رواية حبها مختوم في قلبي بقلم سوارة | كاملة

إزاي يا أبويا ألاقي نفسي متجوز من غير علمي؟ وكاتب مؤخر مستحيل لو اشتغلت عمري كله أجمعه لو طلقتها! طه بهدوء: عشان أتأكد إنك مش هتطلقها، عشان مش هتلاقي أحسن منها. عدي وهو بيمسح دموعه اللي نزلت غصب عنه: يا أبويا حرام عليك اللي بتعمله فيا ده كله! طه بجمود: أنا أبوك وأدرى بمصلحتك. عدي بعصبية: مصلحتي مصلحتي فين هي من ده كله؟ أرجع ألاقي نفسي متجوز! أرجع ألاقيكم كاتبين الشركات اللي تعبان فيها أنا 10 سنين ل عمتي ولادها! طه وهو بيلف وشه الناحية التانية: عمتك جوزها مات وملهاش غيري يصرف عليها وعلى عيالها. عدي ببكاء وهو بيشوح بإيديه: وعشان كده تروح هوووب شايل تعب ابنك 10 سنين وتكتبه كله ل اختك! طه بحدة: وإيه هيفيد الكلام، الموضوع خلص ومش هيتغير حاجة والشركات بتاعتي أساساً. عدي بدموع: بتاعتك إيه؟ يا أبويا أنت لما اديتهوملي كانوا مصفرين على الحديدة خالص. ضحكت عليا بأوراق مزورة إنك نقلتهم باسمي وخلتني أوقع إن...