رواية حبي الابدي الفصل الحادي عشر 11 - بقلم ايمان هاني

زين وهو واقف وراء الأوضة كان هينفجر من الغيظ، نفسه يموتهم كلهم. زين لنفسه: أنا لازم أستنى وأعرف مين اللي أمر بخطف فرح عشان ما يكونش في خطر عليها بعد كده. واحد من الرجالة: المعلم وصل هناك أهو. وقاموا الرجالة له. زين كان بيحاول يشوف مين المعلم ده، لكن كان بعيد عنه والرجالة حوليه، فمعرفش يشوف مين هو. المعلم دخل عند فرح. المعلم: عاملة إيه يا فرح؟ فرح: أنت... المعلم: أيوه أنا صالح الأيوبي، فكراني؟ فرح: أنت خطفتني ليه؟

عايز مني إيه؟ صالح: بصراحة كده، أنتِ ما تهمينيش، لكن عايز أنتقم من أبوكي على اللي عمله معايا. فرح: أنا عايزة أمشي من هنا ومش هقول لبابا إنك أنت اللي خطفتني، وده وعد مني، بس مشيني من هنا. صالح: توتو، ده بمزاجي أنا، وهماشي دلوقتي عشان مش فاضيلك، بس راجعلك تاني. زين: ماشي يا صالح، إن ما وريتك. وطلع سلاحه وضرب بسرعة رجالة صالح. صالح: زين! زين: أيوه زين يا صالح، خطفت فرح ليه؟ صالح: أنت جاي لفرح بقي.

وطلع مسدسه ولسه هيضرب زين. فرح: زييييين! لكن زين ضربه ووقع المسدس من إيده، وفضل زين يضرب فيه. زين: عشان تعرف تقرب منها تاني يا حيوان. فرح: خلاص يا زين، كفاية، هيموت. وبعد زين عن صالح وفك فرح. زين: انتي كويسة؟ فرح: أيوه. واتصل برجالته. زين: تعالوا خدوا الناس اللي هنا. جمال: أمرك يا باشا. (رجالة زين لسه عايشين) واخد فرح وركبوا العربية ومشوا. عند أحمد. عثمان: متقلقيش يا أحمد، إن شاء الله هنلقيها، وكله بيدور.

أحمد: أنا خايف عليها أوي. وقطع كلامه رن موبايل عثمان. عثمان: أيوه يا زين؟ زين: بابا، قول للحج أحمد خلاص فرح معايا. سلام. وقفل زين. عثمان: أحمد، فرح مع زين خلاص، اتطمن. أحمد: إيه؟ بجد؟ الحمد لله يا رب. طب هو فين؟ عثمان: في الطريق، أكيد هيروح الفيلا عندك، تعالى نستناه هناك. أحمد: ماشي، بس هو لاقيها ولا حصل إيه؟ عثمان: مش عارف، لما يوصلوا هنعرف. وراحوا الفيلا. ليلي بعياط: أحمد فين فرح؟ مش معاك ليه؟ ملقتهاش.

أحمد: اهدي يا ليلي، هي جاية دلوقتي، زين لقيها. ليلي: بجد؟ الحمد لله يا رب، الحمد لله. سارة كانت مبسوطة جداً: الحمد لله. سارة لنفسها: زين اللي لقيها، إزاي؟ وفي الوقت دخلت فرح. سارة: فرح! وجريوا كلهم عليه. ليلي: انتي بخير يا حبيبتي؟ فرح: متقلقيش يا ماما، أنا كويسة. أحمد: الحمد لله يا حبيبتي، هو إيه اللي حصل؟ زين: شفت اتنين كانوا بيخطفوا فرح ومشيت وراهم بالعربية. وعرفت إن الأمر بخطفها صالح الأيوبي، وخلّيت رجالتى اخدوهم.

أحمد وليلي: صالح! أحمد: أقسم بالله ما هرحمه. زين: طيب، نستأذن إحنا بقي. ورجع زين ووالده القصر. جميلة: عثمان، طمني، لقيتوا فرح؟ عثمان: أيوه، رجعت خلاص. سالي: كانت فين؟ عثمان: كانت مخطوفة، وزين لقيها. جميلة: زين... زين: أنا هطلع أنام. جميلة: هو إيه اللي حصل يا عثمان؟ وحكلهم عثمان اللي حصل. عند فرح. سارة: عايزة أسمع كل حاجة دلوقتي، من أول ما طلعتي من البيت لحد ما رجعتي. فرح: تعالي أحكيلك.

وقالت فرح كل اللي حصل لسارة من أول ما راحت عند البحيرة. سارة: مش معقول! سمي الحصان على اسمك؟ إيه الجمال ده!