رواية حبك عذاب الفصل الثالث 3 - بقلم هاجر العفيفي

يا أمي افهميني. لو إيمان عرفت إني ابقى ضرتها هتبقى مصيبة. إيمان من وراها بصدمة: مش معقول انتي يا نيرة!!!! نيرة بصدمة: إيمان!!!! إيمان بصدمة: انتي اللي هتخربي بيتي ده؟ انتي كنتي مرات أخويا الله يرحمه، وقبل كده صديقة عمري. نيرة بتوتر وحزن: إيمان افهميني أنا... إيمان بصراخ: افهم إيه! انتي بتعملي معايا كده ليه؟ أنا مش زعلانة عشان اتجوزتي بعد أخويا عشان ده حقك، لكن ملقتيش غير جوزي أنا وتاخديه! حرام عليكي! نيرة لسه هترد،

قاطعتها والدتها وقالت: جرى إيه يا أختي مالك داخلة على البت كده ليه؟ جوزك هو اللي جه لحد عندها وطلب يتجوزها، وانتي لو كنتي مالية عينه مش هيبص بره، لكن هنقول إيه؟ مش عارفة تجيبله حتة عيل يفرحه. إيمان ضحكت بسخرية: أنا مش مصدومة من كلامك، ولا مصدومة من اللي حصل، لأن دي مش أول صدمة بالنسبة ليا. هي جت من أقرب الناس ليا. بس والله العظيم هندمكم كلكم. هخليكم تتذلوا. منكم لله كلكم. سابتهم وخرجت وهي بتبكي من كل قلبها.

والدة نيرة بخبث: ولا تعرف تعمل حاجة. اللي هيكسرها أكتر إنك تجيبي حتة الواد وتكسري قلبه. نيرة مردتش على أمها ودخلت أوضتها. مالك بصدمة: عايزاني أطلق إيمان؟ لأ لأ مستحيل. كريمة بغضب: عاجبك فيها إيه مش عارفة يا أخي. طلقها وخلصنا منها بقى. مالك بضيق: إيمان دي الوحيدة اللي بحبها ويستحيل أبعد عنها حتى لو هي اللي طلبت. كريمة بسخرية: أنا قلت البت دي عاملالك سحر وهو واضح واقع عليها أوي. مالك: عايز أفهم بتكرهيها ليه؟

كريمة بتوتر: أنا حرة. هو أنا هحبها بالعافية. مالك بشك: لأ أكيد في حاجة حصلت. كريمة: يوووه هو تحقيق؟ أنا قلت اللي عندي. المرة اللي فاتت يا تتجوز بنت عمتك يا تعتبرني موت. سابته ودخلت. مالك بعصبية: أتصرف إزاي في الورطة دي؟ أنا كده كل حاجة باظت قدامي. أنا يستحيل أبعد عن إيمان. في مكان آخر. مروة: يابنتي بطلي فقر. مرات خالك كلمتني واتفقت معايا على كتب كتابك انتي ومالك.

نادين بتأفف: وأنا مش موافقة. هو أنا لعبة تحركوها زي ما انتوا عايزين؟ مروة بضيق: يابنتي افهميني، أنا عايزة مصلحتك. مالك هيسعدك. نادين بعصبية: وبالنسبة لمراته؟ محدش عامل ليها أي حساب. مروة: لأ يا أختي من الناحية دي متخافيش. مرات خالك قالت إن هو مش سعيد معاها وهيطلقها. نادين بصدمة: انتوا خراب البيت بالنسبة ليكم سهل كده؟ مروة قامت بغضب: كلمتي اللي هتتنفذ يا نادين. انتي فاهمة؟ انتي ومالك هتتجوزوا.

نادين بصتلها بحزن ودخلت أوضتها وفتحت تليفونها وجالها فكرة وقررت تنفذها. إيمان كانت في شقتها وبتفكر إزاي هينتقم منهم كلهم وبتخطط. قاطعها صوت تليفونها وكان رقم غريب. ردت بتردد. إيمان بتردد: سلام عليكم. مين؟ نادين: وعليكم السلام ورحمة الله وبركاته. إيمان معايا. إيمان بقلق: أيوه. انتي مين؟ نادين: أنا نادين بنت عمت مالك. كنت عايزة أقابلك ضروري. إيمان قالت بحزن: ليه؟ نادين: بتمني تقابليني كمان ساعة في ......

عشان مصلحتك. سلام. قفلت معاها. إيمان بتنهيدة: أكيد كسرة قلب جديدة. قامت لبست وخرجت راحت على العنوان.