رواية حب نص امريكي ونص مصري الفصل الثاني 2 - بقلم دنيا احمد

هنا بردح: نااااااااااعم! أوعى تقولي إن ده مسلم ابن خالتي! كيراس بصدمة في سره: مش معقول إن دي هنا الكيوت الرقيقة، دي اتقلبت خالص. فيراس راح نغز هنا بكوعه: اسكتي هتفضحينا. هنا بكسوف أدركت اللي هي عملته، وحطت وشها في الأرض وراحت جريت على فوق. فيراس: إيه يا ميمو، مش هتسلم عليا ولا إيه؟ كيراس بيستوعب اللي حصل وراح سلم عليه وحضنه. السواق: إيه يا بيه مش هتخلصونا بقى؟ فيراس: خلاص يا أسطى، عايز كام؟ السواق: عايز خمسين جنيه.

فيراس: خد 100 جنيه أهي، وخلي الباقي علشانك. السواق: تسلم يا باشا. وركب عربيته ومشي. فيراس: يا عم محمد، يا عم محمد! عم محمد: نعم يا أستاذ فارس. فيراس: ههههههههههه، لسة ما اتغيرتش يا راجل يا طيب؟ اسمي فيراس بس علشانك نمشيها فارس. اجلب لنا حد يطلع الشنط لمسلم في الشقة اللي في وشنا الله يكرمك. عم محمد: من عينيا يا ابني. فيراس بيبص لمسلم: هتفضل متنح كده كتير؟ كيراس بعد استيعاب: مش عارف، مصر اتغيرت كتير عن الأول.

فيراس: يا ترى للأحسن ولا للأوحش؟ بس هقولك، مش اتغيرت، أنت اللي سافرت وأنت عندك عشر سنين، فطبيعي هتاخد وقت على بال ما تتأقلم هنا. كيراس: عندك حق. فيراس: بس أنت ليه اللغة العربية مش مكسرة عندك كده؟ بتتكلم اللغة حلو. كيراس: ده وقت طويل، أبقى أحكيلك كل حاجة. فيراس: طيب يلا نطلع بدل ما إحنا واقفين كده ليه. كيراس: يلا. وطبعًا طلعوا فوق في شقة فيراس. هنا راحت تستخبى جوه أول ما لقتهم طالعين. هنا عمالة

تجري في الشقة وتكلم نفسها: طيب أستخبى فين دلوقتي؟ يا كسوفي، كنت جعفر أول قدام الواد. منك لله يا جعفر، حبكت تطلع قدامه يعني! وفجأة الباب اتفتح، ولسه هنا بتجري، هوبا راحت متزحلقة واتشقلبت. فيراس ومسلم: ههههههههههه. هنا قامت بسرعة ومسكت ظهرها: آه يا ظهري اللي انكسر. وبتبص لقتهم عمالين يضحكوا عليها. كيراس: ههههههههههه مش قادر، لسه زي ما هي مصيبة. هنا بشراسة: ها، خلصتوا ضحك منك ليه؟ وراحت خبطتهم بمخدات الأنتريه.

مسلم برافع حاجب: قد اللي أنتِ عملتيه ده؟ وفيراس بغضب: طيب تعالي بقى. وبيجري وراها. وهنا بتجري وفيراس بيجري وراها لحد ما استخبت ورا مسلم. هنا: في أمنتك يا معلم، ومسكت فيه. مسلم رجع بذاكرته لورا كده. فلاش باك: هنا كان عندها خمس سنين، ومسلم كان عنده عشر سنين، وبيلعبوا هي وأخوه وأخته شوية وقرايبهم. هنا ببراءة وهي بتلعب: تعالوا نتفرج على كرتون الأميرة روبنزل يا بنات، هيا يلا.

ندى: طيب هم بيلعبوا كورة ومشغلين الشاشة هنعمل إيه؟ هنا بتفكير: هقولكم يلا. هنا راحت عندهم وشالت فيشة التلفزيون. بس للأسف فيراس شافها. فيراس بزعيق: هناااااااااا! هنا خافت وطلعت تجري وراحت مستخبية ورا مسلم. هنا: الحق، فيراس هيضربني. مسلم صعبت عليه هنا: طيب ينفع اللي عملتيه ده؟ هنا: أنتم قاعدين تلعبوا من بدري، وإحنا عايزين نتفرج على الأميرة روبنزل. ولسه فيراس هيضرب هنا. مسلم خبّاها وراه: خلاص بقى ما تضربهاش دي طفلة.

فيراس: لا هضربها عشان ما تعملش كده تاني. مسلم: لو مديت إيدك عليها هيبقى في زعل ما بينا. تعال ننزل نلعب كورة ونسيبهم هم يتفرجوا على التلفزيون شوية. فيراس: ماشي يلا، هنزل أنادي صحابنا وأنت تعال ورايا. مسلم: تمام. هنا طلعت من ورا مسلم: هيا هيا. مسلم: مبسوطة يا هنون؟ هنا حضنته أوي أوي: أنا بحبك أوي يا ميمو. مسلم: حبيبتي روحي بقى اتفرجي على التلفزيون وانفخي العيال اللي سابوكي وهربوا دول. هنا: يعني إيه؟

مسلم: لما تكبري هتعرفي، باي يا هنون عشان أخوكي الرخم ده بينادي عليا. هنا: ماشي. انتهى الفلاش باك. فيراس: تعالي بقى هنا، بقى تخبطيني بالمخدة، ده أنتِ نهارك مش عادي. هنا: خلاص بقى، ما كانتش خبطة مخدة يا أبو الصحاب تعمل فيك كده. كيراس: خلاص بقى يا فيراس، أنا عايز أروح أرتاح شوية. فيراس: خلاص عشان خاطرك بس، تعالى ارتاح في أوضتي شوية بس هنا هتعملنا أكل عشان تأكل الأول. كيراس: واو بجد، هنا بتعرف تعمل أكل؟

هنا بفخر: أومال يا ابني، ده أنا هبهرك، هروح أعمل حالًا. ودخلت على المطبخ. فيراس بلع ريقه: ربنا يستر بقى. كيراس لسه هيتكلم لقي جرس الباب رن. فيراس: هقوم أفتح الباب وأجيلك، أكيد عم محمد. كيراس: لا خليك أنت، أنا هقوم عشان أختار الأوضة أنا. فيراس: أوك براحتك. كيراس راح يفتح الباب. _مفاجأة............. كيراس: مين............ (ملاحظة: كيراس هو مسلم بس في أمريكا بيقولوا كيراس وهنا مسلم في مصر)