رواية حب من اول رسمة الفصل التاسع عشر 19 - بقلم مني احمد

روح بانهيار وعياط وحضنته. "متقولش كدا، أنا مليش غيرك." وبدأت تعيط. صقر بابتسامة: "ي هبله انتي صدقتي؟ أنا كويس والله." روح بعياط: "انت رخم." صقر: "متعيطيش، محملش أشوف دموعك دي، أوعي تعيطي تاني." وبعدين مليتي القميص بتاعي دموع ورياله. الله يقرفك. روح: "بس بقي." صقر: "خلاص أهدي، قومي اعمليلي قهوة وهتلاقي علاج في باب الثلاجة هاتيه." روح قامت وجابتله ميه والعلاج. "وادتهمله." روح: "دا علاج إيه؟ صقر: "شوية مسكنات."

"لو جرالي حاجة ي روح هتزعل؟ روح: "بتقول كدا لي؟ وبعدين هزعل ع مين؟ صقر: "تمام، تعالي نامي جنبي." روح نامت جنبه وفجأة أخدها في حضنه كأنه طفل صغير. روح في عقلها: "لو تعرف إن مش عايزة أطلع من حضنك أبداً، لو تعرف إنك بقيت كل حياتي." فجأة روح تخيلت إنه سابها وحياتها من غيره. انهمرت الدموع من عينيها على رقبته وبدأت تقبله وتمشي على شعره. صقر اتظاهر أنه نايم،

وفي عقله بيقول: "خايف عليكي ي روح، خايف عليكي من الهوا الطاير. بقيتي كل حياتي، بس ياريت تعرفي دا." وفجأة صقر بيبص على روح لقاها راحت في سابع نومة. بدأ يتسحب من جنبها وخرج المرسم بتاعه وهو بيرسم في اللوحة بكل شغف وحب. عند وسام. بعتلها رسالة. وسام: "بتعملي إيه؟ ندا: "نعم." وسام: "نعملك عليكي يختي، فاضي شوية نشرب قهوة في حتة بعيدة؟ ندا: "لا، وابعد عني عشان لو لمحتك هقتلك."

وسام: "انتي اللي عاملة زي الراجل، خليكي رقيقة يبت. وبعدين أنا هكلم أمك وغصب عنك هنحدد ميعاد قراءة الفاتحة." ندا: "حد قالك إني موافقة عليك؟ وسام: "هكلم والدتك النهاردة ويوم السبت هنعمل الخطوبة، وفي المكان اللي عايزاه." ندا: "ولما انت مش بتحبني بتعمل كل دا لي؟ ها، ولا أه عشان أمك ضاغطة عليك؟ وسام: "خلصتي كلامك؟ ندا: "لا." وسام: "دا اللي عندي، والخطوبة يوم السبت." ندا: "وأنا متجوزش واحد مبيحبنيش." وسام: "وأي كمان؟

ندا: "كدا يا وسام." وسام بغضب: "أنا هوريكي." "لما أرن ع أمها." "الوو." أم ندا: "إزيك يا وسام؟ وسام: "أهلاً يا خالتي، الخطوبة هتبقي الأسبوع الجاي يوم السبت. عقلي بنتك." أم ندا: "بس... وسام: "مبسش. أه، والشبكة هتكون دايموند والخطوبة في أكبر مكان. عقلي بنتك، أنا كلمتها وقالتلي بلسانها إنها بتحبني." أم ندا بفرحة: "ربنا يتمم على خير يبني. عايزك تحافظ عليها، من بعد وفاة أبوها وهي اتغيرت، هي طيبة، خلي بالك طويل."

وسام: "سلام يا خالتي عشان مشغول." "وعشان أحضر كل حاجة." أم ندا: "انتي يبت." ندا: "نعم." أم ندا: "خطوبتك على وسام يوم السبت، لو هتعزمي صحابك." ندا: "أنا مش عايزاه يا ماما، بكره." أم ندا: "لا والله دا مش عليا، وبعدين أنا قولت لوالدتك إنك موافقة، أنا مش هرجع في كلامي تاني." ندا: "دا واحد خبيث ومش بطيقه." أم ندا: "تلاقي حد زيه قمر وليه مكانة وشيك، ومستقر. بعيد أبوكي لو كان عايش ما كانش هيصدق."

ندا بحزن: "الله يرحمك يا بابا." أم ندا: "أنا مش قاعدة ليكي طول العمر، عايزة أطمن عليكي. وبعدين هتعرفيه كويس في خطوبة وفي فرح." ندا: "ماما أنا تعبانة عايزة أنام." أم ندا: "بكرة هنطلع نجهز كل حاجة." تاني يوم. وسام: "لما أرن ع صقر، لازم يعرف." "الوو." صقر: "إزيك يا صاحبي." وسام: "تمام الحمد لله، أنجز عشان في شغل." صقر: "براحة شوية، يوم السبت خطوبتي." وسام: "روح، هزر بعيد عني." صقر: "بتكلم جد، مش بهزر." وسام: "مين دي؟

أوعي تقول اللي قابلناهم عندكم." صقر: "هما يخويا." وسام: "أهي دي اللي تنفع معاك، هتعيد تشكيلك." صقر: "دي مين دي؟ دا أنا ألفها في سندوتش وأكلها. المهم، متتأخرش انت والمدام." عند روح في البيت. وكانت بترسم وتدرب عشان اختبار القدرات. روح مسكت فونها ومن غير ما تتردد بعتت لصقر. صقر مسك فونة لقي رسالة. روح: "انت كويس؟ هترجع إمتى؟ صقر: "وحشتك ولا إيه؟ روح: "لا، بسأل عادي." صقر: "خلاص مش راجع النهارده."

روح: "نينينين، انت الخسران. عملت سباجتي." صقر: "لا، لو كدا ساعة زمن وهكون عندك." روح بفرح: "أشطا، هستناك." قامت روحت بكل مرح جهزت الأكل. وفجأة سمعت صوت صقر. روح: "جيت؟ صقر: "لا، لسا في الطريق." روح: "خفة." صقر: "بس إيه النشاط دا كله؟ روح: "من يومي." صقر: "وسام صاحبي عازمني على خطوبته يوم السبت." روح: "بجد؟ أوعي تقول ندا." صقر: "أيون." روح بفرح: "والله فرحتلهم." صقر في عقله: "أقولها إزاي؟

مينفعش تروح معايا، أكيد هيكون في صحفيين ولو شموا خبر وأنا معملتش فرح ولا أي حاجة وتخطيطي هيبوظ، أعمل إيه؟ روح: "إيه سرحان في إيه؟ صقر: "ولا حاجة، جعان." روح: "الأكل أهو، هجيب بس الشوكة." عند ندا. ندا بعتت رسالة لوسام. ندا: "بقولك." وسام: "قولي." ندا: "عايزك تكلم صاحبك تيجي روح معايا تنقي معايا الفستان." وسام: "دا أكيد مستحيل." ندا: "لي؟ وسام: "أكيد مش هيوافق، صاحبي وعارفه." ندا: "معلش بقي، اطلب منه كدا."

"دقيقة هكلمه." صقر: "عايز إيه دا كمان دلوقتي؟ "الوو." وسام: "إيه، عطلك ولا إيه؟ صقر: "باكل." وسام: "طب كنت عايز مراتك تروح مع خطيبتي تنقي معاها الفستان وكدا." صقر: "لا." وسام: "لي؟ صقر: "كدا، افرض حصل أي حاجة برا." وسام: "هيتحصل إيه؟ وبعدين ندا راجل، متخافش يعني." صقر: "وبعدين أنت ميجيش من وراك خير أبداً." وسام: "أنا... صقر: "طبعًا، روح دلوقتي." روح: "إيه في إيه؟ صقر: "خطيبته عايزة تيجي معاها تنقي الدريس."

روح: "وانت رافض لي؟ صقر: "والله براحتي، وبعدين هفكر الأول." روح: "ودا محتاج تفكير يعني؟ إيه دا؟ صقر: "اتعدلي أحسن لك." روح: "والله معدولة، شايفني متشقلبة. وبعدين مقولتش رأيك في المكرونة." صقر: "يعني ماشي حالها." روح: "صديت نفسي. تشرب شاي؟ صقر: "ياريت. وبعدين لو عايزة تروحي معاها روحي، مش همنعك، بس هوصلك وأجيبك، غير كدا لا، مش هسيبك لوحدك." روح: "ماشي." صقر: "عايزة تشتري أي حاجة قولي."

روح: "لا، الهدوم كتير. ناوية ألبس أبيض في أبيض." صقر: "هأوووو بعينك." روح: "لي؟ صقر: "مفيش لبس فواتح برا." روح: "دا لي إن شاء الله؟ هروح عزاء ولا إيه؟ بطل هزار." صقر: "دا اللي عندي، عايزة تلمعي في الضلمة." روح: "ألبس براحتي، مادام مفيهوش أي عيب." صقر: "دا عند خالتك." روح: "اتكلم كويس." صقر: "دا اللي عندي ي روح، وعايز أنام عشان تعبان ع الآخر. ولما أصحى جهزي عشان أوصلك انت وهي." روح: "أنا اللي مصدعاك يعني."

صقر: "قلتلك ي روح، أنا مبحبش الضيق والفاتح. أكش تقعدي ملط في البيت، بس برا لا تلبسي حاجة غامقة وواسعة، مش العكس." روح: "قصدك إيه؟ وبعدين انت اللي جبته لي." صقر: "خلاص، نجيب تاني وانت معايا ونشوف بقي، وزي ما هتجيبي خروج تجيبي بيتي بقي للبيت. وسيبني هنام." روح: "خلاص، هخرج أرسم برا." صقر: "ترسمي إيه دلوقتي؟ تعالي بس جنبي." "تؤ." "مستنية إيه؟ وقام تلها جنبه واخدها في حضنه عشان يقدر ينام.

جه يوم الخطوبة المنتظر واللي جهزوله أيام. صقر: "إيه رأيك في البدلة دي؟ روح: "اه، اتشيك كويس، اتشيك." صقر: "أنا طول عمري شيك. يلا اجهزي." جهزت روح وكانت زي الأميرة، لبست دريس زيتي وحجاب أبيض وكعب بس مش عالي. روح: "إيه رأيك؟ صقر بإعجاب ونظرة حب: "قمر." روح بخجل: "نينني، يلا بينا." وصل صقر وروح مكان الخطوبة. وقبل ما ينزل من العربية. صقر: "عايزك ي روح تتجنبيني وتبقي بعيدة عني جوا، دا الأفضل، تمام؟ انزلي وأنا هاجي وراكي."

روح بضيق وحزن: "تمام." نزلت من العربية ورقعت الباب. دخلت روح واتفاجئت بجمال المكان وجمال ندا. وسام ميل ع ندا: "أول مرة أشوف ملامح الأنوثة فيكي النهاردة." ندا: "لم نفسك عشان مقتلكش." وسام: "بصي، أهي روح جت." روح أول ما شافته بعدت وقعدت ع ترابيزة لوحدها ع جنب، وكانت مراقبة صقر. بنتين معجبين بيه: "إيه دا، الفنان صقر؟ ممكن نتصور صورة مع حضرتك؟ أنا بحب رسمك جدا ومعارضك تحفة جدا." صقر: "تسلمي. أه، تقدروا تتصوروا."

روح كانت قاعدة وضيقة جدا وهما قريبين منه، وكان في نار مشتعلة فيها. وفجأة اشتغلت موسيقى رومانسية وبدأ كله يرقص. فجأة واحد ميل على روح، حط إيده على كتفها وقالها: "إيه القمر قاعد لوحده؟ " ومد ليها إيده عشان ترقص معاه. وفجأة هجم عليه صقر وبدأ يضرب فيه ضرب جنون لدرجة إنه اتكسر، ومسك روح من أيدها وخدها وخرج. روح بزعيق وعياط: "حرام عليك، سيبني." وقبل ما تكمل كلامها لقت قلم على وشها من صقر.