رواية حبك حطم اسوار قلبي الفصل الخامس عشر 15 - بقلم رودي

الحمد لله على كل حال. بخيتة: معليش يابتي، الله يرحمك يا سعاد. ورد: مين سعاد؟ بخيتة: مرتك أسد بيه، اللي اتجوزها جابلك بعشر أيام، واتقتلت يوم الدخلة، أو جلتها. ورد: إزاي؟ بخيتة: البنية خافت منه وهربت، ولما لقاها يومها جتلها، الله يرحمك يابتي. ورد: الله يرحمها. فهنا أدركت ورد نهايتها، فهي لم تكن حزينة، فالحياة والموت لا تهمها في شيء. ومر اليوم بهدوء، وأخيراً استرجعت فتون وعيها. فتون: آآآه، أنا فين؟

فضيلة: أنتِ بخير يابتي، حمد الله على سلامتك يا غالية. فتون: ماما، أنتِ هنا؟ فضيلة: (وهي تحتضن فتون) جلب أمك يابتي، متزعليش روحك، كل حاجة هتبقى زينة يا جلبي. وهنا دخلت ورد بالطعام لهم، في زئ الخدم، ولأول مرة تشعر بفراق أمها أنه صعب بهذا الدرجة. ورد: اتفضلوا الأكل، عن إذنكم. فتون: ورد، إيه اللي بيحصل؟ فضيلة: ولا حاجة يابتي، وأحسن لك مالكيش صالح بيها، لو عاوزة أخوكي يرضى عليكي تاني، فاهمة؟

وهنا أومأت فتون برأسها، فهي عاجزة عن رفع الأذى عن هذا المسكينة، وظنت ما يحدث لها بسبب كتمانها لذلك السر. فتون (في نفسها) : سامحني يا ورد، كل دا بسبي، سامحني. وورد تنزل الدرج، تقابلت بأسد، ونظرت له بكره، ونزلت بسرعة. أسد: استني عندك. ورد: أوامر يابيه. أسد: حضّر لي العشا بسرعة. ورد: تحت أمرك. وصعد أسد لتبديل ملابسه، وأبلغ أحد الخدم أن يبلغ والدته بالنزول لتناول الطعام بالأسفل.

وقد كانت ورد حضرت لهم الطعام، ودخلت المطبخ مرة أخرى، على الأرض مستندة على الحائط، واضعة رأسها على قدميها، وضامة ذراعها لبعض، وجالسة على الأرض تدعو ربها في صمت. أسد: فتون عاملة إيه؟ فضيلة: بقت زينة، أكلت ونامت. أسد: الحمد لله. وهم أسد بتناول أول لقمة من الطعام. فضيلة: استنى يا ولدي. أسد: إيه؟ فضيلة: مين اللي طبخ النهارده؟ بهية: ست ورد، قصدي ورد. فضيلة: محدش ياكل قبل ما تجي تدوق الأكل الأول، روحي هاتيها.

وأسرعت بهية للمطبخ. بهية: ورد، ورد. ورد: هاه، في إيه؟ بهية: ست فضيلة عايزاكي. ورد: قومني عشان أشوفها عايزة إيه، يالا. بهية: أنتِ زينة يا ست ورد؟ ورد: ورد بس، وأنا زينة، يالا. وذهبوا إليهم. فضيلة: دوقي وكلّي. ورد: تحت أمرك يا هانم، ابدأ بأي نوع بالضبط يعجب حضرتك. وهنا وجدت كفاً من فضيلة. فضيلة: جلتلك قبل كده، اتحدتي زين، ولما تحكي مع أسيادك تتكلمي زين، ووشك في الأرض، فاهمة ولا لأ؟ ورد: إحنا مش عبيد عندك.

وهنا أخذت ورد الكف الثاني. فضيلة: لو مسمعتش الكلام، هتزعلي جوى. وهنا تذوقت ورد كل الطعام. ورد: كله تمام يا هانم، ويا أسد بيه، مفيش في الأكل حاجة. فضيلة: تقدري تمشي. وكان أسد ينظر لها بخيبة أمل وألم، ولكنه بلا قلب لو وجد. ودخلت ورد المطبخ، وجلست كما سبق، وبعد فترة دخلت بهية. بهية: ورد يابتي. ورد: خير يابهيه؟ بهية: الست فضيلة أمرت إنك تخلصي المطبخ لوحدك، ومتعمليش أكل قبل إذنها وأمرها يابتي.

ورد: طيب، قومني عشان أخلص، وشوفي أي حاجة قديمة أفرشها وأنام على الأرض. بهية: سامحني يابتي، فضيلة هانم مانعة كل ده ليكي. ورد: وماله، هنام على الأرض. بهية: خدي الشال ده، وربنا عالم لو أقدر بس غصب عني، وأنا عندي ولاد. ورد: متشكرة أوي، ربنا يخليكي ويكرمك، ووعد مني هعوضك عن كل ده بعدين. وخرجت ورد لإنجاز العمل، وعندما انتهت نامت على الأرض، فكم بالبرد والألم، ولم تتكلم، واستعانت بالشال لتدفئة نفسها. ونروح لفضيلة.

نبيه: ست فضيلة، مش ظلم وقسوة اللي بـَـيـَـحصل في ورد؟ فضيلة: خلي في حالك يانبيه. نبيه: أمرك يا هانم. فضيلة: أسد ولدي فين؟ نبيه: دخل يريح ياهانم. فضيلة: روحي نامي. نبيه: أمرك يا هانم. وخلدت فضيلة للنوم، وهنا نزلت فتون للاطمئنان على ورد، وهي تنزل قابلتها نبيه. نبيه: ست فتون. فتون: هو فيه إيه، ورد فين؟ نبيه: تحت في المطبخ. فتون: تعالي، عايزة أطمئن عليها. ونزلوا، وكانت صدمة فتون رؤية ورد بهذا الحال.

فتون: ورد، حبيبتي، كل دا بسبي؟ ورد؟ وهنا أفاقت ورد على صوت فتون. ورد: فتون، حبيبتي، أنتِ كويسة؟ فتون: أنا كويسة، بس إيه اللي بيحصل لك ده؟ ورد: الحمد لله، المهم أنتِ بخير. فتون: أنا تمام. وهنا دخلت فضيلة. فضيلة: فتون، بتعملي إيه هنا؟ ورد: ورد، فتون هانم كانت عايزة مني أعملها حاجة محدش من الموجودين يعرف يعملها، ياهانم. فضيلة: زين، نبيه، وصّلي فتون لأوضتها، يالا. نبيه: يالا يابتي. وعندما غادروا.

فضيلة: ابعدي عن بتي يا ورد، أحسن تشوفي هتزعلي مني وأنتِ مش خابرة زعلي. ورد: متقلقيش ياهانم، أنا ماليش دعوة بولاد حضرتك، ولو ولدك عايز يطلقني، أنا مش هزعل. فضيلة: هيحصل، بس مش دلوقتي. غادرت فضيلة، وعادت لوضعها القديم تحاول النوم. وفي الصباح الباكر..