقر: "أنا إيه؟ روح: "ولا حاجة." ادته السندوتش ودخلت تعمله كباية شاي. روح: "امسك." صقر: "اسمها اتفضل."

روح: "كله زي بعضه." وخرجت قعدت في الصالة أكلت، وبعدين غسلت المواعين وروقت البيت. دخلت روح الأوضة عند صقر، لقته ماسك فونة وبيرد على المعجبين. روح مسكت فونها وفتحت البوست والتعليقات، وعينها وقعت على تعليق واحدة كتباله: "بحبك جداً يا فنان، متتصورش قد إيه." ولقته إنه عامل قلب على التعليق. روح بضيق دخلت تاخد شور، وخدت هدومها معاها.

وبعد ما خرجت بدأت تنشف في شعرها وتسرح فيه، واتنهدت بحزن لأنه مش عايز يطول زي الأول من آخر مرة قصوا شعرها. صقر: "هتقعدي كتير؟ قومي اجهزي." روح بحزن: "حاضر." صقر: "واديني بنبه عليكي، البسي حاجة واسعة وطولي الطرحة." روح: "حاضر." جهزت روح وكانت جميلة جداً. وقام صقر أخد شاور، وخرج لافف فوطة على وسطه، وعضلاته بارزة، وشعره الأسود الناعم منعكش. روح وهي بتبلع ريقها لما لقيته واقف كده، وبتتلاشى نظراته.

روح: "أنا خارجة. اعملي كباية شاي." صقر: "إيه الحلاوة دي؟ أيوا كده أجمل. المحزق والملزق ده ليا أنا بس. أما كدا جميلة وأنتي لابسة واسع." روح سابته وخرجت المطبخ وهي بتشرب ميه كتير، وبتقول لنفسها: "أهدي. هو متعمد يقول كده؟ ولا يتحرك فيكي شعرة؟ كفايا عامل لبنت قلب، قال بحبك أوووي. حبيتها أم أربعة وأربعين." صقر لبس كاجوال أسود في أسود وسرح شعره وحط البرفوم الفرنسي. صقر: "يلا، واقفة لي؟ روح: "يلا، هقف لي؟

صقر: "هو البيت بعيد عن هنا؟ روح: "لأ، لي؟ صقر: "كنا اتمشينا حبة؟ اتمشي." روح: "مش هينفع." روح: "لييي؟ صقر: "لو حد من الإعلام أخد باله أو حد في الشارع، هيكون فيه إشاعات، وغير أن ممكن حد يصورك، وأنا مش حابب ده." روح بدموع: "وهنفضل كده؟ أمتى هتفضل مخبيني؟ لامتى يا صقر؟ صقر بابتسامة: "للوقت المناسب. يلا، اركبي العربية." ركب صقر وروح العربية. روح: "ماتتحرك؟ واقف لي؟ فجأة قرب منها وقال: "حزام الأمان."

روح: "خايف عليا أوي يعني؟ صقر: "هنُعَوِّج ولا إيه؟ هخاف على مين يعني؟ روح: "اسأل نفسك، أنت بتسألني أنا؟ صقر: "ماشي يا روح." وانطلق بالعربية. عند أم وسام في الفون. أم وسام: "يلا يا أم ندى، اتأخرتوا لي؟ أم ندى: "البنت بتقول مش هروح." أم وسام: "ديهاني." أم ندى: "خدي كلمي طنط." ندى بصوت واطي: "ما عايزة ي ماما، أنا مش بطيقه." أم ندى قرصتها وكلمت أم وسام. أم ندى: "يا حبيبتي، جاين دلووقتي. هي هتجهز. سلام."

ندى: "آه يا ماما. أنتي زوديها. هو مش عافية. لي دايماً بتغصبيني على حاجة مش عايزها." أم ندى: "أنا الظاهر دلعتك كتير. قومي البسي، والا والله هولع فيكي. وحطي مرطب كدا في شفايفك، وسرحي حواجبك، خليكي آنسة شيك، ولو لمرة واحدة." ندى بضيق: "حاضر يا ماما. اطلعي برا عشان أجهز." وبعد دقائق كانت جهزت ندى ولبست دريس، وده عكس شخصيتها، ولفت الحجاب وحطت حاجات خفيفة ولبست كعب. ندى وعيونها متغيره: "جهزت يماما؟

أم ندى: "إيه الجمال ده يا بت؟ قمر والله! يلا بينا، اتأخرنا." صقر: "خليكي في العربية، هنزل آخدلهم حاجة معايا. مينفعش نروح كده." روح وهي عوجة وشها: "ماشي." وصلوا ندى وأمها، ووسام وروح عند الباب. فتحت وسام الباب باحراج لما شاف كده، وقال: "اتفضلوا يا جماعة. ادخل يا صاحبي، ادخل." دخلت أم ندى ووسام وروح. وسام باعجاب وضحكة مستفزة: "إيه؟ بقيتي بنت بدل ما كنتي راجل؟ ندى بكعب جزمتها وعلى رجله: "وساااام! آآآه!

صقر بص لهم وابتسم: "يلا يا وسام، هتوقف كتير؟ وسام وعلامات الألم على وشه: "جاي." أم وسام: "يامرحباً بيكم يامرحباً. أهلاً أهلاً. إزيك يا صقر يا ابني؟ عامل إيه؟ دي عروستك؟ ما شاء الله قمر ١٤." روح بابتسامة: "تسلمي يا طنط، أنتِ اللي جميلة." أم وسام: "اقعدوا ع السفرة، وتعالى يا وسام، طلع معايا الأكل." روح: "أنا هقوم." وقبل ما تكمل. صقر مسك إيدها وقالها بصوت واطي: "اقعدي، تروحي فين؟ روح: "في إيه؟ هساعدها، ميصحش."

صقر: "لأ، ومش في شحط معاها جوه. متدخليش." روح بضيق وابتسامة صفرا: "حاضر." ندى: "أخبارك إيه؟ عاملة إيه؟ مراتك يا صقر بيه جميلة أوي الصراحة. أنا معجبة برسمك جداً ومعارضك الجميلة." صقر بجدية: "تسلمي." روح: "أنتِ اللي جميلة." ندى: "أنتِ منين؟ صقر: "من هنا." ندى استغربت من أسلوبه. روح: "أنتِ بتدرسي؟ ندى: "أنا مهندسة آثار." روح: "ما شاء الله، ربنا يوفقك." ندى بابتسامة: "تسلمي. وأنتي؟

روح: "اتنهدت بحزن. لسه هقدم على الكلية." ندى بابتسامة: "ربنا يوفقك." وسام حط كل الأكل على السفرة. وسام: "اتفضلوا يا جماعة، مستنين عزومة." أم وسام: "والله نورتونا النهارده." روح بابتسامة: "ما شاء الله يا وسام. خطيبتك قمر." ندى شرقت في الأكل. وسام بابتسامة خبيثة: "اصملي عليكي. اشربي ميه." وسام بابتسامة: "تسلمي يا روح، أنتِ اللي ما شاء الله عليكي." صقر بص لوسام بغضب.

صقر: "كولي يا حبيبتي، كولي قبل ما الأكل يبرد." وكان بيجز على سنانه. روح: "منا باكل. تسلمي إيدك يا طنط. أكلك يجنن." أم وسام: "حبيبتي، تسلميلي. أنتِ اللي قمر أوي. يبختك بيها يا صقر." خلصوا أكل وطلعوا الجنينة. وسام ل ندى: "حاسبي بس لتوقعي." ندى: "ملكش دعوة." صقر: "استأذنكم يا جماعة دلوقتي." ندى: "ممكن آخد رقمك يا روح؟ روح: "أكيد." وادتها الرقم. أم وسام: "ليه يا ابني؟ ما تقعدوا شوية."

صقر: "معلش، وقت تاني. قومي يا روح. يلا اركبي العربية." روح: "ما كنا قعدنا شوية تاني." صقر: "شويه تاني إزاي يعني؟ أنا مصدع وعايز أروح." روح: "ماشي." وصلوا البيت وغيرت روح هدومها. روح: "الجو حر. مبقاش برد أوي. أنا هلبس نص كم." لبست بجامة نص كم، وكانت جاية عليها بالظبط، وفردت شعرها. صقر: "مش خايفة تاخدي برد؟ روح: "براحتي." صقر: "متعصبنيش." روح مدت لسانها: "ملكش دعوة. أنا حاسة بحر." صقر: "تعالي طيب، عايزك." روح...