رواية حبي الابدي الفصل السابع 7 - بقلم ايمان هاني

ساميه: طب نسيبهم لوحدهم شويه؟ ليلي: آه طبعًا. اتفضلي معايا. وطلعوا كلهم بره. ساره كانت مكسوفه جدًا. قاسم: إزيك يا ساره، عامله إيه؟ ساره: الحمد لله بخير يا دكتور. قاسم: دكتور إيه؟ إحنا مش في الجامعه. أنا دلوقتي خطيبك. ساره: بس بابا لسه موافق. قاسم: هيوافق. ساره: وحضرتك جايب الثقه دي منين؟ وفي الوقت ده دخلوا كلهم. قاسم: نستأذن إحنا بقى يا حج أحمد. أحمد: خليكم شويه يا ابني. قاسم: لا، هنمشي. وهستنى ردك بإذن الله.

ومشوا. وفرح وساره طلعوا فوق. فرح: شوفتي بقى، قولتلك. أكيد جاي يطلب إيدك. ساره: فعلًا. أنا حاسه إني مبسوطه أوي. فرح: شكله كان مستني كل ده يحصل علشان يتحرك ولا إيه؟ ساره: شكله كده. بس أنا مش عارفه أوافق ولا أرفض. فرح: صلي استخاره وبعدين خدي قرارك. ليلي: إيه رأيك في قاسم يا أحمد؟ هتوافق؟ أحمد: مش عارف والله يا ليلي. بس باين عليه شاب محترم. بس نصلي صلاه استخاره الأول. ليلي: إن شاء الله خير. أحمد: إن شاء الله. بعد يومين.

أحمد: أنتي موافقه يا ساره على قاسم؟ ساره: اللي حضرتك شايفه صح، اعملوه يا بابا. أحمد: هو شاب كويس ومحترم. بس هستنى منك رد صريح بليل. ساره: حاضر. كانت فرح وساره في الأوضه. فرح: أنتي هتوافقي على قاسم؟ ساره: مش عارفه. بس أنا صليت استخاره، مطمنه. فرح: خلاص، قولي لبابا إنك موافقه. ساره: خلاص، هقول. فرح: خلاص هتمشي وتسبيني يا هبله؟ ساره: هبله في عينك. وبعدين دي لسه خطوبه. بليل، اتصل بقاسم يبلغه بالموافقة.

أحمد: الو. عامل إيه يا قاسم؟ قاسم: الحمد لله بخير يا عمي. أحمد: أنا كنت ببلغك إننا موافقين. قاسم بفرحه: بجد؟ طب هنيجي بكره نقرا الفاتحه ونحدد معاد الخطوبه. أحمد: بسرعه كده. قاسم: خير البر عاجله. أحمد: خلاص، تنورنا يا بني. قاسم قفل مع أحمد. قاسم: مش مصدق! أخيرًا. ده أنا كنت على أعصابي اليومين دول. الحمد لله يا رب. في بيت فرح. أحمد: بكره هيجي نحدد يوم الخطوبه. ساره: بسرعه كده. فرح: أيوه، ليه السرعه دي؟

ليلي: فين السرعه دي؟ ده الخطوبه بس. هو إحنا قولنا الفرح؟ بليل. قاسم: إيه رأيكم الخطوبه تبقى يوم الخميس ده؟ أحمد: لا، مش هينفع. ليلي: بعد أسبوعين. ده هيكون أنسب معاد للخطوبه. وبعد يومين نشتري الشبكه. قاسم: تمام. بدأوا في التجهيزات. وبعد يومين راحوا يشتروا الشبكه. ساره كانت محتاره ومش عارفه تختار إيه. وقاسم اختار خاتم. قاسم: إيه رأيك في الخاتم ده؟ ساره انبهرت من جمال الخاتم: ده جميل جدًا. خلاص، أنا هاخد ده.

فرح: واو، شكله روعه. وكان فاضل يومين على الخطوبه. ليلي: بصي يا فرح، إحنا كده عزمنا كل معارفنا. فرح: لا يا ماما، نسيتي تعزمي عيلة عم عثمان الجبالي. ليلي: كويس إنك فكرتيني. هاتي الموبايل، أتصل بجميله. ساره: عيلة عم عثمان جايه الخطوبه يعني أكيد زين جاي؟ فرح بضيق: لا، أكيد مشي. وكان ده لسه مسافر قريب. أكيد مش هيسيب الشغل ويجي.