رواية حب وانتقام الفصل الثامن 8 - بقلم جهاد خالد

نعمه. ايه، ابنك چين؟ چين. يا ماما، دا شغل، وأنتِ هتكوني معايا كدا كدا، ويوسف هيكون معاكي. نعمه برفض. لا يا چين، الشغل مش لينا، وكمان في المنصورة دي الناس مش بترحم يا حبيبتي. لو هنا ماشي، لكن تروحي المنصورة وتشتغلي هناك دا لا يمكن أبداً. چين بزعل. علشان خاطري يا ماما، علشان خاطري متكسريش بخاطري. أنا عايزة أسافر وأشتغل هناك. متقلقيش، في شغل سكرتارية هناك ومش هقعد كتير، هما ٥ ساعات الصبح وبس. نعمه. ماشي يا چين.

الباب بيخبط وكان رامى. نعمه. رامى؟ چين. أنا اللي كلمته يا ماما، وقولتله ييجي يشوف ابنه علشان هنسافر. نعمه باستسلام. اتفضل. چين دخلت تجيب يوسف وعطته لرامي. چين. اتفضل. رامي بفرحة. حبيب بابا، عامل إيه؟ وقعد يلعب معاه. رامي. اتفضلي يا چين، ٥٠٠٠ جنيه مصاريف ليوسف. چين أخدتهم. تمام. رامي. أنتِ كدا هتيجي إمتى إن شاء الله؟ چين. أظن إنها حاجة متخصكش. رامي بغضب مكتوم وبيجز على أسنانه. علشان أشوف ابني.

چين. متقلقش، كل شهر هخليك تشوفه. رامي بغضب. جايه على نفسك كدا ليه؟ چين بضحكة. الله! علشان أسيبك مع العروسة براحتكم، ما أنت بتجهز للفرح، ولا إيه؟ نعمه بصدمة. إيه؟ چين بابتسامة. آه يا ماما، هيتجوز واحدة اسمها إيه؟ نعمه. إيه؟ خديجة؟ رامي بصدمة. أنتِ عرفتي منين؟ چين. مفيش حاجة بتستخبى، المهم قولت أريحك بقى علشان تكون براحتك. اتفضل بقا، أنت قعدت كتير وأنا بجهز للسفر. سلام. وأخدت يوسف ودخلت أوضتها. ورامي مشي.

نعمه دخلت الأوضة. نعمه. أنتِ عرفتي منين؟ فلاش باااك. چين راحت لحماتها. حورية فتحت الباب. حورية. چين يا بنتي، عاملة إيه؟ چين بحب. الحمد لله يا ماما، حضرتك عاملة إيه؟ حورية بحزن. اهو زي ما أنتِ شايفة كدا، مفيش غيري أنا وحور قاعدين، ورامي بيجهز للجواز. چين بصدمة. إيه؟ حورية بحزن ودموع. والله أنا حرمته يدخل البيت من يوم اللي حصل، وروحت سجلت الشقة باسمك. ودخلت تجيب الورق وعطتهولها. چين بحزن. بس يا ماما.

حورية. من غير بس يا چين، دا حقك أنتِ وابنك. دا حفيدي. وشالت يوسف. كان مستخبيلك دا كله فين يا بني؟ وبسته. حور دخلت. إيه دا؟ يوسف حبيبي! وإيه؟ چين عاملة إيه يا قلبي؟ كدا تقطعي علينا كل حاجة؟ چين قامت سلمت عليها وبستها. غصب عني والله يا حور. الحمد لله على كل حال. المهم أنا جيت علشان تشوفوا يوسف وتقضوا معاه اليوم، لأن هسافر كام يوم كدا وهبقى أعدي عليكم تشوفوا. حورية بدموع. كدا يا چين؟ عايزة تبعدي كل دا؟

وهتروحي فين يا بنتي بس؟ چين وهي بتمسح دموعها. هروح المنصورة إن شاء الله، هشتغل هناك، وكل شهر أجي عندكوا تشوفوا الأستاذ. حور بدموع. تروحي وتيجي بالسلامة. وحضنتها، وكذلك حورية. بااااااك. چين بتنهيدة. و بس كدا، قضيت معاهم اليوم وجيت، وعرفت اللي قولتيلي عليه. نعمه بذهول. ربنا كريم يا چين، وحق ابنك اهو معاكي في ورقة. چين طلعت الورق. آه يا ماما، الحمد لله. اتفضلي شيلي الورق دا معاكي. وبعده يومين. چين ونعمه ويوسف سافروا.

وكانت المفاجأة المنتظرة ليهم هناك. سماح (خالة چين و رحيم ابن خالتها) . كانوا في استقبالهم. سماح بفرحة. چين ونعمه، وحشتوني أوي. نعمه حضنتها. وأنتِ وحشتيني أوي يا سماح. چين وحضنتها. وحشتيني والله يا خالتو. إيه دا؟ رحيم؟ أنت كبرت أوي. رحيم بابتسامة. وأنتِ كمان كبرتي يا چين. وأخد منها يوسف وباسه. رحيم بتوتر بيحاول يخفيه. چين. چين بابتسامة. نعم يا رحيم؟ رحيم بابتسامة. اتفضلي الورق دا، لازم تمضيه. چين باستغراب. إيه دا؟

رحيم وهو بيجيب قلم. دا علشان تتعيني سكرتيرة رسمي عند أستاذ آدم اللي قولتيلي عليه. چين. آه تمام، جيب، أقرأ الأول. چين بضحك. لا يا عم، واثقة فيك، جيب أمضي. رحيم عطاها الورق وتنفس براحة بعد ما مضت، وأخد الورق وطلع. رحيم اتصل على آدم. رحيم. الو يا آدم، تمام، الورق معايا، وچين مضت. آدم. تمام أوي كدا، طنط نعمة عرفت، وطنط سماح، ما عدا هي. رحيم بتنهيدة. بالظبط كدا، ربنا يستر. وقفل معاه.

چين ودموعها نزلت وهي قاعدة لوحدها في البراندا، وبتسمع أغاني، ويوسف معاها في حضنها نايم. وبعدها دخلت تنام. تاني يوم. چين راحت مكان الشغل. وبانت ليها الصدمة. إنت إزاي؟ أسفة على التأخير، بس الفترة دي أنا تعبانة، والحمد لله على كل حاجة. شكراً لكل اللي دعولي، في عرفت أرد عليهم، وفي ناس للأسف معرفتش. ربنا يرزقكم باللي نفسكم فيه يارب.