رواية حب من اول رسمة الفصل الثامن عشر 18 - بقلم مني احمد

صقر: معلش وقت تاني. قومي ي روح، يلا اركبي العربية. روح: م كنا قعدنا شوية تاني. صقر: شوية تاني إزاي يعني؟ أنا مصدع وعايز أروح. روح: ماشي. وصلوا البيت وغيرت روح هدومها. روح: الجو حر، مبقاش برد أوي. أنا هلبس نص كم. لبست بجامة نص كم وكانت جاية عليها بالظبط وفردت شعرها. صقر: مش خايفة تاخدي برد؟ روح: براحتي. صقر: متعصبنيش. روح: مدت لسانها. ملكش دعوة، أنا حاسة بحر. صقر: تعالي طيب عايزك. روح: عايزني ليه؟ صقر: تعالي، مش هكرر.

روح: جيت ووقفت عنده. صقر: تلها عليه وقرب منها وبدأ يهمس ويقول: عندك دا مش عليا، صدقيني ي روح هتزعلي مني. تسمعي الكلام وبلاش أم عندك دي، بلاش عند عشان هزعلك. روح: متقدرش تعمل حاجة. صقر: وفجأة قرب منها. روح: بتوتر. س سيبني. صقر: أنا ماسكتك. روح: فجأة قامت مرة واحدة ووشها محمر. صقر: ها، أحب أثبتلك أقدر ولا لأ. روح: بابتسامة صفرا. لا شكراً. وبعدين هتقدميلي ع الجامعة إمتى؟ صقر: بكرة إن شاء الله، بس لازم تصحي بدري.

روح: أنا بصحي بدري. صقر: ماشي. وبعدين قومتي ليه؟ تعالي نسمع فيلم. روح: مش عايزة. هرسم. صقر: مشوفناش ليكي حاجة حلوة. روح: مليش مزاج. صقر: ليه؟ روح: كدا مخنوقة، مش حابة أرسم. صقر: ليه ي روح؟ مش مرتاحة معايا؟ روح: أبداً، مش كدا، بس مش عارفة. صقر: إحنا كل إجازة في الأسبوع نرسم مع بعض ونشجع بعض وتستفادي من خبراتي. قعدت روح جنبه ع السرير وغطى أكتافها من البرد وشغل فيلم رعب. روح بخوف وعرق: أنا بخاف.

صقر بابتسامة: تخافي ليه ي بيبي؟ روح: نعم. صقر: بيبي صغير. دا أنا قد أبوكي يبت. روح: نيننيني. عم غير، ولا أقوم. وقبل ما تكمل ظهر مشهد مرعب فيه دم وموميا ظهرت عالشاشة. روح بصراخ دفنت راسها في صدر صقر. روح بعصبية: قولت غيره. صقر: مش مغيره. روح: غيره. صقر: لأ. روح مسكت دراعه وعضته. صقر: يبت العضاضة. أنتي قد دييي. روح: عشان أنت مرضتش تغير. صقر: متجوز كلبة يناس. روح: م عشان أنت من نفس الـ... صقر: كملي.

روح: لا نسيت. كنت هقول إيه. صقر: لا قولي، خليكي عندك الجرأة. روح: لا الا. صقر: وربنا كله هيطلع ع عيونك. روح: نيننيني. مسكت فونها وبتقلب ع الفيس ووقفت عند صورة شخص مشهور. صقر: نتش منها الفون وقفل. صقر: عجبك يختي. روح: دا أنت مستفز. صقر: ع فكرة دا صاحبي. روح: هيهيهيهي. نكتة بايخة. صقر: انتي مستهزئة بيا ولا إيه. وفتح فونه: بصي، وهو اللي طلب يتصور معايا كمان. روح: بندهاااش. واوووو. صقر: أنا أحلى ولا هو؟ روح: الصراحة هو.

صقر: ضمها عليه أكتر وبرقلها. أنا ولا هو؟ روح: هو. صقر: قرب عليها أكتر وباسها برقة. أنا ولا هو؟ روح: بتوتر ووشها حمر. أنت خلاص، أبعد بعيد عني. ابتسم صقر وبعد عنها واداها الفون بتاعها. تاني يوم. عند وسام. صحى وفتح فونه لقي رسالة ممسوحة. وسام: مسحتي إيه؟ ندا: ملكش دعوة. وسام: تمام، سلام. الوقت دا كان صاحي وسام مدايق جداً وبيقول لنفسه: أنت لي مش قادر تتخطى التانية؟ أنت كدا ضعيف، لازم تحب دي ولا تنسى خالص.

وقام لبس واتشيك. عند ندى. زعلت لما رد عليها كدا. ندي لنفسها: زعلتي ليه؟ أنتِ أصلاً مش بتطيقيها. كش يولع. ولبست هدومها وكانت رايحة عند صحبتها. وسام رن ع أم ندى. وسام: أيوا ي خالتي. أم ندى: ازيك يبني. وسام: ندى فين؟ أم ندى: دي خرجت من شوية. وسام: راحت فين؟ أم ندى: عند واحدة صحبتها. وسام: اديني العنوان. عند صقر. صقر: اصحي ي روح، اصحي. روح وعينيها مليانة نوم: نعمم. صقر: يلا عشان نلحق نخلص الأوراق عشان الجامعة.

روح: طب اختبار القدرات. صقر: اتنيلي، دا إنتي اللي متعلمة بيه، بيتعلموا فيه أول تلت سنين. بتقولي إيه؟ انتي. روح: يعني ممكن يقبلوني؟ صقر: وحد يستجرأ ميقبلكيش. لو عايزة تدرسي في فرنسا بلد الفن، نروح سوا. روح بابتسامة: يعم مش للدرجة، أنا مش طمعانة، عايزة بس آخد الجامعة. صقر: ولو عايزة دكتوراه، أنا معاكي كمان. روح: بجد يصقر؟ صقر: طبعاً، قومي بقي جهزي عشان نروح. قامت روح تجهز.

واقفة بتلبس وبتتنطط ع السرير من فرحتها. دخل صقر يجيب فونه شافها كدا. روح وهي بتصرخ من الفرح وعاملة زي الأراجوز. لمحت صقر في المراية. روح باحراج: هلبس ع طول. ضحك صقر وأخد فونه ودخل يشرب فنجان قهوة. روح: جهزت. صقر بإعجاب: يلا بينا. عند وسام كان ماشي وراها بالعربية. ندا بغضب: مين الحيوان دا اللي ماشي ورايا ومراقبني؟ وفجأة سرع ووقف قدامها. ندا: أنت أصلاً إنسان ابن كلـ... وفجأة لقيته وسام نازل من العربية.

وسام: نهارك أسود، بتشتميني يابت أنتِ! ندا: مكنتش أعرف إنه أنت. وبعدين مراقبني ليه؟ عايز إيه؟ وسام: شوفتك صدفة. ندا: لا والله. وسام: اركبي. ندا: أركب معاك بصفة إيه؟ وسام: جوزك المستقبلي. ندا فرحت من جواها. وبعدين كشرتله: لا مش هركب. وسام: مش هكرر كلامي. ركبت معاه العربية وكانت متضايقة. ندا: هتاخدني فين؟ وسام: ف كافتيريا. ندا: ليه؟ وسام: اصبري لما نوصل هتعرفي. ندا كانت بتتسائل من جواها ياترى عايز إيه.

بعد ما وصلوا وقعدوا ع ترابيزة. ندا: ها قول. وسام: نده على الجرسون. لو سمحت عايز واحد قهوة وواحد كوكتيل وحاجة حلوة للآنسة. ندا: موضوع إيه؟ وسام: بصي يبنت الناس، أنتِ لو رافضاني قولي وخلاص، نفضي الموضوع. آه أي نعم أنا مش بحبك ودي مقدرش أكذب عليكي فيها عشان معرفكيش، بس لو عايزة تدي فرصة مفيش مشكلة. أما لو قافلة الباب خالص تمام، مش هنحوم حوالين بعض. ندا والدموع في عينيها: تمام، ولما أنت مبتحبنيش، اتقدمت لي من الأول؟

وسام: عادي، استقرار. ندا: بعني أنتِ اللي بتحبيني يعني؟ ندا: أيوا، حبيتك. وسام: ابتسم بخبث. والله ووقعتي ي ندا بلسانك. ندي مسكت شنطتها وجاية تمشي. وسام مسك إيدها. ندا بغضب: سيبني لو سمحت. وسام: الليل هجيب والدتي ونقرأ الفاتحة. ندا: لا خلاص، غيرت رأيي. وسام: طب يلا أوصلك ومسمعش صوتك. ندا: لا مش عايزة أوصلني لي. وسام: متخلينيش أتعصب عليكي. عند صقر وروح. بعد تعب ومن مكان لمكان جهزوا كل حاجة وهيكملوا تاني يوم.

روح: يلا، أنا هموت، حاسة إني دايخة. صقر: اقعدي ف العربية نص ساعة وجاي. دخل مطعم فخم طلب أكل وأخده وراح لها. روح: اتأخرت ليه؟ صقر: جبتلك أكل بدل ما تفيصي. روح: لما نروح البيت. صقر: كولي، قولت. روح: مش ف العربية كدا مكشوفين. صقر: أقول إيه بس. وشغل العربية ومشوا. عند أم ندا. أم ندا: إيه دا؟ وسام جايبها بعربيته؟ معقول حبوا بعض؟ نزلت ندى بغضب ورقعت باب العربية. أم ندى وهي مراقبة: يستتر استر.

وسام: خلي عندك ذوق وأتيكيت ي قطة. ندى مردتش عليه ودخلت أوضتها وهي متضايقة جداً. دخلت روح البيت واترمت ع الركنة. صقر: فتحلها الأكل، كولي. روح: مش هتاكل؟ صقر: لا، هدخل أنام شوية. روح: خلاص مش هاكل. صقر: كولي ي روح، وبلاش عناد. أنا حاسس بصداع شديد، هدخل أريح شوية. أكلت روح وروقت البيت وأخدت شاور. عند ندى. كانت غضبانه جداً من كلامه وطريقته. وفجأة بعتلها رسالة. وسام: روّق ي جميل 😘. ندى: لم نفسك عشان مزعلكش.

وسام: ولا تقدري ي بوق، جهزي نفسك ي قمر. ندى: لا مش عايزك. وسام: لا والله، ومين قالي إنك بحبك. ندى: سلام. وسام: اصبري، اصبري. ندى: عايز إيه؟ وسام: هدي أخلاقك 😂😂😂. بس إيه رأيك، عرفت استدرجك كويس. ندى قفلت فونها ومسكت البطانية كتمت بوقها وفضلت تصرخ. روح: يوه، زهقانة. هو صقر نايم كل دا ليه؟ أما أقوم أصحيه. دخلت روح وقعدت جنبه وبدأت تلعب في شعره وبتمشي إيدها ع وشه. روح: نهار أسود، سخن كدا ليه؟ صقر: اصحي يصقر.

صقر بتعب: إيه. روح بخوف: إيه اللي حصلك وسخن أوي كدا لي؟ صقر بتعب وحاطت إيده ع دماغه بتعب: أنا كويس. روح: قوم، روح المستشفى، أنت نار بتغلي. صقر: قلت كويس ي روح، إيه. روح بدموع: عشان خاطري قوم، أنت شكلك تعبان أوي وجسمك بيغلي. صقر: هموت يروح وأسيبك عشان ترتاحي. روح بانهيار وعياط وحضنته: متقولش كدا، أنا مليش غيرك. وبدأت تعيط. صقر بابتسامة: ي هبلة، أنتِ صدقتي؟ أنا كويس والله. روح بعياط: أنت رخم.

صقر: متعيطيش، محملش أشوف دموعك دي، أوعي تعيطي تاني. وبعدين مليتي القميص بتاعي دموع وريالة، الله يقرفك. روح: بس بقي. صقر: خلاص، اهدي، قومي اعمليلي قهوة وهتلاقي علاج في باب الثلاجة، هاتيه. روح قامت وجابتله ميه والعلاج. وادتهمله. روح: دا علاج إيه؟ صقر: يتبع.