رواية حبك نار الفصل الرابع 4 - بقلم أسماء الكاشف

أبيه عاصم بتكلم مين؟ قولتها بهجوم. ارتبك شوية وبعدين مد التليفون ليه وقال: _خد كلمي مرات عمك يا مروة. حسيت وقتها بالكسوف، لأني شكيت فيه. أخذت التليفون واتكلمت بشوق كبير، دي أول مرة يبعدوا عني الفترة دي كلها. _وحشتيني أوي يا ماما. اتاخرتوا عليا أوي. تعالوا بقى. = معلش يا مروة يا حبيبتي، حقك عليا يا روحي. هانت، كلها فترة صغيرة والإجازة تخلص. وبعدين تعالي هنا يا بكاشة، هو حد يبقى معاه عاصم ويزهق؟

هههه. ده الداتا بتاعتك، يووه قصدي جوزك. قالتها وضحكت بمرح. وأنا كمان شاركتها الضحك، وعاصم بصلي برفعة حاجب وشاكك فينا. مع إنها مرات عمي، بس بعتبرها أمي. أنا مش أمه، وهي دايماً واقفة في صفي. قعدت على الكرسي باسترخاء واتكلمنا في مواضيع كتير، وهو راح يجهز السفرة. _هو بيهتم بيا يا ماما، متقلقيش. وأنا بروح المدرسة والدروس وبذاكر كويس. = حلو، أيوه كده. عايزه طب وأقول بنتي الدكتورة مروة، أشطر دكتورة في مصر.

\* حاض، هشرفك وأرفع راسك. = شطورة حبيبتي. يالا نكمل كلامنا بعدين، سلام يا جميل. \* سلام. قفلت معاها وغمضت عيني واتنفست بقوة. _قطعتوا فروتي. طبعاً اتخضيت وفتحت عيني لقيته واقف قدامي، بس جسمه مايل عليا ومقرب وشه من وشي. رجعت لورا بخضة، وبعدين ضحكت وقولت: \* إحنا إيه. ضحك وسرحت في ضحكته وعينيه الزيتوني اللي دايماً سحراني. _واضح أوي. يالا قومي علشان نتغدى. قالها وعدل جسمه وسبقني على السفرة.

قعدت وبدأت آكل، بس تفكيري لسه متشوش. _شايفك متغيرة بقالك يومين، في حاجة مضايقاكي في المدرسة. بصيت عليه وعايزة أقول "انت مشكلتي"، بس سكت. \* مافيش. قولتها وكملت أكلي بهدوء. بصلي بغيظ. \* وتصرفك اللي حصل مع جودي ده أسميه إيه؟ _جودي مين؟ جودي. قولتها وأنا بمثل الغباء. _اللي كانت واقفة معايا وحضرتك جيتي كسفتيها. حركت عيني بملل وقولت: \* ما قصدتش، أنا كنت بكلمها عادي. ده أنا حتى احترمتها وقولتلها "طنط"، فيها حاجة دي؟

رمى الشوكة بغيظ وقال: _بطلي برودك ده، لازم تحترمي الأكبر منك. \* وأنا عملت كده، احترمت سنها ومهزقتهاش وهي واقفة مع راجل متجوز. قولتها بعصبية وغيره لأول مرة وسيبت الشوكة. \* شبعت، وآه رايحة الدرس، مع السلامة. _استني. ما وقفتش، كفاية وجع القلب وطلعت أوضتي وعيطت. \* الخاين زعلان ومضايق علشان الملزقة دي. سحبت التليفون من الشاحن واخدت شنطة الدرس ونزلت من غير ما أبص عليه. جيت أخرج بس وقفني صوته. _استني يا مروة.

وقفت وبصيت عليه. مد إيده ليه. _خدي مصروفك وفلوس الدرس، ادفعيها النهاردة يوم دفع درس الإنجليزي. \* ماشي، شكراً يا أبيه. سلام. ومشيت على الدرس. وأنا واقفة قدام السنتر، اتهز تليفوني برسالة واتس. فتحتها ولقيت: = الفستان الأحمر هياكل حتة منك يا قمر. أشوفك قريب. اتغظت وما ردتش ودخلت السنتر. ولسه داخلة اتخبطت فيه شخص ووقعت على الأرض. ولسه هبهزقه، فتحت عيني بغيظ.