رواية حبي الاول الفصل الثامن عشر 18 - بقلم نيرة عبد الله

مراد: مستحيل عمر يعمل كدا، ازاي؟ احمد: بعد اللي سمعته هتبقي برضو مصمم تجوزه اختك؟ مراد: انت عاوز ايه بقي؟ احمد: مفيش، عاوز شيماء. أنا بحبها وأنا اللي استاهلها. مراد أخذ حاجته ومشي بصدمة من اللي سمعه، وركب عربية وطلع على البيت. أما أحمد فأخذ حاجته وراح الجامعة، وقابل بسمة هناك. احمد: بسمة، متعرفيش فين شيماء؟ بسمة: في المكتبة. احمد: اوكي. وراح ليها. شيماء قاعدة بتقرا كتاب. احمد من وراها: قمري بيعمل إيه؟

شيماء اتخضت: حرام عليك يا أحمد، حد يخض حد كدا. احمد بضحك: آسف يا عمري. شيماء: أحمد، بطل كلامك ده بقي، عيب. احمد: عيب إيه، واحد وحبيبته. شيماء: والله أنا مخطوبة. احمد بعصبية: بلا مخطوبة بلا زفت، بقي. وقعد جنبها. شيماء كتمت ضحكتها. احمد: اضحكي يا أختي. شيماء ضحكت، واحمد بص لها وضحك معاها. احمد بعشق: بحب ضحكتك أوي. شيماء بصت له بكسوف. احمد: قول لي، انتي تعرفي إيه عن عمر؟

شيماء: أعرف إنه صاحب مراد ودكتوري في الجامعة، وبيدرس في أمريكا، وباباه متوفي، وعنده أخت متجوزة وعايشة في دبي. احمد: بس كدا؟ شيماء: آه. احمد هز راسه وقال: تمام. شيماء: في حاجة؟ احمد: ابدا يا روحي، يلا بقي نروح. شيماء: هروح مع البنات. احمد: طيب يا روحي، خلي بالك من نفسك. شيماء: وانت كمان. ومشيت. واحمد كلم المجهول. المجهول: ٠٠٠٠٠٠٠ احمد: تمام، أفضل وراه زي ما قولتك. وقفل. وقال: كذبك قرب يتكشف يا عمر. وراح ركب ومشي.

مراد رن على نور. مراد: عاملة إيه يا روحي؟ نور: الحمد لله يا حبيبي، انت عامل إيه؟ مراد: بخير طول ما انتي بخير، في حاجة عاوز أقولها لك. نور: قول. مراد: حكى لها اللي حصل. نور: إيه ده بجد؟ أنا مش مصدقة إن دكتور عمر يعمل كدا ويكون كدا أصلا. مراد: أنا اللي مصدوم أكتر. نور: وهتعمل إيه؟ مراد: مش عارف والله، أنا تعبت. نور: أنا معاك يا حبيبي. مراد: ربنا يخليكي ليا. نور: ويخليك ليا. مراد: يلا هقفل بقي وأنام. نور: وأنا كمان.

مراد: خلي بالك من نفسك. نور: وانت كمان. عند منى، رنت على أحمد كتير، مردش. منى: طيب يا أحمد، ماشي. عند شيماء، روحت ودخلت غيرت ولبست بيجامة حرير بنك وسابت شعرها الذهبي الطويل وحطت برفيوم وملمع، وقعدت ترسم. لقت نفسها بترسم أحمد وابتسمت بحب وقالت: وبعدين يا أحمد، إيه حكايتك؟ ولقت أحمد بيرن. شيماء ضحكت وردت: الو. احمد: بتضحكي ليه؟ شيماء: لا ابدا، كنت برسم وجه شخص في بالي ورسمته. احمد بحب: بتفكري فيه، مش كدا؟

شيماء: ومين قال إنه انت؟ احمد: واثق إنه أنا يا روحي، لكن عشان مش بتحبي غيري. شيماء: طب عاوز إيه؟ احمد: بطمن عليكي. شيماء: أنا كويسة، وانت؟ احمد: بخير طول ما انتي بخير يا عمري. شيماء: دايما يارب. احمد: بقولك، تعال بكرة نروح المول. شيماء: هشاور البنات وأقولك. احمد: بقولك أنا وانتي. شيماء: توتو، عيب. وقفلته. احمد بضحك: ماشي يا مجنونة. عند عمر، كان راكب العربية ووصل عند عمارة كبيرة في مكان راقية جدا، وطلع الدور التلات.

ودخل الشقة. ومرة واحدة ولد نادى عليه عنده سنتين: بابي. عمر شاله: قلبي بابي وعيوني بابي، وحشتني. واحدة من وراها: وحشتني يا بيبي. عمر لف وقال ٠٠٠٠٠٠٠