رواية حبك عذاب الفصل الثاني 2 - بقلم هاجر العفيفي

مالك بتوتر: أنا متجوز من شهرين. إيمان بصدمة: متجوز؟! مالك: آآآه. إيمان وقفت ومسكت دموعها بالعافية وقالت: وأنا آخر من يعلم. مالك وقف وقال بتوتر: إيمان افهميني أنا. إيمان بدموع: أفهم إيه، أنت تعمل فيا كده يامالك مش مصدق. مالك بغضب: متبقيش أنانية بقى، أنا عملت كده عشان من حقي أبقى أب.

إيمان بصوت عالي: وأنا من حقي أبقى أم، أنت اللي أناني مش أنا، لو أنت اللي عندك مشكلة عمري ما كنت أتخلى عنك، حتى لو كل الناس أقنعتني، عارف ليه؟ عشان بحبك. لكن قاطعها مالك بلهفة: بحبك والله العظيم بحبك، أنتِ الأصل. إيمان بسخرية: ليه والتانية التقليد؟ طلقني يامالك. مالك بصدمة: أنتِ مجنونة، ده مش هيحصل. إيمان: بقولك طلقني، أنا مش طايقاك ولا طايقة أعيش معاكم. مالك بغضب: مفيش طلاق يا إيمان، واللي عندك اعمليه.

سابها ومشي، وهي انهارت على الأرض من الصدمة، وبعدين مسحت دموعها بجمود وقالت بوعيد: ماشي يا مالك، أنا هندمك على كسرة قلبي دي، مااااااشي. كريمة: أنا كلمت عمتك النهارده يامالك عشان نتفق على كتب الكتاب. مالك نفخ بعصبية وقال: خلاص يا أمي مش محتاجينها، أنا اتجوزت فعلاً ومن شهرين. كريمة بصدمة: وما تقوليش. مالك قعد على الكرسي وقال بحزن: مقولتش لحد، وحتى إيمان لسه عارفة النهارده. كريمة بجمود: وده مش هيغير حاجة من كلامنا.

مالك بعدم فهم: إزاي؟ كريمة: هتجوز بنت عمتك عادي. مالك: وإيمان ونيرة؟ كريمة بخبث: أنت مش هتقدر على تلاتة يا عين أمك، خليهم اتنين بس. مالك بضيق: أمي ياريت توضحي أكتر. كريمة: يعني هتطلق ست إيمان، وكده كده هي أرض بور ومش نافعة أنا بحاجة، والباقي على ذمتك. مالك بصدمة: لا لا مستحيل أطلق إيمان. نيرة بخوف: لو إيمان عرفت هتحصل مصيبة. أمها: مصيبة ليه يا عين أمك؟

خلاص اللي حصل حصل، أخوها كان متجوزك ومات وراح بالسلامة واتجوزتي جوزها، إيه اللي حصل بقى؟ نيرة بقلق: بس انتي عارفة برضوا إنها صاحبتي. أمها: ومصلحتك أهم، مفيش حاجة اسمها صاحبتي وصاحبتي. نيرة بصوت عالي: يا أمي افهميني، لو إيمان عرفت إن أنا أبقى ضرتها هتبقى مصيبة. إيمان من وراها بصدمة ودموع: مش معقول أنتِ يانيرة. نيرة بصدمة: إيمان!