رواية حبك حطم اسوار قلبي الفصل الثاني 2 - بقلم رودي

دخل أسد. أسد: مبروك يا عريس الغفلة، ولا لسا؟ فوزي خاف. أسد: بلكم الشربات ولا لسا؟ خرجت سعاد بملابس خفيفة وشعرها مفرود على ظهرها. سعاد: مين يافوزي؟ أسد: سعاد؟ أسد: اطلعوا برا يا شوية بجرة." خرج الرجال، حتى لا يرى أحد منهم عورة سعاد، لأنه مهما حدث امرأة ولا يجوز إظهار عورتها على الرجال. أسد: متجوزين في السر ولا هربانة معاها في الحرا... فوزي: اصل يا أسد بيه...

أسد: طالما أنت مش راجل ومش هتجدر توقف جدام الموج، بتعمل نفسك دكر ليه؟ وانتِ طالما خايفة حد يعرف، وأنتي خبيرة زين، الزاني تمن غلطته الموت." سعد بين الرجال وصوب السلاح على سعاد. سعد: عندك حق يا ولد الناس، وعاري هغسله بإيدي." أطلق عدة رصاصات اخترقت جسد سعاد. وهنا اقتحم رجال أسد المكان. هنا خلع أسد عباءته ووضعها على جسد سعاد. أما فوزي، كان سيلاقي نفس مصير سعاد لولا إمساك الرجال بسعد.

أسد: بص يا ابن الناس، بلدنا هندفنها بمعرفتنا، أنت وأهلك، وما تشوف رجلك تخطي الصعيد إلا بإذني. معاك للفجر، ومالكم، لكم الأرض أنا شاريها، بس مالكمش عيش في أرضنا، برا يالا." سعد: ليه يا كبير؟ سبني أقتلها وأغسل عاري بإيدي." أسد: واللي ماتت دي مش عارك، واللي غلط يدفع تمن غلطته. وكويس أنهم كانوا بيجوا هنا على طول، ولولا كدا كانوا زمانهم هربوا قبل ما رجالتنا يلحقوهم." وهنا هم أحد الرجال بحمل سعاد.

أسد: سيب بت الناس يا شوية بجر." حملها ونزلوا بها وذهبوا للقصر. وأصبح العرس عزاء. *** في الإسكندرية، في إحدى المستشفيات. الدكتور بهجت مدير العمل. بهجت: يادكتورة، أنتِ متأكدة من الاستقالة دي؟ ورد اليمن: أيوة، وأنا حابة أصفي، وآخر الشهر يعني كمان أسبوعين هنكون تقريبا خلصت الحالات اللي معايا." بهجت: أنا مش عارف أقولك إيه، بس أنتِ خسارة لمجالنا، واللي زيك مش بيتكرر كتير." ورد اليمن: معلش، دي رغبتي."

بهجت: على العموم، المكان مكانك، وعندنا نسخة من ملفك، ولو حبيتي في أي وقت ترجعي تنوري الدنيا." ورد اليمن: متشكره يادكتور، عن إذنك." وذهبت ورد لانتهاء من فحوصات بعض الحالات. عامر: بقي كده هتقطعي بينا وتسيبنا يا ورد؟ حنين: أيوة، خلاص بعت العشرة." سلوى: شكل في الموضوع عريس." ورد اليمن: طيب صلي على النبي في قلبك كدا، حضرتك أنا عشت طول عمري برا مصر، وخدت كلية طب وأنا في العشرين، وتيجي تقوليلي عريس؟

عريس مين دا اللي يخليني أسيب شغلي اللي تعبت فيه وسافرت بعيد عن أهلي؟ بس الموضوع شوية ظروف مش أكتر، وممكن أرجع تاني، بس لازم أقف جنب بابا اليومين دول." عامر: وانتِ خريجة طب، مالك بقي بالتجارة والبيع والشراء؟ ورد اليمن: اللي يخليني أدرس طب، يخليني أعرف أستغل في التجارة. مش مهم، المهم هشتغل إيه؟ المهم المخ دا يشتغل على أي حاجة، ولا إيه؟ سلوى: والله هتوحشينا كلنا."

ورد اليمن: لسا قدامي فترة عقبال ما أمشي، عن إذنكم بقي، هروح أخلص كام حاجة." عامر: خدني معاك بالمرة." ورد: أشطا، بس بسرعة عشان أحلق أروح لأختي الكلية." عامر: أشطا." *** وفي الصعيد.