رواية حبي الابدي الفصل الحادي والعشرون 21 - بقلم ايمان هاني

ليلي: قومي يا فرح، زين منتظرك تحت. قامت فرح. فرح: ليه، فيه إيه؟ ليلي: البسي وانزلي، وانتِ تعرفي يا قلبي. نزلت فرح. وكان زين قاعد مع والد فرح وماسك الموبايل. زين: تعالي شوفي النتيجة يا فرح. فرح: هي النتيجة ظهرت؟ زين: أهو، نتيجتك ظهرت، امسكي شوفي. فرح أول ما شافت النتيجة انصدمت. فرح: 91%، الحمد لله يارب. باباها ومامتها بسعادة غامرة: الحمد لله، مبروك يا فروحة. (فرح كانت في أدبي) زين: حابة تدخلي إيه يا فرح؟ فرح: تجارة.

زين: تمام، أنا هظبطلك كل حاجة. فرح بابتسامة: شكراً. زين بص ليها وابتسم. بعد شوية كان زين قاعد مع فرح. زين: كتب كتابنا هيكون يوم عيد ميلادك. فرح: إيه، لا طبعاً، ده عيد ميلادي بعد أسبوعين بس. زين: لا، ده موضوع مفهوش نقاش. فرح: لا بقي، فيه، أنا مستحيل أوافق بكده. وبعد أسبوعين. كانت فرح بتجهز في الأوضة، ولابسة فستان أبيض جميل وبسيط جداً، ومن ذوق زين طبعاً. ومعاها سالي وسارة. سارة: انتِ جميلة أوي يا فرح.

سارة حضنتها: خلاص هتتجوزي يا هبلة. فرح: ده كتب كتاب، لسه الفرح بعد سنتين. سالي: وأنا كمان عايزة حضن بق. فرح: تعالي يا قلبي. دخلت ليلي. ليلي: ما شاء الله يا قلبي، زي القمر. فرح وهي بتحضنها: حبيبتي يا ماما. ليلي: يلا انزلوا، زين والماذون وصلوا. ونزلت فرح وطلعت مع بابها الجنينة، لأن الاحتفال فيها. زين كان قاعد على الترابيزة وهو فرحان، عمره ما حس إن الدنيا حلوة وجميلة بالشكل ده غير لما شاف فرح، حس إن حياته ليها معنى.

(كانت الجنينة متزينة وعملوا احتفال كبير جداً لأن الفرح معاده بعيد جداً، كانت بلالين كتير، بالونات بيض وورد) جميلة: شوف يا عثمان، كنت قايلالك إن ابنك بيحب، طلع كلامي صح، وكمان طلعت فرح البنت السكرة دي تربية إيه وأخلاق إيه، والله عرف يختار. عثمان: ابنك وقع خلاص، أخيراً هيتجوز ويشوف حياته بقي. جميلة: أهو الحمد لله، جت الوقعة. وبدأ كتب الكتاب، وكان قاسم وسامر هما اللي شاهدين عليه. وبعد ما خلصوا.

زين وهو بيقلد فرح: لا بقي، أنا مستحيل أوافق بكده. فرح بعيد: خلاص بقي، متبقاش بارد. زين: بقي كده بس، قوليلي إيه القمر ده. فرح ابتسمت وسكتت. وكان الاحتفال جميل جداً. وكانوا كلهم يحتفلوا وهما في قمة انبساطهم، ولكن فجأة حصل شيء غير متوقع بالمرة. النور اللي في المكان انطفئ.