رواية حب صغيرتي الفصل الثاني والعشرون 22 - بقلم ايه عيد

في المستشفى يونس دخل بسرعة وهو شايل والدته وخايف عليها. يونس بصوت عالي: دكتوووور، فين الدكتور؟ خرج الدكتور بسرعة ونادا على الممرضين وأخذوا والدته على الترولي. يونس بص للدكتور بحدة: يستحسن تعمل اكتر من ال تقدر عليه. الدكتور: حاضر يافندم. ودخل على غرفة العمليات. يونس قعد على الكرسي وحط ايده على رأسه وهو باصص للأرض. بيان قربت منه بدموع وحطت ايدها على كتفه. جه حسين وعايدة ورانيا وكريم. عايدة بقلق: هي فين يا يونس؟

بيان: جوا في العمليات. كريم قرب وقعد جمب يونس بدموع وهو خايف على والدته. حسين قرب منهم: متقلقوش هتبقي كويسة ان شاء الله. رانيا بعدت شوية واتصلت على يوسف وريان. في بيت غنوة ويوسف يوسف قفل التلفون وهو مصدوم، وبص لغنوة ال واقفة في المطبخ بتعمل كيكة. يوسف قرب منها ببطيء. غنوة بابتسامة: انا قربت اخلص، هتاكل احلي كيكة من ايدي. يوسف بتوتر: غ غنوة، سيبي ال في ايدك والبسي عشان طالعين. غنوة بصتله: ليه، في حاجة ولا ايه؟!

يوسف: ها، لا بس انتي مش عايزة تشوفي مامتك يعني. غنوة بقلق: في ايه يا يوسف؟! يوسف بتوتر: ر رانيا اتصلت بيا، وقالتلي ان والدتك في المستشفى. غنوة اتصدمت ومبقتش قادرة تقف ودموعها بدأت تنزل. يوسف قرب منها ومسك ايديها: البسي بسرعة، وانا هاخدك هناك. غنوة استوعبت ودخلت غيرت هدومها بسرعة ومشيت هي ويوسف. في المستشفى دخلت غنوة ويوسف ولقوا العيلة متجمعة. غنوة جريت على يونس بدموع: ي يونس م ماما مالها؟!

يونس بصلها وقام وقف واخدها في حضنه وغنوة قعدت تعيط بانهيار. فجأة خرج الدكتور ويونس بعد عن غنوة وراح ليه بسرعة. يونس بقلق: ها؟ الدكتور: متقلقوش هي كويسة. يونس: امال ايه ال حصلها دا؟! الدكتور: اكتشفنا ان في مادة مسممة في جسمها، بس انتوا جبتوها في الوقت المناسب وقدرنا نسحب منها السم على اخر لحظة. يونس بنظرة غريبة: سم؟! الدكتور: اه، شوفوا بقي هي كلت ايه او شربت ايه، دي محاولة قتل وانا لازم اتصل بالبوليس.

يونس بهدوء مخيف: ملوش لازمة، احنا هنحل الموضوع. الدكتور: تمام، هي بقت كويسة بس استنوا لما السيروم يخلص وتقدروا تاخدوها على البيت. يونس: تمام. غنوة بدموع: انا عايزة اشوفها. يونس ببرود: مش دلوقتي، لما نرجع البيت. وبعدين بص على كل الموجودين ملاقاش تفيدة. في مكان مجهول كارم واقف قدامه بعض الرجال وبيديهم فلوس. كارم ببرود: فهمتوا هتعملوا ايه؟! النهاردة بليل تكون عندي. احد الرجال: بس مش صعبة دي، افرض يونس الجبالي قفشنا.

كارم: متقلقش هي هتكون في مكان بعيد عن القصر، اول ما تشوفها تجبوها هنا على طول. الراجل: يعني دي هتبقى عليك. كارم بابتسامة خبيثة: اه، وغير كدا جهز الكاميرات كويس لازم اللقطة تبقى واضحة. الراجل: اوامرك يا باشا، بس برضوا دي مش واحدة عادية دي مرات يونس الجبالي.... فا تمنها هيكون غالي حبتين. كارم: متقلقش، اذا كان على الفلوس فا انا جاهز اوي. الراجل: يبقى على بركة الله. وخرجوا، وكارم قعد على مكتبه.

كارم بابتسامة شر: الليلة هتكوني معايا انا، وتنسي خالص يونس الجبالي دا.... هو ميستاهلكيش انا اولى. في القصر وصل يونس والعيلة، وكانت نسمة قاعدة على كرسي متحرك وتفيدة ومصطفى نزلوا. يونس بص لهم بحدة: كنتوا فين؟! تفيدة بعوج: في ايه يا كبير العيلة، كنا قاعدين هنا عادي.... ما هو مش هنمشي كلنا كدا زي قطيع الخرفان. يونس بحدة: لما اكلمك، تتكلمي عدل.

مصطفى بعصبية: في ايه يا يونس، يعني هي غلطت ما امك عايشة اهي ومجرالهاش حاجة يعني ما راحتش عند الـ... يونس قرب منه ومسكه من ياقة قميصه بغضب: مصطفيييي، قسما بالله ان ما تعدلتش انت وامك.... لاكون راميكم من هنا ومش هيهمني حد. مصطفى كان هيتكلم بس تفيدة وقفته بتوتر: خلاص يا يونس هو ميقصدش. يونس بص لها بغضب وبعد عن مصطفى. تفيدة بخبث: قولنا بس هي جرالها ايه؟! كريم: اتسممت. تفيدة بصدمة مزيفة: يا لهوي، منين دا....

ولله انا كنت قاعدة بدعيلك لما اغمي عليكي يا نسمة، دا احنا بينا عيش وملح بردك. نسمة بصت لها بتعب ومردتش عليها. رانيا: هي مشربتش حاجة النهاردة غير العصير. يونس بص لتفيدة بنظرة مخيفة: طب ويا ترى بقي، معرفتيش مين ال عمل كدا. تفيدة بتوتر: يوه، وانا مالي ه هعرف منين يعني. يونس بغضب: ما هو مفيش غيرك ليها في الشر دا. تفيدة بعصبية: حاسب على كلامك. وبعدين مثلت الحزن: انا مقدرش اعمل كدا في اختي، وانا اصلا مكنتش قاعدة معاكم.

يونس بغضب: ما هو دا ال مخليني شاكك فيكي. تفيدة بحزن مزيف: طب وغلاوتك عندي يا يونس ما عملت كدا، انا معرفش حتى مين ال عمل العصير. فجأة الكل بص لبيان، ال خافت من نظراتهم وبصت ليونس بخوف وكأنها بتقوله احميني دافع عني. يونس بغضب: صفيييي. جت صفية بخوف: ن نعم يا يونس بيه. يونس بحدة: كنتي فين النهاردة الصبح. صفية بكذب: كنت في الجنينة يا بيه. يونس: مشفتيش حد في المطبخ.

صفية بصت على بيان: ا اه ش شفت الست بيان بتعمل عصير النهاردة و..... يونس بحدة: وايه؟! انطقي. صفية: شوفتها وهي بتحط حاجة في كوباية من الكوبيات. الكل اتصدم خصوصا بيان. يونس بحدة: كانت بتحط ايه؟! صفية بتوتر من نظرات يونس الحادة: ا ك كانت بتحط برشام يا بيه. بيان كل دا ساكتة ودموعها بدأت تتجمع في عنيها، مش عايزة تدافع عن نفسها عايزة تشوف رد فعل يونس الأول. يونس بنظرة مخيفة: متأكدة. صفية وهي

بتبص لتفيدة من تحت لتحت: ا اه، اه يا بيه متأكدة.... انتوا عارفين اني معاكم من سنين وعمري ما كدبت على حد فيكم. يونس بغضب: والبنت التانية فين؟! صفية بتوتر: ر راية كانت في السوق يا بيه. يونس بغضب: طب امشي من قدامي يلا. جريت صفية على المطبخ وهي خايفة. يونس بص لبيان ال واقفة بتدمع ومنكمشة في بعضها. مصطفى بشماتة: قاعد تتهم امي، وفي النهاية طلعت الست بيان مراتك ال عديمة الأصل.

يونس بص له بغضب وقرب منه و ضربه على وشه بقوة ووقعه على الارض، وتفيدة جريت على ابنها وحسين اتصدم وكريم وريان بعدوا يونس عنه بسرعة. يونس بغضب: اياك تجيب سيرة مراتي على لسانك الـ... مصطفى مسح انفه ال بينزف ووهو باصص على يونس بكره. تفيدة بعصبية: في ايه يا يونس، هو قال حاجة غلط.... ما انت سمعت من البت صفية اهو وقالتلك الـ... يونس بغضب: اخرسي، بيان عمرها ما تعمل كدا.... وإذا كان على صفية انا هعرف اجيب الكلام منها كويس.

بيان كانت واقفة بتعيط بس فرحت من جواها انه مصدقها. غنوة بتوتر: ب بس يمكن صفية معاها حق. يونس بصلها بحدة، وبيان اتصدمت من كلامها. عايدة بضيق: اخص عليكي يا غنوة، بقي تقولي كدا على مرات اخوكي.... دا انتي عارفة كويس ان بيان بتحبه. رانيا: واصلا بيان هتعمل كدا ليه، هي مرت عمي اذتها في حاجة اصلا. غنوة بضيق: يا جماعة انا مش قصدي، ب بس يمكن بيان حطت حاجة بالغلط في العصير وتكون هي السبب. يونس

قرب منها ووجه كلامه ليوسف: خد مراتك من هنا وعلى بيتك يلا. غنوة بصدمة: انت بتطردني يا يونس. يونس بغضب: ما انتي ال مبتفهميش، علطول بتتكلمي من دماغك وانتي فاكرة ان دا الصح.... وإذا كان على امي تقدري تزوريها وقت مانتي عايزة. غنوة بصت لبيان بضيق وخرجت ويوسف مشي وراها. وبيان واقفة مصدومة من رد غنوة، او من تفكيرها فيها. يونس اخد والدته ووداها اوضتها ال تحت. وبيـان راحت وراه.

حسين قرب من تفيدة بعصبية: بصي بقي ان ما لميتي لسانك انتي وابنك حسابك هيكون معايا عسـ... وطلع فوق. وتفيدة ومصطفى باصين عليه بكره. عايدة قربت منها: حاولي تعلمي ابنك يحب يا تفيدة، متخليهوش يبقي زيك. ومشت من قدامها هي كمان. وريان ورانيا طلعوا اوضتهم. تفيدة بشر: كفاية لحد كدا، انتوا جبتوها معايا للاخر. مصطفى: خططتي وانا انفذ. تفيدة حطت ايدها على كتفه وابتسمت: ابن بطني بردك. في غرفة نسمة يونس حطها على السرير وغطاها كويس.

نسمة رفعت ايدها وشاورت لبيان وبيان راحت لها ووقفت جمب يونس. نسمة بصوت مبحوح: متزعليش من غنوة، هي قالت كدا من خوفها عليا. بيان بابتسامة طيبة: مش زعلانة يا خالتي. يونس بص لبيان ولاول مرة يحس انه بمشاعره بتتحرك ناحيته. نسمة مسكت ايدها وايد يونس وحطتهم على بعض. نسمة بابتسامة: عايزاكم تفضلوا علطول مع بعض، اوعي تتخلي عنها يا يونس. يونس حط ايدها على خصر بيان، وبيان اتصدمت ورفعت رأسها ليه وبصتله. يونس بهدوء: مقدرش.

بيان لاول مرة بتلاحظ لمعة في عينه وهو باصص لها بطريقة اول مرة تلاحظها. نسمة ابتسمت وبعدين بدات تحس بالنعاس وغمضت عينيها. يونس مسك ايد بيان وطلعوا من الاوضة وطلعوا على اوضتهم. في اوضة رانيا وريان ريان قعد على السرير ورانيا قعدت جمبه. رانيا بضيق: مش متخيلة بجد غنوة تقول كدا على بيان. ريان حضنها: مش الكل مشاعره بتثبت ناحية شخص معين. رانيا بصت له بطفولية: اوعي مشاعرك تتغير ناحيتي.

ريان بضحك: وهو انا اقدر اسيب القمر دا، لو مشاعري اتغيرت هتتغير لهو... رانيا ضحكت: مش للدرجة يعنى. ريان قرب منها: طب بمناسبة المشاعر بقي، انا مشاعري فياضة دلوقتى. رانيا بضحك: انت مشاعرك دي مش بتخلص ابدا. ريان بحب: طول ما انتي جمبي هتفضل تزيد اكتر واكتر. رانيا اتكسفت وريان قرب منها اكتر. ريان: بحبك، يا احلى حاجة حصلت في حياتي.... رغم ان بدايتنا كانت كف محترم منكر. رانيا بضحك: خلي قلبك ابيض بقا.

ريان بابتسامة خبيثة: لا، انا لازم اخد تمن للكف ده. رانيا بدلع: يعني عايز ايه؟! ريان تاه في حركاتها وعنيها: هـ... رانيا قربت منه اكتر ووشها بقى قدام وشـ... رانيا بهمس: بحبك. ريان ما صدق سمع منها الكلمة بصلها بذهول وبعدين قرب منها وطبع قبلة قوية. وقرب منها ووووووووو. في اوضة يونس وبيان دخل يونس وقعد على السرير بتعب وبيان دخلت وقفلت الباب، وراحت ازالت الطرحة. وراحت قعدت جمب يونس. بيان: ي يونس، ا انا معملتش كدا.

يونس بصلها بهدوء: عارف. بيان فجأة قامت وحضنته وهو قاعد ويونس ابتسم بخفة وحاوط خصرها بأيده. بيان استوعبت وبعدت بسرعة عنه بكسوف: ا اسفة. يونس فجأة شدها من ايدها وقعدها على رجله واقترب منها ببطيء ودفن وشه في رقبتها. يونس بصوته الرجولي الهاديء: على ايه؟! بيان تاهت في صوته ومردتش. يونس رفع ايده ووجهها ناحية سوستة الدريس من الخلف وبدأ بسحبها لتحت. وبيان مش حاسة بحاجة ومغمضة عينها.

فجأة سحب السحاب لاخر ضهرها ووضع يديه الباردة على ضهرها. بيان حست بيه واتوترت وحاولت تبعد، لكن يونس قبضته كانت اقوى وهو تايه في ريحتها. يونس بهمس وهو مش واعي لنفسه: بحبك. بيان فتحت فمها بصدمة وبعدت وشها عنه وبصتله. بيان بصدمة: ايه؟! يونس بهدوء: ايه؟! بيان بلهفة: ايه ال انت قلته دلوقتي؟! يونس بابتسامة شبه معدومة: ايه ال انا قولته دلوقتي؟! بيان بغيظ: يونس. يونس بابتسامة سحرته: نعم؟! بيان تاهت

في ابتسامته وصوته وببراءة: ا انت قولت ايه؟! يونس اقترب من شفايفها وبهمس: قولى انتى انا قولت ايه. بيان اتوترت وعضت شفايفها السفلية بتوتر..... ويونس بلع ريقه، واقترب منها وطبع قبـلة خفيفة. وبعد عنها وبصلها. بيان بطفولية: قولى بقي، انت قولت ايه؟! يونس بابتسامة هادية: هقولك بليل. بيان قامت من على رجله بفضول: بس انا عايزة اعرف دلوقتي. يونس وقف و قرب منها وطبع قبـلة على خدها وبعدين بعد وحط ايده على خدها بهدوء: مش دلوقتي.

وبعدين لف واتجه للحمام ودخل. بيان بفضول وزعل: بس انا عايزة اعرف. جريت بسرعة تلحقه ودخلت الحمام، لقته قلـع التيشرت، لفت نفسها بسرعة وكسوف. يونس شافها وقرب منها وحضنها من الخلف: شكل الكلمة اثرت فيكي. بيان بمرواغة وكسوف: ك كلمة؟! كلمة ايه دي. يونس ابتسم برفعة حاجب: اممم، طب اطلعي يلا. بيان لفت وبصتله: يعني مش هتقولي. يونس بتنهيدة: وبعدين. بيان عقدت ذراعيها بزعل: ماشي، براحتك. يونس: يعني هتفضلي واقفة هنا كتير.

بيان بعند: اقف في المكان ال يعجبني. يونس بابتسامة: القمر يقف في المكان ال عايزه. بيان بصتله بتوتر وخجل: ا احم، ط طب انا طالعة بقي. وجرت على برا. ويونس ابتسم ابتسامة واسعة عليها. في بيت يوسف وغنوة دخلت غنوة وقعدت على الكنبة بضيق. يوسف: مكانش لازم تقولي كدا. غنوة قامت وقفت بعصبية: حتى انت كمان. يوسف بضيق: غنوة، انتي ما صدقتي صلحتي علاقتك مع اخوكي، تقومي تقولي كدا. غنوة قعدت على

الكنبة ودموعها في عينها: انت عارف اني بحب ماما، ف فا معرفتش اقول ايه وقتها. يوسف قرب وقعد جمبها ومسك ايدها: متزعليش ياحبيبتي، بس ان شاء الله اول ما تلاقي فرصة روحي واعتذري ليها. غنوة مسحت دموعها: حاضر. يوسف قرب منها بابتسامة خبيثة: طب ايه؟! مش ناوية بقي نجيب بيبي تاني. غنوة بكسوف: انا جعانة اصلا خلينا ناكل الاول. يوسف بمشاكسة: بس انا جعان اكتر منك. غنوة كانت هتقوم تجري بس يوسف مسكها. وفجأة قام وشالها ودخل الاوضة.

في الليل يونس مكانش في القصر وبيان كانت قاعدة مع نسمة. فجأة لقت تلفونها بيرن برقم غريب، قامت وخرجت من الاوضة وردت. بيان: الو. كارم: بيان عاملة ايه؟! بيان بشك: م مين حضرتك. كارم: معرفتنيش دا ياما جبتلك شكولاتات كتير. بيان بضيق: كارم. كارم: الله ينور عليكي. بيان: عايز ايه؟! كارم: انا اسف اني بتصل عليكي في الوقت دا، ب بس انا كنت هسافر بكرا وبصراحة عايز اشوف صاحبة عمري قبل ما اسافر.

بيان بقلق: م مينفعش، يونس لو عرف مش هيسكت. كارم: متقلقيش، انا مش بعيد انا واقف ورا القصر.... هسلم عليكي ولله وهمشي علطول. بيان: كارم، قولتلك مينفعش. كارم: ولله هما دقيقتين بس، وكمان انا جايب ليكي حاجة مهمة اوي. بيان باستغراب: ايه هيا؟! كارم: معايا حاجات من طفولتك، واكيد انتي عايزاها انتي اتجوزتي يونس من غير اي حاجة. بيان بتوتر: ط طب هقول ليونس الاول. كارم بسرعة: لا اوعي، ما انتي عارفة انه مش هيوافق.

بيان بتفكير: ط طب هي دقيقة وبس. كارم: حاضر دقيقة وبس، دا انتي صاحبتي بردك. بيان قفلت وخرجت من الباب الخلفي وخرجت من القصر كله. خلف القصر بيان خرجت بسرعة وخوف وشافته من بعيد. كارم افها وبابتسامة: وحشتيني. بيان بضيق: كارم، انت زي اخويا مينفعش تقولي كدا. كارم بس فوق وبعدين قرب منها وحضنها بقوة وهو باصص على مكان فوق. بيان بعدته بسرعة وعصبية: اوعي كدا انت اتجننت. كارم بغضب: انا فعلا اتجننت بيكي، وانتي غدرتي بيا وسيبتني.

بيان بصدمة: سيبتك، انت شارب حاجة... وانت تبقي مين اصلا عشان اسيبك. كارم مسك ايدها بقوة وبغضب: انا ال حبيتك وال كنت عايزك، بس يونس سبقني وعملهـ... بيان وهي بتحاول تبعد عنه بعصبية: ابعد عني، متمسكنيش كدا اوعيييي.... يوووونس. كانت بتحاول تنادي على اي حد بس.

فجأة ظهرت رجالة ورا كارم ومسكوا بيان وحطوا حاجة على فمها وبيان بدأت تفقد الوعي، ومسكوها واخدوها في العربية، وكارم رفع رأسه للكاميرا ال كان مثبتها على السور، راح وجابها.... وبعدين ركب عربيته وانطلق ورا الرجال. كل دا وتفيدة كانت واقفة بعيد بتراقب بيان، وابتسمت بشر على ال حصل. في اوضة يونس وبيان دخل يونس وملقاش بيان، حتى تحت ملهاش اثر. اتصل بيها ومردتش.

فجأة جتله رسالة على تلفونه من رقم مجهول، فتح الرسالة واتصدم................. وعيونه بقت حمرا وعروقه ظهرت. قام بسرعة واخد مسدسه بغضب جحيمي، وخرج.