رواية حبك عذاب الفصل السادس 6 - بقلم هاجر العفيفي

المحضر: السيدة إيمان كامل رافعة قضية خلع، وهو مطلوب في المحكمة يوم الخميس. كريمة بصدمة: يلهووي. مالك خرج وسمع الكلام واتصدم. المحضر أعطاهم الورقة ومشى. كريمة بندب: يلهووي، يلهووي. شوفت قليلة الأصل، مش قولتلكم. مالك بعصبية: إيه؟ كنتي عايزاها تعمل إيه بعد كل اللي عملناه فيها؟ كريمة: دي عيلة قليلة الرباية. قاطعها مالك بغضب: حرام عليكي بقا، عايزة إيه تاني بعد لما بيتي اتخرب؟ كريمة بحزن مصطنع: بتزعقلي يابني.

مالك بص لها بضيق وخرج من المكان بأكمله. والدة نيرة: جدعة يا أختي، اهو طلقك وخليكي بقا قاعدة كده جنبي. نيرة بدموع: إيه؟ عايزاني أروح أتوسله يرجعني تاني عشان تخلصي منه؟ والدة نيرة: ومتعمليش كده ليه؟ مش جوزك؟ نيرة بصدمة: انتي بجد؟ كرامتي ملهاش لازمة عندك خالص كده؟ والدتها: هي في كرامة بين الراجل والست؟ نيرة بانهيار وعدم وعي: أقولك على حاجة؟ أنا حامل، بس مش من مالك. والدتها بصدمة: انتي بتقولي إيه!!!! نيرة بدموع: إيه؟

اتصدمتي صح؟ وفيها إيه يعني؟ والدتها ضربتها بالقلم وقالت: اخرررسي. نيرة قامت من مكانها ومسكت السكينة وقالت: أنا هخلصك منه خالص. وفجأة غمضت عيونها وقطعت إيدها. نادين بحزن: صدقني يا أحمد، ده كل اللي حصل. أحمد بهدوء: يعني آخرة ده كله إيه؟ نادين: إن مالك يشيل الموضوع من دماغه، وأنا أشوف حالي بعيد عن مشاكلهم. أحمد: إيه اللي خلاكي تساعده؟ مراتُه؟

نادين بحزن: الست منا محتاجة اللي يساعدها، وإيمان كانت تستاهل كده لأنها طيبة أوي. أحمد بحب: بحبك. نادين اتكسفت وقالت: أنا… أنا همشي بقا عشان اتأخرت، سلام. أحمد ضحك عليها وهي خرجت من المكان. مالك بحزن: ليه عملتي كده؟ إيمان ببرود: عملت إيه؟ مالك: تدخلي المحاكم بينا يا إيمان، عمري ماكنت أتوقع منك كده.

إيمان بصوت عالٍ: وأنا عمري ماكنت أتوقع خيانتك ليا، عمري ماكنت أتوقع إنك تتخلى عني بكل السهولة دي، بس أنا طلبت منك الطلاق باحترام وانت منفذتش، يبقى انت اللي هتندم. مالك قرب منها ومسك إيدها وقال بحزن: مكنتيش كده، إيه خلاكي بالقسوة دي؟ إيمان بسخرية: البركة فيكم. مالك برجاء: اديني فرصة نرجع لبعض ونعيش عشان ابننا، وأنا هكون ليكي لوحدك، صدقيني يا إيمان.

إيمان بسخرية: لأ ياراجل، كتر خيرك والله، بس كنت عايزة أوضحلك حاجة صغيرة كده، أنا مش حامل أصلاً. مالك بصدمة: إيييييه!!!!! إيمان بضحك: صدمتك مش كده؟ ها، لسه مصمم إننا نرجع لبعض؟ مالك سكت لمدة وكأنه بيفكر. إيمان بجمود: سكت ليه؟ بقولك لسه مصمم إننا نرجع لبعض. مالك بتردد: .............