رواية حب يتخطى الجنون الفصل السابع 7 - بقلم شتاء كاتبه

البنت دي لو مرجعتش انت عارف انا ممكن اعمل إيه. وجو المستشفى الخيري اللي وراه تجار مخدرات لازم يتفضح. منصور: أنت بتهددني؟ أنت نسيت أنا مين. جابر: أنا قولت اللي عندي، أنا عايز البنت. منصور: وأنت عارف إن الدخلة دي مش لمنصور. تعالي، عايز أوريك حاجة صغيرة كده. منصور بيطلع فلاشة وبيشغلها على الشاشة، بتبان لجابر وهو بيغتصب بنات صغيرة في السن. منصور: لسه عايز البنت؟ جابر: أنت كده بتلعب بالنار.

منصور: قبل ما تحدف الناس بالطوب، اتأكد إن بيتك مش من إزاز. بعدين، فرق كبير بين تجار مخدرات وراجل في الستين من عمره بيصطاد البنات الصغيرة وبيغتصب بيها. جابر: تمام، خلي البنت عندك زي ما أنت عايز، بس البنت دي لو طلعت بره البيت هتبقى بتاعتي. منصور: يعني إيه؟ جابر: يعني أنا مش هسيب البنت دي غير وهي في سريري. منصور: مش لو لقيتها. البنت اللي بتدور عليها مش عندي. جابر: هنشوف. *** في القصر.

سالي: ماجد بيه، أنا خلاص خلصت. ومريم هانم جاهزة للخروج. ماجد: متشكر يا سالي، تقدري تتفضلي. سالي: تحت أمرك. ماجد: ممكن أدخل؟ مريم: أكيد. ماجد بيدخل وبيلاقي مريم واقفة قصاد المراية، لابسة فستان أسود طويل وعقد فضي على الرقبة، وشعرها الطويل المفرود، وبالميك أب السيمبل الجميل اللي كانت حطاه. وبينسحر بجمالها. مريم: بتحاول تمشي لماجد، لكن بتبقى هتقع، وبيلحقها. ماجد: شكلك بتحبيني أشيلكم. مريم: بكسوف، ووشها بيحمر.

ماجد بيحطها على الكرسي وبيخرج بيها. سليم: الله، أنت طالعة حلوة أوي يا مريومة. مريم: شكراً يا سليم. *** في المطعم. سليم: أنا عايز آيس كريم. ماجد: طب ناكل الأول يا حبيبي. ماجد بيطلب الأكل وبيقدوا كلهم ياكلوا. سليم: أنا عايز ألعب جوه حوض الكورة ده يا أبيه. ماجد: بس كده. مريم: أنت عارف إن ده للأطفال صح؟ ماجد: أي طلب لسليم بيتنفذ، اتفرجي وشوفي. ماجد: فين المدير هنا؟ المدير: ماجد بيه، أهلاً وسهلاً بحضرتك.

ماجد: عايز مرافق مع سليم ويروح معاه حوض الكرات. المدير: أوامر حضرتك. ماجد: سليم، يلا روح مع خالد، هيلعب معاك هنا. مريم: شكلك بتحبه أوي. ماجد: سليم ده ابني، كنت دايماً بحافظ عليه عشان ميطلعش زي... مريم: بفضول: زي إيه؟ ماجد: بتوتر: يعني جو المستشفيات مش زي الحياة بره. ماجد: ترقصي؟ مريم: وأنا على الكرسي؟ ماجد: لا، وأنتِ في حضني. ماجد بيقوم وبيوقف مريم، وبيمسكها من وسطها، وبيرفعها عن الأرض، وبيبتدوا رقص.

مريم: أنت غريب أوي. ماجد: من ناحية إيه؟ مريم: جواك حنية متتوصفش، ببقى نفسي... ماجد: بيبقى نفسك في إيه؟ مريم: ببقى نفسي أفضل معاك، بحس إن وأنا معاك محدش هيأذيني. ماجد بيحاول يغير الموضوع، والسهرة بتنتهي، وبيرجعوا على البيت. مريم: تصبح على خير. ماجد: وأنتِ من أهله. سليم بيبقى باصص على ماجد اللي باصص على مريم، وعنيه متشلتش من عليها. سليم: أبيه ماجد بيحب مريم 😂 أبيه ماجد بيحب مريم. ماجد: خد هنا، تعالي. وبيفضل يجري وراه.

*** في الوقت ده. خليل: البنت مش جوه البيت يا باشا. جابر: قصدك إيه؟ خليل: قصدي إنها اتغيرت. جابر: يعني إيه؟ خليل: البنت اللي دخلت كانت متشوهة لدرجة كبيرة، وماجد بيه دكتور تجميل مشهور زي ما حضرتك عارف، وغير لها وشها. جابر: لحظة بس كده، إزاي البنت وشها كان مليان تشوهات؟ أنتوا عملتوا حاجة في الليلة دي للبنت دي؟

خليل: بالعكس، إحنا فضلنا وراها وكانت بتجري، وفجأة اختفت من قدامنا، وبعد كده عربية الدكتور ماجد ظهرت، وكان في بنت في نص الطريق. جابر: فيه حاجة غلط، إزاي البنت دي اتأذت كده؟ خليل: معقول تكون بنت تانية وحد إذاها، وماجد بيه أنقذها وغير لها وشها؟ جابر: اسمعني كويس أوي، أنا عايزك تتدخل بيت منصور، البنت دي في كلمة لاتينية مكتوبة على كتفها اليمين. خليل: طب ولو هي ياباشا؟ جابر: يبقى فيه حاجة غلط، ولازم أعرف إيه هي. ***

في قصر منصور. ماجد لسه هيطلع ينام، منصور بينده عليه. ماجد: أيوه يا منصور بيه، أمرك. منصور: البنت دي لازم تموت. ماجد: أنت بتقول إيه؟ منصور: بقولك لازم تموت، يعني زي ما جبتها وخليت الحراس يشوهوها، زي ما تقدر تجيب غيرها وتغير لها وشها.