رواية حبك عذاب الفصل الرابع 4 - بقلم هاجر العفيفي

إيمان كانت في أوضتها بتفتكر مقابلتها مع نادين والكلام اللي بينهم. **فلاش باك** نادين بهدوء: أنا متشكرة ليكي جداً إنك قبلتي إنك تقابليني. إيمان بتنهيدة: مفيش شكر، بس ممكن تقوليلي إيه الموضوع؟ نادين: تعرفي إن مرات خالي عايزة تجوزني لمالك وماما موافقة. إيمان بسخرية: إيه ده، أنتِ كمان؟ نادين بعدم فهم: أنا كمان إيه؟ إيمان: أصل لو انتِ وافقتي هتكوني التالتة، وشوية شوية هنبقى أربعة. نادين بصدمة: هو متجوز غيرك؟

إيمان بحزن: أقرب حد ليا. نادين: بصي، أنا عارفة انتِ شايفاني إيه دلوقتي، أكيد جه في بالك إني خطافة رجالة، بس صدقيني أنا مش كده، أنا مغصوبة زيك بالظبط، ومستحيلة أكون سبب في خراب بيت أي حد. إيمان باستغراب: ممكن توضحي أكتر؟

نادين بتنهيدة: أنا بحب شخص معايا في الكلية وهو كمان بيحبني جداً واتقدم ليا، بس ماما رفضته بسبب مالك، وأنا مستحيل أبعد عنه. ودلوقتي أنا جايباكي هنا عشان تساعديني تاخدي حقك منهم، وكمان انتِ تساعديني إن الجوازة دي متتمش وأتجوز أحمد. إيمان: طب إزاي؟ أنا لسه بفكر في حاجة. نادين: عندي ليكي الفكرة. موافقة؟ إيمان بابتسامة: طبعاً. نادين: بصي يا ستي. رجعت إيمان من شرودها وقامت تتوضى عشان تأدي فرضها وتناجي ربها.

أمروه: نادين دماغها ناشفة، بس متخافيش، أنا هغصبها على الجوازة دي. كريمة: أيوه يا ريت، عايزة أقهر البت إيمان دي بدري بدري. مروه: بس هي صحيح مبتخلفش. كريمة بخبث: أقولك على سر؟ مروه: إيه هو؟ كريمة: أنا اللي كنت بحطلها موانع حمل عشان متحملش، ودلوقتي بقا صعب تخلف تاني من كتر الموانع. أنا كنت بحطلها اتنين كل يوم. مروه: يا مصيبتي! ومخفتيش مالك يعرف؟ كريمة: مكنش حد هيعرف، انتي بس اللي عرفتي، وأكيد محدش يعرف أبداً الموضوع ده.

مروه: لأ ياختي متخافيش، محدش هيعرف. كريمة بخبث: حبيبتي. نادين كانت بتسمع كلامهم واتصدمت وقالت: يلهوي! يعني هي اللي عملت في إيمان ده كله؟ أنا مستحيل أسكت أبداً. مالك بغضب: ممكن أعرف الهانم مبتترديش على التليفون ليه طول النهار؟ إيمان ببرود: كنت عايز حاجة. مالك مسك أيدها وقال بعصبية: مالك بقيتي بالبرود ده ليه؟ مكنتيش كده. إيمان زقت أيده وقالت بنفس البرود: وهو انت قدمت ليا إيه حلو عشان أتلحف عليك إني أكلمك؟

حتى مش المفروض هنطلق برضه؟ مالك بغضب: اللي في دماغك ده مش هيحصل أبداً! أنا مستحيل أسيبك يا إيمان، فاهمة؟ إيمان بعصبية: وده انت قررته لوحدك يعني ولا إيه؟ مش فاهمة، انت هتفضل أناني لحد إمتى كده؟ حرام عليك بقا، وبعدين سيبني أربي ابني في أمان بعيد عنكم. مالك بصدمة: ابنك!!!!! إزاي؟ إيمان ببرود وانتصار: إيه ده؟ هو أنا مقولتلكش إني حامل ولا إيه؟ مالك بصدمة أكبر: حامل!!!