رواية حب يتخطى الجنون الفصل الخامس 5 - بقلم شتاء كاتبه

ماجد.. بيجري عليه وبيصرخ ســــــــــــــليم مريم.. علي الكرسي مصدمه من اللي شفته وبقت ماشيه وراه ماجد وهو شايل سليم وبيدخله الاوضه. ماجد.. سليم.. سليم.. فوق.. فوق عشان خاطري.. فوق يابني.. يا ابن كل حته فيا. ماجد.. ابتدا يصرخ ويحاول يفوق سليم وهو بيفتكر كلام الدكتور بأن أي صدمة هيتعرض ليها ممكن يدخل في غيبوبة. ماجد.. بيحاول مع سليم وفجأة بيسمع سليم بيتكلم. سليم.. مـ مـــــــ مــــــ مريم.

ماجد.. بيجري زي المجنون على مريم وبيجبها قصاد سليم. ماجد.. قولي له إنك جنبه. مريم.. اعمل إيه؟ ماجد.. بيتعصب على مريم.. بقولك قوليله إنك جنبه. مريم.. أنا جنبك يا سليم. ماجد.. قولي يا حبيبي. مريم.. بتبص لماجد بتلقيه بيبراء لها. مريم.. أنا جنبك يا حبيبي متخافش. ماجد.. خليكي هنا أوعي تسيبيه وتمشي أنا راجع تاني. _ماجد.. عبير.. عبير. عبير.. أيوه يا ماجد بيه. ماجد.. اتصلي بالدكتور أنور بسرعة. (في الوقت ده) سليم.. بيفوق.

سليم.. بطفولة انتي اسمك إيه؟ مريم.. بتبص عليه وهي مش مستوعبة طريقته إزاي واحد في التلاتين بيتكلم زي الأطفال. سليم.. بيمد إيده لمريم... أنا سليم الأمور الشطور وانتي. مريم.. أنا مريم. سليم.. الله اسمك حلو أوي.. ممكن تكوني صحبتي؟ مريم.. أكيد. سليم.. انتي قاعدة ليه على الكرسي ده انتي بتلعبي؟ مريم.. لا أنا تعبانة شوية ومش بقدر أمشي عشان كده قاعدة على الكرسي. سليم.. هو أنا كمان ممكن أقعد على كرسي زيكم؟

مريم.. لا انت سليم ومفيكش حاجة. ماجد... اتفضل يادكتور. سليم.. بينط من على السرير وبيجري على ماجد. سليم.. ماجد جيه أبه ماجد جيه جبتلي شوكولاتة. ماجد.. أيوه يا سليم بس الأول تخلي الدكتور يشوفك بعدين تاخد الشوكولاتة. سليم.. اتفاقنا. الدكتور بيفحص سليم وبيطلع بره. ماجد.. يادكتور ده نطق اسم مريم وكان باين وكأنه سليم جداً وحد طبيعي. الدكتور.. وده شيء هايل رجوع البنت دي دلوقتي هيحسن كتير من حالته.

ماجد.. سليم هيرجع زي الأول صح؟ الدكتور.. هيرجع بس لازم يروح على الأماكن اللي كانوا فيها وتفتكروا بنفس الحاجات اللي كانوا بيعملوها. ماجد.. أنا متشكر جداً يادكتور. سليم.. مريم يلا بينا نلعب بره. ماجد.. لا ياسليم. ده معاد النوم بكرة تلعبوا براحتكم تمام. سليم.. أوك. ماجد.. بيطلع هو ومريم من أوضة سليم. _مريم.. استنى هنام. ماجد.. عايزة إيه؟ مريم.. عايزة أفهم إيه اللي بيحصل مين ده؟ ماجد.. أخويا سليم منصور.

مريم.. إيه اللي جرى له؟ ماجد.. سليم طول عمره كان بره البلد ولما نزل حب بنت من مصر اسمها مريم. مريم.. اللي أنا دلوقتي واخده وشها؟ ماجد.. بالظبط. ماجد.. مريم كانت بنت يتيمة متربية في ملجأ سليم حبها جداً وجيه يعرفنا عليها في الأول كانت وفاء هانم مش موافقة على الجوازة دي ومكنتش بتحب مريم. ومع الوقت ابتدت تتقبل حبه حبه وجود مريم في حياة سليم.

وفي يوم الفرح مريم قررت إنها هتروح الملجأ وهترجع على معاد الفرح عشان تودع الأطفال اللي في الملجأ عشان هتسافر مع سليم ومش هيرجعوا تاني. ماجد.. لكن للأسف العربية وقعت من الجبل في المياه. مريم.. والعربية؟ ماجد.. العربية لقيناها لكن مريم ما لقيناهاش وغرقت في البحر. مريم.. وطبعاً أنا كنت الفرصة بالنسبة لك عشان ترجع أخوك.

ماجد.. اسمعيني أنا معرفش انتي مين ولا جيتيلي منين بس كل اللي أعرفه إني لقيتك في طريقي ووشك كان شبه مش موجود. ماجد.. وهو بيمسك إيد مريم... صدقيني يا مريم لو كان في ملامح حتى باينة في وشك أنا كنت رجعتك زي ما كنتي بس مكنش قدامي حل غير إني أحطلك وش مريم وماضيعش آخر أمل من إيدي بأن سليم يرجع زي ما كان. مريم.. بتحط إيديها على إيد ماجد وبتوافق إنها تساعده. _في الصباح. سليم.. بينزل يخبط على أوضة مريم وبيروح داخل.

سليم.. ميرو... مريومة.. اصحي بقى. مريم.. سليم إيه اللي جابك هنا؟ سليم.. مش قولتلي هتلعبي معايا الصبح. مريم.. أيوه بس ده لسه الساعة 6 إيه اللي مصحيك بدري كده؟ سليم.. عشان نلعب كتير أوي بعدين أنا مش جايلي نوم هتلاعبي معايا ولا أروح لماجد. مريم.. بتبقي بتفكر في ماجد وأد إيه إنه تعب امبارح فبتقرر تقوم تلعب مع سليم. مريم.. تمام يلا بينا عايزنا نلعب فين؟ سليم.. عند حمام السباحة. مريم.. ماشي يا سيدي يلا بينا.

سليم.. خلاص أنا هزوقك لحد هنا. مريم.. تمام بس براحة عشان بخاف. سليم.. حاضر. سليم بيزق مريم وفجأة بيقعد يجري بيها. مريم.. سليم خلي بالك سليم اهدي متجريش سليم. سليم.. فجأة بيسيب الكرسي المتحرك وبتقع مريم في البيسين. سليم.. هاي هاي وقعتك في المياه. مريم.. سليم بغرق.. سليم مش عارفة أعوم ســــــــــليم.