رواية حبي الوحيد الفصل الثالث 3 - بقلم جنى

مراد فاق ورايح باتجاه ندي. علي: نددددددددي. ليل: خلي بااااااااالك. لكن كانت ندي أسرع منه وجرت من تحت إيده، والعصاية جت في الهوا. ليل: مرااااد، انت خلاص اتعديت حدودك. مراد بعصبية: انتوا اللي اتعديتوا حدودكوا، أنا مش مجنون يا ليل، انتوا ليه بتعملوا معايا كدا. ثريا بعياط: ومين قالك يا مراد إنك مجنون، إحنا كل اللي عايزينه إنك تتعالج. مراد: أتعالج...

أتعالج من إيه، أه قولوا بقا إنكم مش عايزيني وإنكم عايزين تخلصوا مني وترموني في أي مستشفى. ليل: مين قال كدا، إحنا أصلًا مش هنسيبك في المستشفى، إحنا هنجيبك هنا جلسات عشان تتعالج بس. وفجأة قرب منه وحضنه جامد، ودي كانت أول مرة ليل يحضن مراد بشدة كدا. وليل كان بيحاول يمسك دموعه، لكن نزلت منه دمعة غصبًا عنه. ليل: أنا مقدرش أعيش من غيرك يا مراد، انت أخويا الوحيد، مفكر من كل عقلك إني ممكن أعمل فيك كدا.

مراد بدموع: لو فعلًا متقدرش تعيش من غيري، متسبنيش لحظة. ليل: أنا والله مش هسيبك، بس هسيبك وقت الجلسة بس. ثريا: يا مراد، إحنا بنحبك أوي، وعشان بنحبك عايزين نشوفك مبسوط، عشان خاطري يابني ادينا فرصة إننا نعالجك. كل ده وعلي وندي واقفين متأثرين بيهم. وندي كان فيها شعور جواها إنها تكمل في علاجه وإنه هيتعالج. ليل: مراد، اوعدني إنك تكمل علاج وتلتزم بالأدوية. مراد بيحاول إنه يسمع كلامهم وميزعلهمش: حاضر.

ثريا راحت حضنت مراد بقوة: مراد ابنييي. ليل: أنا الصراحة مش عارف أقول إيه، بس كل اللي أقدر أقوله إني آسف جدًا على اللي عمله مراد. ندي بسرعة: لا لا ولا يهمك، أي مريض لما بتجيله نوبة بيعمل كدا. علي كان بيبص لندي باستغراب، إزاي إنها تبقي بالكمية دي من الثبات الانفعالي ده، وكمان مكملة في معالجة الحالة. ندي: مستنية أستاذ مراد الجلسة التانية. ليل بإستغراب: إيه ده، انتي موافقة إنك تكملي الحالة. ندي: آه موافقة.

ثريا: بجد بجد هتكملي الحالة عادي. ندي: آه عادي، معظم الحالات بتبقي بدايتها كدا. مراد: يعني انتي موافقة إنك تكملي في الحالة عادي. ندي بضحك: أيوة يا جماعة موافقة إني أكمل في الحالة عادي، انتوا مستغربين ليه. وبصت في ساعتها وقالت: خلاص جلستك انتهت، أشوفك الجلسة التانية. ودخلت مكتبها، وليل وثريا شكروا علي ومشوا. علي دخل مكتب ندي: ندي، انتي إزاي توافقي إنك تكملي في الحالة دي بكل السهولة دي.

ندي: يا بابا، إحنا بنعالج مرضى نفسية مش مرضى عادية في كامل قواهم العقلية، وأكيد كل دكتور نفسي اتعرض لحاجة زي كدا. علي: هو جاتله نوبة وعمل معاكي كدا، افرضي جاتله نوبة تانية، أكيد هيعمل اللي عمله المرة دي، ربنا ستر، لكن المرة الجاية حقيقي مش عارف إيه اللي هيحصل. ندي: بس أنا مش هرجع في قراري يا بابا، وقراري الأخير هو إني أعالجه. علي بيأس لأنه عارف عناد ندي: اللي انتي عايزاه يا ندي، خليكي فاكرة كلامي. ندي: ماشي يا بابا.

*** "في الشركة" سليم للسكرتارية: الووو رقية، ابعتيلي مازن. رقية بإحترام: تحت أمرك يا مستر سليم. وبالفعل مازن راح لسليم وخبط الباب، وسليم أذن له بالدخول. مازن بإحترام: ازيك يا مستر سليم. سليم: إيه كل الورق ده يا مازن. مازن بضحك: ده ورق حسابات الشركة، وكل الورق اللي محتاج توقيع حضرتك. سليم بضحك: كل الورق ده عشان غبت يوم. مازن: تخيل. *** طبعًا سليم بعت عربية لجامعة فريدة وروحوها الفيلا. *** "في فيلا الجرحي"

مراد دخل الفيلا وطلع لغرفته على طول. ثريا: كويس إن الدكتورة وافقت إنها تكمل في علاجه. ليل: الحمدلله. ثريا: أنا طالعة لفريدة. ليل: وأنا كمان هطلع أوضتي آخد شاور وأغير هدومي. ثريا: ماشي. ثريا طلعت لأوضة فريدة وخبطت على الباب، وفريدة أذنت لها بالدخول. ثريا: عاملة إيه يا فريدة، عملتي إيه النهاردة في الجامعة. فريدة: الحمدلله، المحاضرات كانت حلوة. ثريا: ماشي يا حبيبتي، أهم حاجة ركزي في مذاكرتك عشان الامتحانات قربت.

فريدة: ماشي يا ماما. أه صحيح، وريني جبتي إيه من المول. ثريا: إحنا أصلًا مرحناش المول، رحنا مستشفى نفسية لمراد. وقالت لها كل حاجة حصلت. فريدة بزعل: بقا كدا يحصل كل ده وأنا آخر من يعلم. ثريا: آخر من تعلمي إيه، إذا كان أبوكي ذات نفسه ما يعرفش. فريدة: أنا قصدي إنكم مقلتوليش امبارح، مع إن كنت قاعدة معاكم على العشا، واشمعنى ليل يعرف وأنا لأ. ثريا: لأنك يا فريدة مبيتبلش في بقك فولو، وكل حاجة بتقوليها ومش بتحفظي سر.

فريدة: الصراحة أنا فعلًا مش بحفظ سر. ثريا: طيب سيبك من الكلام ده، ويلا ننزل نقعد في حديقة الفيلا نغير جو بدل قعدتك كدا في الأوضة. فريدة: ماشي، يلا. ونزلوا وراحوا قعدوا في حديقة الفيلا. وليل راح أوضة مراد وخبط على الباب، واذن له بالدخول. مراد بتلقائية: إحنا هنروح الجلسة التانية امتي. ليل بصدمة: انت اللي بتسأل. مراد: الصراحة، لما عقلت الكلام في دماغي، وافقت. ليل بفرحة: اللي انت عايزه، لو عايز نروح من بكرة ماشي.

مراد بوجع وهو ماسك راسه وكل تعبيرات وشه اتغيرت: أه أه أه، راسي. ليل: مراد، مراد مالك، في إيه. مراد: راسي، راسي بتوجعني. ليل: اخدت الدوا بتاعك طيب. ليل بوجع أكتر: لا، مخدتهوش. (لأنه كان معاند إنه مش هيروح المستشفى) ليل: قلنا كذا مرة خد دواك، مش بتسمع الكلام ليه. مراد بوجع أكتر وأكتر: مش وقت عتاب دلوقتي. ليل عطاله الإبرة المهدئة بتاعته، بياخدها وقت النوبات. مراد: أه أه. وليل سنده لحد السرير، ومراد نام.

ليل في سره: ليه كدا يا مراد، ليه بتعمل فينا كدا. وطلع من أوضة مراد ونزل، ومرضاش يقول لثريا وفريدة اللي حصل عشان ميزعلوش. (كفاية عليهم كدا) *** "في المستشفى" ندي: بابا، حضرتك خلصت شغل. علي: آه يا حبيبتي، يلا نروح. ندي: طيب، يلا نروح مع بعض. علي للسكرتارية: نارين، أي حاجة تحصل في المستشفى، عارفين. نارين: حاضر يا دكتور علي. علي: يلا يا ندي. ندي وهي في العربية: بابا، عايزة أعدي على محل الحلويات بتاع ماما.

علي: ونجيب هدية ليها بالمرة. ندي: اممممممم، انت عارف أنا رايحة ليه بقا. علي: أنا مستحيل أنسى عيد ميلاد نادية. ندي بضحك: اووووووووه، علي الرومانسية. علي بضحك: بس يا ندي بقا، متكسفنيش. ندي بضحكة واسعة: علي بيك، لا تخجلني. علي: ده المود عندك عالي. ندي: عالي أويي. وصلوا على المحل وجابوا الحلويات اللي ماما ندي بتحبها، وجابوا تورتة، وكل واحد جاب لها هدية متغلفة، والاتنين مش عارفين كل واحد جايب إيه.

وطلعوا من المحل وركبوا العربية. علي: جبتي إيه هدية لمامتك. ندي: نو نو، مستحيل أقول الهدية. علي: مش مهم، هتعرف بكرا. ندي: بابا، أنا هطلب من حضرتك طلب، ياريت متقولش لماما على عيد الميلاد ده، إحنا نعملها مفاجأة بكرا. علي: أنا أصلًا مكنتش هقولها على المفاجأة. *** "في فيلا الجرحي" سليم وصل للفيلا. سليم: مساء الخير. الجميع: مساء النور. ثريا: بقالك يومين بتيجوا متأخر من الشركة.

سليم: معلش يا ثريا، الشغل كان كتير في الشركة، وكمان عندنا صفقة جديدة، عشان كدا بنشتغل جامد على الصفقة دي. ليل: بكرا يا بابا نروح الشركة مع بعض وهنخلص الشغل بدري. سليم: إن شاء الله. أومال فين مراد وفريدة. ليل بتوتر: مراد في غرفته، وفريدة فوق في أوضتها بتعمل يوجا. ثريا: أنا هخلي هنادي تحط العشا. وهنادي حطت الأكل، وكلهم قعدوا يتعشوا. وطبعًا كلنا بقينا عارفين إن مراد مش بيحب ياكل قبل ما ينام. واتعشوا وطلعوا ناموا. ***

"عند ندي وعلي" ندي: بابا، إحنا نسينا الشمع والزينة والبالونات. علي: آه صح، إزاي نسينا. ندي: مش مهم، في محل قريب من هنا للزينة والحاجات دي. علي: طب كويس، هنعدي عليه واحنا ماشيين. ندي: عايزة أعمل عيد ميلاد محصلش. علي بضحك: شغل الزينة والديكور وكده عليكي يا ندي، انتي شاطرة في الحاجات دي. ندي: ده أنا هبهرك. علي: اااااااااااااااااه. ندي: حااااااااااااااااسب العربية. يتبع...