رواية حبي الاول الفصل السادس 6 - بقلم ميرفت سعيد

حبيبة: خليك انت اعمل القهوه أنا هفتح الباب. حبيبة راحت تفتح. ليلي بصدمه: حبيبة؟ حبيبة: احم، ازيك يا ليلي؟ ليلي بصدمه: انتي بتعملي ايه هنا؟ تميم من جوه: مين يا حبيبة؟ ليلي مصدومة ومش عارفة حبيبة بتعمل ايه هنا. حبيبة: أنا جيت اطمن على طنط سعاد، أنا وماما. ماما جوه. تميم جه يشوف مين: ليلي تعالي ادخلي. ليلي: لا أنا جيت اطمن على طنط، هي كويسة. تميم: أيوه كويسة، تعالي ادخلي. ليلي: لا معلش، وقت تاني. عن إذنكم.

ليلي مشت وتميم مستغرب ليه ليلي زعلت. ليلي نزلت بيتهم ولقت مامتها مستنياها. أم ليلي: ها، عاملة ايه؟ ليلي: تميم بيقول كويسة. أم ليلي: غريبة، نزلتي على طول ليه؟ ليلي: عندهم ضيوف فوق. أم ليلي: اااه. ليلي: ما بقولك إيه، فاكرة الموضوع اللي قولتيلي عليه أنتي وخالد؟ أم ليلي: ااه فاكرة، ماله؟ ليلي بأصرار وحزن: أنا موافقة. أم ليلي بفرحه: طب الحمد لله، ربنا يكملك بعقلك يا قلبي.

حبيبة وأمها قعدوا شوية مع أم تميم وتميم نزل وبعد كده روحوا. أم حبيبة: بت يا حبيبة. حبيبة: نعم يا ماما. أم حبيبة: اتكلمتي مع تميم؟ حبيبة: أيوه يا ماما اتكلمت. أم حبيبة: ها، اتكلمتوا، قلته إيه؟ حبيبة: مقولتش حاجة. أم حبيبة بعصبية: نعم يا اختي، يعني إيه متكلمتوش؟ حبيبة بغضب وحزن: مقولتش حاجة يا ماما، بس اللي أحب أقوله لك إنو مش موافق على اللي أمه عملته ولا بيحبني. ارتحتي. قالت كده ودخلت الأوضة تعيط.

تميم نزل راح الشغل بتاعه وبيحاول يكلم ليلي ولكن مش بترد. فضل قاعد هو ونادر صاحبه. نادر بضيق وهو بيمسك الفون: اوووف. تميم: في إيه؟ نادر: ورد يابني كانت قايلة لي هنروح مشوار النهارده وأنا نسيت خالص وبترن عليا دلوقتي. تميم: طب ما تقوم دلوقتي تروح لها. نادر بضيق: اوف بقى، هو أنا فاضي لها. هرن عليها أعتذر وخلاص. اهي بترن خالص. تميم: والله البنت خسارة فيك. نادر نظر له بسخرية. نادر: الو يا ورد. ورد: شكلك نسيتني.

نادر بضيق: معلش، غصب عني، كان عندي شغل كتير. ورد بحزن: كان الله في عونك. خلاص تمام. نادر: مش هتروحي ولا إيه؟ ورد: لا، أنا روحت أصلاً. نادر بغضب: نعععم، روحت إزاي؟ ورد: مانا لما لقيت ردت مشيت. نادر: لوحدك؟؟؟ ورد: لا، مانتا عارف إن ماما مكنتش هترضي أروح لوحدي. نادر: أيوه، يعني روحت مع مين؟ ورد: روحت مع معاذ ابن عمتي، كان عندنا وهو اللي قال لماما يوصلني. نادر بغضب وغيرة: نعععم يا اختي، بتقولي مين؟؟ ورد بخوف: مـ معاذ.

نادر بغضب: وإنتي مرنتيش عليا ليه؟ ورد بخوف: رنيت والله، أنت مردتش. تميم اللي كان قاعد متابع الحوار: أهدي يا عم مش كده. نادر بغضب: إنتي هتخلصي امتى؟ ورد: كمان ساعة. نادر: طيب أول ما تخلصي رني عليا اجي اخدك. ورد: بس معاذ. نادر بغضب وغيرة: وورد أنا قولت إيه، قولت هاجي اخدك. ورد بخوف: حاضر. نادر قفل وفضل متعصب وتميم بيشوفه وبيكتم ضحكته على شكله. نادر بعصبية: متضحكش.

تميم أول ما نادر قال كده ضحك جامد ومقدرش يكتم ضحكته ونادر فصل باصص له بغضب وبعد كده ضحك معاه. عند ورد فضلت واقفة مصدومة. وقالت: إيه ده، هو متعصب ليه؟ يكون... يكون بيغير؟ ثم قالت بفرحه: الله الله. وضحكت بسعادة. صبرك عليا يا نادر. أم حبيبة بتكلم سعاد وبتقول لها إن تميم مش عايز حبيبة وبتلومها على إنها جت تقدمت لحبيبة بدون موافقة تميم.

سعاد بغضب من تميم: معلش يا أم حبيبة، هو لما قال لي إنه عايز يتجوز جت في بالي على طول حبيبة. إنتي عارفة إن بحبها ونفسي تكون مرات ابني بجد. أم حبيبة: عارفة، بس برضه كان المفروض تتأكدي منه الأول. سعاد: حصل خير بقى، متزعليش وقولي لحبيبة متزعلش، وإن شاء الله يكونوا من نصيب بعض. ثم قالت في نفسها: ما أنا مش هسيبه لبنت عبير ده، يبقى على جثتي. بعد ساعة ورد رنت على نادر وجه فعلاً وخدها. ورد: احم، مالك يا نادر؟ نادر بحده: مليش.

ورد: طيب. وسكتت. تفوتها رن وكان معاذ. لقت أنها فرصة ترد عليه وتغيظ نادر. ورد برقة: أيوه يا معاذ. نظر لها نادر بغضب وغيرة. ورد متابعة نظراته، بس كملت برقة: أنا آسفة يا معاذ، متزعلش مني. نادر ابن خالتي كان معدي وشافني وقال يوصلني، معلش. نادر كان ثانية كمان وكان هيولع فيهم. ورد: تمام، ماشي، سلام. نادر: ما شاء الله، إيه الرقة دي. ورد: قصدك إيه مثلاً، إني مش رقيقة؟ نادر بغضب: لا، رقيقة جدااا. وبعدين بتكدبي ليه؟

وإيه عدى عليا وطلب يوصلني؟ هو مش إنتي اللي اتصلتي عليا؟ ورد: اتصلت عشان أقولك إني مشيت، بس أنا إنت اللي طلبت توصلني. نادر: ومقولتيش كده ليه؟ ورد بتلقائية: يزعل مني. نادر بغضب وقف العربية. قال بغيرة: نعععم يا اختي، ما يزعل ولا يتفلق، إنتي هتستهبلي؟ ورد بخوف: فيه إيه يا نادر؟ أنا أول مرة أشوفك كده. نادر: متعصبنيش، أنا بقولك أهو. ورد: أنا عصبتك في إيه؟

نادر: ورد، خلي يومك يعدي، أنا بقول أهو، ياريت تفضلي ساكتة طول الطريق. أحسن. ورد: سكتت أهو. تميم رن على ليلي ورعد مكالمات كتير. ردت. ليلي: أيوه يا تميم. تميم بغضب: مش بتردي ليه؟ ليلي: معلش، مسمعتش الفون. تميم: تمام، إنتي زعلتي ليه؟ ليلي: أنا مزعلتش، زعلت فين ده؟ تميم: ليلي، قولي في إيه. ليلي: تميم، أنا عايزة أقولك على حاجة. تميم: قولي. ليلي بتوتر: احم، أنا... تميم اتنفض من مكانه وقال بغضب: نعم يا اختي.