رواية حب من اول رسمة الفصل الثاني والعشرون 22 - بقلم مني احمد

وسام دمك خفيف أوي كدا، بت ظبطي نفسك، ياريت متقعديش ب لبس البيت قدامهم. ندا ظابطه نفسي ي أخويا، وبعدين فيها إيه؟ وسام فيها كتير، بت هزعلك وربنا، وتقعدي معاهم ب اسدالك. ندا بس دا زي أخويا عادي. وسام زي أخوكي إزاي؟ راضعين مع بعض ولا إيه؟ دا يحللك يبقى لا، متقعديش غير كدا. قدامي بعد الجواز إن شاء الله. ندا والله ملكش دعوة. وسام ندا هزعلك مني، يندا غوري سلام. عند صقر وهو بياكل باستمتاع. صقر

الله على المكرونة، طعمها تحفة، مش قادرين نوقف أكل. روح بالهنا والشفا. وفجأة قامت جري ع الحمام. سمعها صقر بتستفرغ، قام جري وساب الأكل. صقر (بصدمة وهلع) انهار أسود، يلا ع المستشفى حالاً. روح أنا كويسة. صقر كويسة إيه؟ انتي بترجعي دم!!! يلا ي يروح. دخل صقر الأوضة وطلع لها دريس وطرحة وساعدها إنها تلبس. روح أنا بقيت كويسة دلوقتي، مش قادرة أخرج. صقر (بزعيق) أنا مش باخد رأيك، أنا بقولك يلا هنروح، فاهمة ولا لأ؟

روح قامت وبعدين قعدت تاني ع السرير وبدأت تنهار من العياط بصوت عالي وتصرخ. صقر واقف مصدوم ومش عارف يعمل إيه. صقر مالك؟ في إيه؟ روح حاسة لـ... حاسة بتقطيع في معدتي وجسمي، جسمي حاسة إنه مدغدغ، اااااااه. صقر بدموع لأنه حاسس إن روحه تعبانة على تعبها. شالها مرة واحدة وخرج من البيت جري، حطها في العربية ودور العربية وطار ع المستشفى. ودخل المستشفى وهي بين إيديه وبيقول: صقر دكتووووور الحقني، الحقني.

حطها ع السرير والدكتورة جت بسرعة بدأت تفحص فيها. صقر إيه مالها؟ الدكتورة محتاجين شوية تحاليل الأول. وبعد فحص وتحاليل. الدكتورة (باستغراب وتعجب) مراتك سليمة، مفيهاش أي حاجة. صقر (بصوت عالي) إزاي؟ انتي مش شايفة حالتها؟ الدكتورة مستغربة جداً وقالت: دا مش مرض طبي، ولو حضرتك مش واثق من الكشف روح أي عيادة أو مستشفى وتتأكد بنفسك.

شال صقر روح وهي بتعيط وبتتوجع بين إيديه، وأخدها عشان يفحصها في مستشفى تاني، وهما نفس الكلمتين، حتى التحاليل سليمة. خدها البيت ونيمها ع السرير وهي بتصرخ وبتعض في مفرش السرير. دخل صقر الحمام اتوضى وصلى وخرج يصلي. وهو بيصلي الدموع انهمرت من عيونه وهو بيقول: صقر يااااارب، مش عارف أعملها إيه يارب، مش قادر أشوفها بالشكل ده، حاسس لـ أول مرة في حياتي إني ضعيف. وفضل يعيط على سجادة الصلاة.

خرج صقر من البيت ودخل الصيدلية يجبلها مسكن مفعوله قوي. صقر لو سمحت، تقدر تديني حاجة تنوم وعايز مسكن قوي. الصيدلي مقدرش أديك منوم، لازم الطبيب يكون كاتبهولك. صقر يعني... طلع فونه ورن ع الدكتورة. صقر الو ي دكتورة، روح تعبانة جداً ومتألمة جداً ومش عارف أعملها إيه، بقول للصيدلي هاتلي منوم ومعاه مسكن وهو رافض. الدكتورة اديني هو. صقر اتفضل. الدكتورة تمام، ثواني وهكون جهزت الحاجة.

صقر كان واقف وقلقان جداً وحاسس إن الدنيا قفلت في وشه. دخل البيت ولسا على نفس الحالة. صقر روح، روح. روح (بتألم وعياط) نعااااام. صقر قومي، جبتلك مسكن، افتحي بوقك. عند وسام. وسام إنتي يبت، كمان مش بتردي؟ ندا نعم. وسام نعم الله عليك يا أخي، فين إنتي مختفية؟ ندا بساعد ماما في المطبخ. وسام ساعديها يا أختي، كويس. سلام عشان مشغول. ندا مشغول في إيه؟ وسام (قفل الفون ومردش عليها) ندا (في سرها) حيوان. عدى ساعات والليل ليل.

وصقر قاعد جنب روح ومتحركش، وهو واخدها في حضنه وبيمشي على شعرها. روح (بصحيان) صقر؟ صقر على مهلك. روح الصبح طلع. صقر (بابتسامة) لا، إحنا لسه في العشاء. سلامتك عليكي، خضتيني عليكي. روح كنت حاسة إني بموت. صقر إلي يكرهك، ودلوقتي حاسة بإيه؟ روح تعبانة، جسمي كله بينقح عليا، بس مش زي الأول. صقر ضمها لصدره وهو بيقول: صقر سلامتك ياروحي، أنا حسيت نفسي عاجز، مش عارف أعمل إيه، الموضوع غريب، فيه حاجة في الموضوع. روح

هيكون إيه غير إنهم أذوني بسحر وبيتجدد. صقر أولاد... وانا انتقمت ليكي ياروح، ولو جت فرصة هخلص على اللي قاعدين. روح (باستغراب) انتقمت إزاي؟ بدأ صقر يحكيلها كل حاجة من الأول. روح (ملامحها اتغيرت ودايقت) إزاي يا صقر تخبي عليا الفترة دي كلها ومتقوليش؟ صقر هيفيد بإيه، وبعدين إنتي وقتها كنتي معتقدة حاجة تانية. روح تمام. صقر ياريتني ما قولتلك، وبعدين إنتي زعلانة عليهم بعد الأذى ده كله؟ روح

لا، مش موضوع زعل يا صقر، بس إنت خبيت عليا، ويا عالم كنت هتحكيلي ولا لأ. صقر قلتلك مش موضوع كدا، واهدي، لما أشوف هنحل الموضوع ده إزاي. روح (بعياط والدموع في عينيها) أمي ماتت من سحرهم، ماتت وسابتني، وميكتفوش بدا، لا أذوني كمان، وهيحصل فيا زي ما حصل في أمي. صقر (بغضب) اسكتي ومتقوليش كدا، ووحياتك لا أقتلهم كلهم، ومادام إنتي معايا محدش يقدر يلمس شعرة منك، فاهمة؟ عند وسام. اتشيك ولبس. وفونه رن. وسام

إنتي مستناني، خمس دقايق واكون عندك، سلام. قفل الفون وخرج من البيت. عند ندا. ندا إيه رأيكم في الأكل؟ سامي تسلم إيدك يا ندوش، يجنن. ندا إيه رأيكم نخرج كلنا ع الكورنيش نغير جو ونحلي؟ سامي فكرة تحفة. أم ندا لا مش قادرة، وكابس عليا النوم وعايزة أسمع مسلسلي. أم سامي إيه رأيك يا أختي تروحي معاهم؟ أم سامي لا، أنا هقعد معاكي نسمع المسلسل مع بعض. ندا خلاص، أنا هدخل أجهز ونروح ي سماسيمو. سامي أشطا، مستنيكي. بعد دقائق. ندا

جهزت، يلا يا سامي. وصلوا سامي وندا وقعدوا ع الكورنيش. سامي بصي يبت يندا، البنت اللي هناك دي تحسيها أجنبية. ندا آه، الصراحة قمر أوي، بس أنا أجمل. سامي متبصيش وراكي، تقول بنتكلم عليها. وسام إيه يبنتي كرنيش اللي جايباني عنده؟ نانسي وحشتني أوي ي وسام. ندا إيه دا؟ دا مش صوت وسام ولا إيه؟ بتتلفت وراها. ندا نهار أمه أسود، بيحضنها كمان، بيخوني، اااه، كنت حاسة، أهدي ي ندا، أهدي. سامي مش دا خطيبك يبت؟ ندا آه، هو، يخويا، اتكتم.

وسام وحشاني أوي ي نانسي، ماما هتفرح أوي لما تشوفك. نانسي وانت أكتر، وحشتني مصر أوي. وسام مش كنا روحنا مكان غير دا؟ ندا آه يكلب، دا أنا هولع فيك. سامي خليكي تقيلة يبت، قومي قومي. ندا نروح فين؟ سامي هاتي إيديك، إنكشها ونتمشى ع الكورنيش من جنب منهم. ندا إيه الحركات القديمة دي، بطل هبل. سامي هتخليه يولع. ندا أنا عايزة أفهم دلوقتي، هو قالي إنه رايح مقابلة شغل، وبيكدب؟ استحالة أكمل مع شخص زي ده. سامي

ثقي فيا يبت وهجبلك حقك. ندا يعني أتوكل عليك؟ سامي عمرك اتوكلتي عليا ومخربتش الدنيا؟ قومي هاتي إيدك. قامت ندا وإنكشت سامي وكانوا بيتمشوا ع الكورنيش. سامي أنا هعمل نفسي بوشوشك في ودنك، وانتي اضحكي. ندا لا بقي. سامي اسمعي الكلام. ندا ماشي. عدت ندا من جنب وسام وهي مأنكشة وبتضحك. وسام أول ما لمحها غضب جداً، قام من مكانه ومسكها من إيدها بقوة وكان بيبصلها بغضب. سامي ابعد إيدك عن... وقبل ما يكمل كان ضربه بوكس في وشه. ندا

(بغضب) سيب إيدي، إنت أصلاً واحد خاين، واستحالة أكمل معاك، أنا غلطت إني حبيت واحد زيك ميستاهلش، وادي خاتمك. قلعته من إيدها واتدهوله في إيده من غير ما تديه فرصة يتكلم. ندا يلا يا سامي. ركبوا العربية ومشيت مع سامي. سامي ااااه ياني، وشي. ندا اهدي ي قلب أخوكي، اهدي، دا طلع ميستاهلش، بس إيده حساها خلعت وشي من مكانه، مش قلتلك عمري ما اتدخلت في حاجة ومخربتش. وصلوا البيت ودخلت ندا أوضتها وفضلت تعيط وهي منهارة. أم ندا

إيه يبني ووشك ماله؟ عند وسام. نانسي إيه اللي أنا شوفته دا؟ أول مرة أشوفك كدا، وبعدين دي مين؟ وسام خطيبتي. نانسي شكلها فهمت غلط يا وسام. وسام متفهم ولا تموت، ليها ربها، وبعدين من دلوقتي ولا تفرقلي في حاجة، تغور. عند صقر. صقر روح، ي روح، قومي البسي ونخرج نغير جو. روح مش قادرة أقوم ي صقر، حاسة أعصابي كلها سايبة. صقر قومي، وانتي صدقيني هتقدري، على الأقل تغيري جو. روح مش هقدر. صقر هشيلك. روح (هيهيهي) خفة. صقر فيها إيه؟

مراتي، محدش ليه حاجة. روح مبقاش يهمك حد يعرف، افرض صحفي شاف كدا وصور؟ صقر همحيه من على الأرض، وبعدين إنتي مراتي وقريب جداً كله هيعرف، قومي بس عشان خاطري. عند وسام. وسام يلا يا نانسي نروح. نانسي يلا بينا، لآني وحشتني خالتي أوي. وسام يلا بينا. بعد دقائق وصلوا البيت. وسام (فتح الباب) ادخلي. دخلوا الڤلة جوا. أم وسام ناااانسي! (خدتها في الحضن وبدأت تعيط) وحشتيني أوي ي قلب خالتك، جيتي امتى؟ نانسي

امبارح، وكنت مريحة في الفندق. أم وسام اخص عليكي، ومجيتيش لي؟ دا أنا اللي مربياكي مع وسام. وسام أنا ماشي ي أمي، خدوا راحتكم. ومداهاش فرصة تتكلم وخرج. أم وسام ماله ي نانسي؟ نانسي اتخانق مع خطيبته، واتدهوله الخاتم. أم وسام نهاااار أبيض! اتخانق مع ندا؟ عند ندا كانت منهارة من العياط وقد إيه هي مفكرة إنها انخدعت فيه وإنه مكنش ينفع تحبه. عند وسام. طلع فونه ورن ع صقر. صقر الو. وسام أيوا ي صقر، فاضي؟ صقر معاك، في إيه؟

صوتك ماله؟ بدأ يحكيله وسام كل حاجة. صقر إنت اللي غلطان ي وسام، إنت أولاً معرفتهاش وقلتلها شغل، ومتعرفش دي مين أصلاً، فطبيعي ومن حقها تكون رد فعلها دي. أه هي اتسرعت. وسام وعادي تخرج مع ابن خالتها ومأنكشها كدا، وبيميل عليها يوشوشها وهي تضحك، دا عادي؟ صقر إنت إيش عرفك؟ دي حركات بنات بس، إنت غلطان. وسام وهي غلطانة أكتر مني، وبعدين أدتني الخاتم، عندها بسهولة كدا تفركش بعد الجواز؟ أقل خناقة تقولي اتطلق؟

هي مش ناقصة، أنا أصلاً كنت رافض فكرة الجواز دي، وأهي جت منها، خلاص بقي. صقر اخرس ي وسام، ندا بتحبك. وسام وانا مقولتش إني بكرهها، بس تصرف خلتني أقفل من الموضوع كله. صقر عندي فكرة، بس سلام دلوقتي، خارج مع مراتي، ولما أرجع، بكرة أبقى أقولك تعمل إيه. سلام.