رواية حبك حطم اسوار قلبي الفصل الخامس 5 - بقلم رودي

وامسك اسد يد ورد ووقعت عيونها في عيونها ونظرت له ورد بصدمه وتحرر منه. ورد: انت جاي تعمل ايه هنا؟ اسد: وانتي مالك مثلا؟ ورد: مالي أن الشركة دي بتاعتي. اسد: بقيتي موظفة زي صاحبة الشركة دي. روحي بعيد يابنت الحلال أحسنلك. ووقفت السكرتيرة مصدومة وخائفة من أي خطأ بينهم أن يصبح مشكلة كبيرة. ورد: سوفالج. اسد: على أساس إني مش بفهم إنجليزي ياحجة. ورد: أول مرة أعرف البقر بيعرفوا يقروا.

وكان الكل مصدوماً من ذاك الحديث. وهنا وصل رفعت محامي منصور. رفعت: أهلاً وسهلاً يا أسد بيه. اتفضل، ازيك يا ورد اليمن يابنتي؟ وهنا نظرت ورد بصدمة لأسد. ورد (في نفسها) : ينهار... نفس الشخص اللي أنقذني واللي شتمته هو شريك بابا والمصيبة.... استرك يارب. رفعت: اتفضل يا أسد بيه، اتفضل يا حج سلامة. ودخلوا وتركوا ورد تقف دون حراك تنظر لأسد بغضب، ذاك الشخص البارد الأعصاب. أما أسد يلعن اللحظة

التي رآها فيها ويسأل حاله: ما تلك الفتاة التي تتحداني والتي تشعرني بشعور غريب في داخلي؟ منصور: نورت اسكندرية يا أسد بيه. سلامة: البلد منورة بناسها. رفعت: قهوة حضرتك إيه؟ وهنا دخلت ورد لتحضر الاجتماع ورمقها أسد بنظرة لم يلاحظها أحد. اسد: قهوة مضبوطة. منصور: تعالي يا ورد. ورد: حاضر يابابا. وهنا كانت صدمة أخرى لأسد، تلك الفتاة الجميلة تكون ابنة منصور. منصور: أسد بيه، أعرفك ببنتي ورد اليمن، بنتي الكبيرة.

اسد: آه ونعمة التربية والأخلاق يا منصور بيه. ورد (في نفسها) : غصب عنك وعن اللي جابوك. أحيه عليك بارد أوف. ورد: تشرفنا يا... أه... أسد بيه. اسد: نتكلم في الشغل ولا إيه؟ ورد: وماله نتكلم حضرتك. اسد: وانتي مالك يابت الناس؟ منصور بيه دا كلام رجالة، أظن يعني ولا إيه؟ منصور: ورد روحي شوفي شغلك وتعالي بعدين، يالا. ورد: بس يابابا دا... رفعت: ورد يابنتي اسمعي الكلام. ورد ناظرة لأسد بغضب شديد. ورد: أمر الله وحده. عن إذنكم.

وغادرت المكان. ووصلت وقتها القهوة وأخذ أسد من قهوته عدة رشفات ووضع الفنجان. اسد: نتكلم في الجد بقي. إحنا سيبنالك فوق 15 فوق الميعاد عشان تسدد ومافيش أي حاجة حصلت ولا إيه؟ سلامة: إحنا أخدنا منكم كلمة ومعانا الورق والعقود وغير وصلات الأمانة والمحامي رفعت بيه خبير دا زين. أحمد (محامي أسد) : والحل دلوقتي للدفع للحبس يا منصور بيه. رفعت: طبعاً دي مش أول مرة تتعاملوا معانا، والمرحوم أبو أسد بيه كمان كان بيتعامل معانا كتير.

اسد: الله يرحمه. المهم عايز تقول إيه؟ رفعت: إحنا عمرنا ما أكلنا عليكم فلوس ولا قولنا مش هندفع، حصل ولا لأ؟ سلامة: حصل، بس المرة دي قصرتوا معانا. رفعت: تعثر مادي بسبب أن البضاعة خسرت النص وأكتر، والعمالة كانت غالية والمخازن وكل ده. والبضاعة الجديدة في السوق فلوسها مش قبل 3 شهور عشان نلم فلوسنا. فإحنا عندنا حل أحسن. احمد: هو إيه دا؟

رفعت: إنا ناخد الوصلات اللي معاكم مقابل عقد بيع وشراء الشركة. ودا يغطي تمن البضاعة والفوائد كلها. إيه رأيكم؟ اسد واقفاً: هنفكر ونقولك ردنا. هيوصلك إنها رده. يالا بينا. منصور: مشربتش قهوتك يا أسد بيه؟ اسد: بعدين يا منصور بيه. وغادرا. وهنا دخلت ورد. ورد: هاه، عملتوا إيه؟ رفعت: ولا حاجة زي ما انتي شايفة. لسا هيقولوا لينا رأيهم كمان يوم. إنهاردة بس أنا مش مستريح.

منصور: ولا أنا، شايف أسد بيه عمال يفكر ويسمع وساكت غير كل مرة. ورد: لا هيوافق إن شاء الله. منصور: يارب يابنتي. ونروح لأسد وقد كان سلامة أنهى مكالمة ورواده له من الصعيد. اسد: خير، في حاجة؟ سلامة: ولا حاجة يا ولدي. اسد: عم سلامة قول في إيه. سلامة: موضوع بنت العتمانية اتجال فيه حديث جديد ميصحش يتجال فيه. اسد: حديث زي إيه؟ سلامة: مالوش لازوم يا ولدي. اسد: حديث إيه ياعمي؟

سلامة: إنك قتلت العروسة لما هربت خوف منك. وخوفت الناس تعرف قتلتها وريّح نفسك عشان محدش يسألك ليه وعشان إيه. اسد: وكنت هخاف منهم مثلاً؟ والحل إيه من وجه نظرك؟ سلامة: الحل تتجوز مرة تانية، ست ستها وتعيش معاك وتخلف كمان وكده الناس هتقول إنها اتخطفت واتقتلت ومحدش عرف ينجدها وعشان سمعة أهلها. اسد: خير، تعمل شر تلاقي. وطبعاً لازم تكون من برا البلد. سلامة: شيله تكون من العفريت الأزرق، المهم يحصل.

اسد: نخليه يحصل ولا تزعل. يا رب دا كريم بشكل. يا كريم يارب. سلامة: دي مصيبة يا ولدي. اسد: مصائب قوم عند قوم فوائد. خلي أحمد ياخد الوصلات النيابة دلوقتي. يالا وأنا هنزل أصلي وأنتم خلصوا حصلوني. سلامة: واه يا ولدي، الراجل شارينا نجوم نبيعه أكديه؟ مش عوايدك دي يا أسد. اسد: يالا يا عمي. أشوف بليل. ونروح للصعيد لجامعة فتون. كامل: اتاخرت ياحبيبتي. فتون: كل دا أنا كنت همشي خلاص. كامل: ...