رواية حب نص امريكي ونص مصري الفصل الأول 1 - بقلم دنيا احمد

الشاب: How much is the conductor? (كم سعر المواصلة؟ السائق تنح: ها، بتقول إيه يا باشا؟ مش فاهم. الشاب: Sorry، ما أخدتش بالي إني في مصر، باقول لك عايز كام فلوس؟ السائق: عايز خمسين جنيه يا باشا. الشاب: Okay، اتفضل. السائق: إيه البطاقة دي يا باشا؟ الشاب: دي الكارد كارت بتاعتي، خد حسابك منها. السائق: يا باشا الله يرضى عليك، أنا عايز فلوس مش بطاقة. الشاب: أنا لسه ما سحبتش فلوس من البنك دلوقتي، أعمل إيه؟

السائق بشراسة: مليش فيه، أنا عايز فلوسي حق التوصيلة دلوقتي عشان ما أعملش معاك الصح. الشاب: Okay، اهدأ يا رجل، نزل الشنط عقبال ما أتصرف. الشاب لقي واحدة طالعة من العمارة اللي المفروض يدخل فيها هو. الشاب: آنسة يا آنسة. الفتاة: نعم يا كابتن، في حاجة؟ الشاب: لا أبدًا، كنت عايز منك... مش عارف والله أجيبها لك إزاي. الفتاة: آه، قلت لي، شكلي دلوقتي هاصوت وألم عليك الشارع يا سافل يا قليل الأدب. الشاب: What؟ انتِ افتكرتي إيه؟

أنا كنت عايز منك خمسين جنيه. الفتاة: ونبي مش مكسوف من نفسك تبقى طول بعرض ومز كده وتوقف بنت عشان خمسين جنيه؟ هو بقت في شحاتة هاي كلاس اليومين دول ولا إيه؟ أستغفر الله العظيم يا رب. الشاب: What؟ أتصدقي إن أنا غلطان، أنا بس معايا كارد كارت، العربية مش بتاخد كارد كارت. الفتاة: آه وأنا باقول برضه شكلك شاب نظيف مش من هنا، صح يا كابتن؟ الشاب: أيوه بالظبط كده، وآسف إني جئت لك أنتِ، You are tasteless (أنتِ عديمة الذوق)

، ولسه هيسيبها ويمشي. الفتاة: لا يا عيني، لحد هنا وستوب، مش عشان أنت مز وزي القمر فاكرني هأسكت لك. الشاب: هههههههههه أنتِ بتعاكسيني بقى؟ بس أقول لك وأنتِ كمان حلوة، بس أنا مرتبط، وغمز لها. الفتاة: نعم، هو أنت فاكر نفسك حلو؟ ولا إيه؟ أنا بس باحب أجامل الناس اللي زيك، واتفضل الخمسين جنيه أهي عشان تعرف إن المصريين جدعان. ولفت كانت هتسيبه وتمشي. الشاب: آنسة آنسة. الفتاة: الله يطولك يا روح، لفت له، نعم عايز إيه ثاني؟

الشاب: هو بتلقائية، عايز رقم تليفونك يا beautiful (يا جميلة) الفتاة: أنت شكلك واد صايع وكمان بتعاكس، وشكلك عايز تاخد علقة النهارده صح؟ كتك القرف في حلوتك. الشاب بص لها بقرف: كده بقى ده منظر واحدة أعاكسها؟ أصلك ما شوفتيش البنات عندنا في أمريكا عاملة إزاي، عمتًا أنا حبيت أشكرك وعايز رقمك عشان أقابلك أديكي الفلوس بتاعتك. الفتاة: لا خلاص أنا اعتبرتها لله. الشاب: What يعني إيه اعتبرتها لله؟ يعني اعتبرتها...

فيراس: أنتِ واقفة كل ده هنا ومذنباني في العربية، يا شيخة منك لله، هنتأخر على... ولسه هيكمل. الشاب: أنا آسف أنا اللي عطلتها. فيراس: لا ولا يهمك، وبيدقق في ملامحه. فيراس: إيه ده؟ مسلم؟ مش معقول؟ كيراس بصدمة: What؟ فيراس...