رواية حبك عذاب الفصل الخامس 5 - بقلم هاجر العفيفي

إيمان ببرود وانتصار: إيه ده؟ هو أنا مقولتلُكش إني حامل ولا إيه؟ مالك بصدمة أكبر: حامل!!! إيمان قعدت على الكنبة وقالت: أيوه حامل. مالك قرب منها وقال بتوتر: إيمان، متهزريش في الموضوع ده. إيمان: هو أنا ههرّش معاك ليه يعني؟ مش فاهم. مالك بفرحة: أخيراً هكون أب! أنا مش مصدق نفسي. إيمان بسخرية: ومين قالك إنك هتشوفه أصلاً؟ مالك بصدمة: قصدك إيه؟ إيمان ببرود: أنا هسافر بعد لما أطلق منك، وهعيش أنا وابني بعيد عنكم.

مالك بخوف: لاء لاء يا إيمان، انتي أكيد مش هتعملي كده. إيمان، انتي عارفة إني بحبك، وأنا مستعد أطلق اللي اتجوزتها والله دلوقتي. إيمان بحزن: قصدك نير؟ مالك بصدمة: انتي عرفتي!!! إيمان بجمود: أيوه عرفت، وعرفت كمان إنك إنت اللي روحتلها وطلبت منها الجواز عادي. بقا كده؟ كده أنت مبقتش فارق معايا. عن إذنك، هدخل أنام. مالك مسك إيدها وقال بندم واضح: آسف. إيمان قالت: اعمل حسابك لو مطلقتنيش بكرة، هيكون بينا محاكم يا زوجي العزيز.

سابته ودخلت الأوضة، وهو اتجنن من كلامها وخرج يجري وراح على شقة نيرة. مالك بغضب: نيررررررة! نيرة جت وهي مخضوضة وقالت: إيه يامالك بتزعق ليه؟ مالك مسك إيدها بغضب وقال: انتي اللي قولتي لإيمان على جوازنا؟ نيرة بخوف: لاء، بسم الله. مالك بعصبية: بس إيه؟ انطقي. نيرة بخوف: سمعتني أنا وماما واحنا بنتكلم. مالك زقها بغضب وقال: كنت غبي لما سمعت كلامكم كلكم أغبياء. نيرة بدموع: هو فيه إيه؟

مالك بضيق: نيرة، انتي عارفة من الأول إني مكنتش بحبك، وعارفة إني متجوزك ليه، صح؟ نيرة: أيوه. مالك: تمام، انتي طالق يانيرة. طالق. نيرة بصدمة: طب أنا عملت إيه؟ فهمني. مالك: اللي إحنا عملناه كان غلط من الأول. لو كانت إيمان هتسامحني في الأول على إني اتجوزت، مش هتسامحني عشان اتجوزتك انتي أرملة أخوها، لاء وكمان صاحبتها. أنا بجد بقيت أقرف مننا أوي. سابها ومشي، وهي انهارت في الأرض. تاني يوم.

إيمان: الحمد لله إنها دخلت عليه. أنا كنت خايفة لا يكتشف. دين: لاء متخافيش كده. جزء من خطتنا نجح. وعلى فكرة، أنا سمعت ماما بتكلم مرات خالي الصبح، وقالت ليها إن مالك طلق نيرة مراته. عرفت إنها التانية. إيمان ضحكت بسخرية: كل واحد بياخد جزاته. دين: ركزي معايا بقا في اللي المفروض يحصل بكرة. إيمان: قولي، سمعاكي. بعد يومين. كريمة: يابني بقالك يومين مبتخرجش. مالك، بس إيه؟ مالك بعيون حمرا من الحزن قال: إيمان حامل يا أمي.

كريمة بصدمة: حامل إزاي!!! مالك بندم: مش لو كنت صبرت عليها شوية، كان زمان مفيش كل المشاكل دي. كريمة بعصبية: دي أكيد كدابة. حامل إزاي؟ مستحيل. مالك بصدمة: مستحيل ليه؟ إيمان ممكن تخلف عادي. مفيش مشاكل. كان مجرد وقت بس. كريمة بتوتر: لاء... لازم تتأكد بنفسك. مش يمكن بتقول كده عشان تربطك بيها وخلاص. مالك بشك: انتي بتقولي الكلام ده ليه يا أمي؟ كريمة بتوتر: لاء بس... قاطع كلامهم صوت الباب. خرجت كريمة تفتح.

المحضر: ده بيت الأستاذ مالك الصاوي. كريمة بقلق: أيوه يا أخويا، هو. المحضر: مراته، السيدة إيمان كامل، رافعة عليه قضية خلع. وهو مطلوب في المحكمة يوم الخميس. كريمة بصدمة: يلهووووي. مالك خرج وسمع الكلام واتصدم.