رواية حبي الابدي الفصل السادس 6 - بقلم ايمان هاني

زين: أنا عندي فضول أعرف مين البنت اللي أنقذت حياتي. الوقت الحالي. ساره بصدمة: أنا مش قادرة أصدق كل ده، زين الجبالي، وليه مقولتيش قبل كده؟ فرح: عادي، مكنتش عايزة أقول، بس كنت بشوفه. صدفة لما بينزل إجازة كل شهر، كان بيروح البحيرة والإسطبل بتاعه اللي هناك. ساره: طب هو يعرفك ولا لأ؟ فرح: لأ، بس الأيام اللي فاتت اتكلم معايا مرتين، وحكيت له على يوم الخطوبة والبحيرة. ساره: بعد كده لازم تحكيلي كل حاجة. فرح: ماشي.

فرح: ساره انزلي. ساره: ماما بتنادي، تعالي ننزل. فرح: يلا يا أختي. فرح: كنت عايزة إيه يا ماما؟ ليلي: مش أنا، ده أحمد عايزنا كلنا في حاجة مهمة. وكانوا كلهم في الصالون. فرح: إيه هو الموضوع اللي عايزنا فيه يا بابا؟ أحمد: في عريس متقدم لساره. فرح بصت لساره وابتسمت. ليلي: عريس مين العريس ده؟ أحمد: دكتور قاسم بيدرس لساره في الجامعة. ليلي: وانت قولته إيه؟ أحمد: اديته معاد ييجوا بكرة الساعة ٧. ليلي: خلاص ساره بقت عروسة.

أحمد: وعروسة زي القمر كمان. ساره بابتسامة: حبيبي يا بابا. فرح بحماس: هنروح أنا وساره بكرة نجيب لبس. أحمد: ماشي، ما تصدقي انتي فرصة تجيبي لبس. فرح بضحك: طبعاً. في بيت زين. جميلة: مش ناوي بقى يا زين؟ زين: ناوي على إيه يا ماما؟ جميلة: تفرحنا بيك وتتجوز. زين: إن شاء الله يا ماما. جميلة: كل مرة نفس الجملة ومش باخد منك فايدة. تاني يوم في القاهرة. كان زين في المكتب، بس مش عارف يركز في الشغل، باله كان مشغول بفرح.

زين: ده أنا شفتك مرتين مفيش غيرهم وعملتي فيا كده، ده أنا مش عارف أركز خالص بسببك. وبعد تلات ساعات. واحد دخل المكتب: ها يا عم، عملت إيه في الشغل؟ زين: خلص كله، قول عايز إيه يا سامر واخلص. سامر: إيه رأيك نكلم الحج ونخلي فرحي أنا وسالي بعد شهر؟ زين: ليه، انسى، أنا مش موافق. سامر: ليه يا عم، متبقاش متقفلش فيها بقى. زين: بعدين نشوف الموضوع ده.

(سامر: ٢٧ سنة، بشرته بيضاء وعيونه رمادي وشعره أسود، رياضي، صديق زين من أيام الجامعة وشريكه في الشغل وخطيب سالي أخت زين) في بيت فرح. ليلي: يلا يا فرح اعملي الكيك، وانتي يا ساره روحي اجهزي، وانتي يا سعاد نصفي الصالون وأنا هعمل العصير. (سعاد دي واحدة بتساعدهم في شغل البيت) بعد ساعتين. ساره: إيه رأيك يا فرح حلو؟ (كانت لابسة دريس أزرق جميل) فرح: قمر يا ناس، إيه الحلوة دي. ساره: طب جهزي يلا علشان هتطلعي معايا.

وصل قاسم ومامته واستقبلهم أحمد وليلي. أحمد: أهلاً بيكم، اتفضلوا. في الصالون. أحمد: أهلاً وسهلا، نورتنا. والدة قاسم: ده نوركم يا حج أحمد. ليلي: أنا هروح أناديها. ليلي: يلا يا ساره. ساره: حاضر يا ماما، جاية. ومشت ليلي. ساره: أنا متوترة أوي يا فرح. فرح: متقلقيش، وأنا كمان، ندخل معاكي. ودخلت ساره وفرح بالكيك والعصير. والدة قاسم: ما شاء الله، قمرات. ليلي: ده من ذوقك. والدة قاسم (سامية) : أكيد دي العروسة.

قاسم: أيوه يا أمي، اسمها ساره. سامية: ما شاء الله عليها قمر. سامية: طب نسيبهم لوحدهم شوية. ليلي: أه طبعاً، اتفضلي معايا.