رواية حبي الوحيد الفصل الثامن 8 - بقلم جنى

بعد مرور شهر كان حب مراد وندي بيزيد أكتر من اليوم اللي قبله. ورامي بيحاول يقرب من ندي بس ندي مش مهتمة أصلًا. ومازن وليل وسليم خدوا الصفقة كالعادة. مراد: إيه رأيك أعزمك النهاردة على العشا. ندي ضربات قلبها زادت ووشها احمر بس كانت بتمثل أنها تقيلة. ندي: بمناسبة إيه؟ مراد: لو مش عايزة خلاص عادي. ندي بسرعة: لا لا موافقة بس هستأذن بابا الأول. ولاقيت أن دي فرصة من دهب عشان تعترف لمراد بحبها. مراد: طبعًا لازم تستأذنيه.

التليفون رن. روان: دكتورة ندي الجلسة التانية هتبدأ دلوقتي وأستاذ محمد جه. ندي: داخلية يا روان. مراد: الجلسة التانية هتبدأ دلوقتي. مراد: ماشي يلا سلام هتستناكي على العشا. ومراد طلع ركب عربيته وندي بدأت الجلسة بتاعتها. *** في الشركة. مازن بفرحة: الحمد لله خدنا الصفقة. ليل: وشركتنا بقت من أكبر شركات العالم. سليم: بجد إحنا اشتغلنا جامد وده جزاء شغلنا وتعبنا. مازن: خدنا الصفققققققة. سليم بضحك: براحة يا مازن قلبك هيقف.

ليل بضحك عالي: فقر يوم ما يفرح يموت من الفرحة. مازن: بعد الشر عليا. وراح حضن ليل جامد. ليل: براحة يا مازن هموت في إيدك. ومازن شد الحضن جامد. سليم: خلاص يا مازن الواد هيموت. ليل بخنقة: خلاص يابني أنا بموووت. مازن بحب أخوي: يابني إنت متعرفش حبي ليك إزاي. ليل بضحك: خلاص يا مازن إنت هتخطبني. سليم بضحك: مش هلاقي واحد زي مازن يصون ابني. وفضلوا يضحكوا جامد، وطبعًا اليوم ده أخدوا إجازة من الشغل. سليم: ربنا يخليكم لبعض يارب.

مازن وليل: يارب. *** في المستشفى. علي: اتفضل. ندي: إزيك يا بابا. علي: الحمد لله يا ندي إيه خلصتي الجلسات. ندي: الحمد لله خلصتها بس كنت طالبة طلب صغير يا بابا يا حبيبي يا قرة عيني. علي: بسرعة يا ندي عايزة إيه؟ ندي بسرعة في الكلام: الصراحة مراد عزمني على العشا وجيت عشان استأذن حضرتك. علي بصدمة: مراد؟ وده ليه بمناسبة إيه؟ ندي: سألته نفس السؤال قالي مش لازم يبقى فيه مناسبة، عشان خاطري يا بابا وافق وافق وافق.

علي: ندي حبيبتي إنتي هتخرجي مع مريض نفسي يعني ممكن في أي لحظة تجيله نوبة ساعتها الله وأعلم إيه اللي ممكن يحصل. المرة اللي فاتت ربنا قدر ولطف إنما المرة دي الله وأعلم إيه اللي ممكن يحصل. ندي: بابا صدقني هو بدأ يتحسن وأكيد هياخد علاجه، وافق وافق عشان خاطري. علي: موافق بس ليا شروط. ندي: إنت تؤمر واحنا ننفذ.

علي: أولًا تاخدي معاكي حراسة، ثانيًا متتأخريش، ثالثًا وده الأهم تتأكدي إنه أخد دواهُ وإنتي دكتورة وعارفة الكلام ده. ندي: أوامرك يا بابا يلا سلام أنا لازم أمشي دلوقتي. علي باستغراب إنها موافقة وكمان مصرة إنها تروح تتعشى معاه وإنها مبسوطة إنها تخرج معاه، وفضل يفكر شوية. علي: لا لا مستحيل اللي في دماغي أكيد لا يعني ندي مش كده. *** ندي كانت ماشية ورايحة عربيتها عشان تروح الفيلا وتغير هدومها وتتجه للمطعم.

رامي: ندي. احم احم قصدي دكتورة ندي. ندي بضيق: نعم يا دكتور رامي. رامي: ممكن نتكلم بره المستشفى. ندي: دكتور رامي لو حضرتك عندك أي حاجة عايز تقولها يا ريت تقولها هنا ودلوقتي وبسرعة لأني عندي معاد. رامي: طيب تعالي نتكلم في كافيه المستشفى. ندي بضيق: اتفضل. في الكافيه. ندي: اتفضل حضرتك كنت هتقول إيه. رامي بهدوء: طبعًا إنتي عارفة إننا بقالنا تلات سنين شغالين مع بعض. ندي بضيق: طيب وإيه الجديد ما أنا عارفة.

رامي بتوتر: الصراحة أنا حبيتك واتعلقت بيكي وعايز أتزوجك على سنة الله ورسوله. ندي بصدمة: ليه تتجوزني؟ رامي في سره: إيه اللي عملته ده يا رامي حد يقول الكلام ده كله ورا بعض. رامي: هو أنا قولت حاجة غلط؟ أنا بقول على سنة الله ورسوله.

ندي بهدوء: دكتور رامي حضرتك إنسان محترم جدًا وألف من يتمناك وإن شاء الله تلاقي البنت اللي تحبك وتقدرك بس أنا مش موافقة وأنا مش آخر بنت في العالم، في بنات غيري وأحسن مني بمليون مرة، وإن شاء الله تلاقي بنت الحلال اللي تحبك. رامي: بس أنا مش عايز حد تاني، أنا عايزك إنت. صدقيني يا ندي أنا بحبك ومستحيل أحب غيرك. ندي: دكتور رامي زي ما قولت لحضرتك كده أنا بعتبرك زي أخويا، خلينا في الشغل بس لكن أي حاجة تانية أنا مش موافقة.

وقامت وقفت ورايحة تمشي راح رامي مسك إيديها. ندي بعصبية بتحاول تخفيها: إيدك لو سمحت أنا قولت لحضرتك اللي بينا شغل بس متخلينيش أضطر ألغي علاقتي معاك بالشغل كمان. رامي: آسف بس فكري في كلامي. ندي بغيظ: مش هفكر لإن ببساطة بحب واحد تاني. الكلمة نزلت على رامي كسيف ووجعته أوي وندي سابته ومشيت. رامي بحقد: إنتي ليا أنا وبس ومش هسمح لحد تاني إنه ياخدك، إنتي ليا وبس. *** عند ندي في الفيلا.

طبعًا علي كان معرف نادية إن ندي هتروح تتعشى مع مراد. ندي خدت شاور وسرحت شعرها ولبست دريس أبيض وفي خطوط بينك واسع وكوتشي أبيض وشنطة أوف وايت وفردت شعرها الطويل وحطت برفان هادي ونزلت بطبيعتها من غير ميك أب. نادية: أووووه إيه الشياكة دي يا دودي. ندي بفرحة: إيه رأيك يا ماما شكلي حلو. نادية: إنتي قمر في كل حالاتك. ندي بتكبر مصطنع: عارفة من غير ما حد يقولي، يلا سلام. نادية: سلام يا ندي. وراحت ركبت العربية مع الحراسة. ***

في الشركة. مازن: أنا هروح بقا. ليل: استنى إحنا كمان هنروح، هلم الحاجة وهنزل. سليم بخبث: إيه رأيك يا مازن ننزل ونستناه تحت. ليل: نعععم هو إنتوا تأكلوا وتنزلوا وتسيبوني؟ قسما بالله يا مازن لو ما جيت لميت معايا لتزعل. مازن بتكبر مصطنع: يماما ده هيأكلني خلاص هاجي ألم معاك. سليم بضحك: مش هتعقلوا بردوا. ونزلوا وكل واحد ركب عربيته واتجهوا لبيتهم.

ومراد كان معرف ثريا إنه هيتعشى مع ندي وثريا كانت بترن عشان تعرف سليم بس كان عامل تليفونه سايلنت ومراد راح مع حراسة. *** في المطعم. ندي وصلت المطعم. مراد كان سرحان في ملامح ندي وقد إيه هي جميلة وتقدر تشد أي حد. مراد في سره: دي ملاك على هيئة بشر، ااااااااااااه. ندي: مراااااااد. مراد: في إيه بتصوتي ليه؟ ندي: بقالي ساعة بنادي عليك. مراد: أنا بقالي سنة مستنيكي، اتأخرتي ليه؟

ندي: أنا مكنتش هتأخر بس دكتور رامي كان عايزني في موضوع عشان كده اتأخرت. مراد بغيرة: وإنتي تتكلمي معاه ليه؟ وكان عايزك في إيه أصلًا. ندي بتوتر: آه آه كان عايزني في شغل، هيكون عايزني في إيه؟ وبتحاول تغير الموضوع. ندي: تعالي ندخل المطعم، هتفضل ساعة واقفين بره. مراد: ماشي، ومتقفيش معاه تاني. ندي بضحك: خلاص بقا. مراد: تحبي تأكلي إيه؟ ندي: إنت اختار لي. مراد: خلاص بقا لازم تستحملي لأني أنا أكلي غريب شوية.

ندي بضحك: شكلي هروح المستشفى النهاردة. مراد بتوتر: أنا كنت عايز أقولك حاجة. ندي بتوتر: وأنا كمان كنت عايزة أقولك حاجة. مراد: أقول دلوقتي ولا بعد الأكل؟ ندي: خليها بعد الأكل عشان لو خبر وحش نفسي متتقفلش. مراد: أنا بقول كده برضو. والأكل جهز والجرسون حط الأكل على الترابيزة. ندي بصدمة: دي أكلتي المفضلة. مراد: بجدددددد. ندي: آه والله دي أكلتي المفضلة ويا سلام بقى لو فيها شطة كتير. مراد: آه وعصرة ليمون.

ندي: أجمد ولو عملت بعدها كوباية شاي. مراد: وتكون معلقة سكر وخفيف. ندي: بجد إنت ذوقك في الأكل زيي بالظبط وبتحب نفس الأكل اللي أنا بحبه. مراد بضحك: طيب الحمد لله، أظن غيرتي رأيك إنك مش هتروحي المستشفى. ندي: لا كده مش هروح خلاص. مراد: طيب يلا نبدأ ناكل الأكل هيبرد. ندي: يلا بسم الله الرحمن الرحيم. *** في فيلا الجرحي. ليل وسليم وصلوا لـ الفيلا. ليل: السلام عليكم، عاملين إيه. ثريا: الحمد لله كويسين. سليم أنا برن عليك.

سليم: اكتشفت مؤخرًا إني عامل تليفوني سايلنت، كنتي عايزة حاجة. ثريا: كنت هقولك إن مراد هيتعشى بره مع دكتورة ندي. سليم: اممممم قولتيلي دكتورة ندي. ثريا: آه ليه في إيه؟ سليم: أصل اليومين دول مافيش غير دكتورة ندي اللي على لسان مراد. فريدة بهمس: الحبيب العاشق. ليل بضحك: لمي نفسك. فريدة: إنت سمعتني. ليل: آه. فريدة: ده إنت عليك حاسة سمع مش موجودة في القطط. ليل: الله وأكبر عليا، خلاص أنا مش هسمع تاني.

ثريا: كدا يا ليل قصدك إن فريدة عينها وحشة. ليل: أنا مقولتش كده بس الحسد موجود في كل حتة. ثريا: طيب تعالوا هخلي سميحة تحط العشا. سليم: يا ريت لإن هموت من الجوع. ليل: وأنا هطلع آخد شاور وأنزل. *** مجهول: أستاذ هي دلوقتي قاعدة مع راجل في مطعم وبيضحكوا مع بعض. رامي بعصبية: متقولش بيضحكوا دي. مجهول: مش حضرتك قولتلي قول اللي بيحصل بالتفصيل. رامي: ماشي كمل. مجهول: وهما شوية وهيمشوا ننفذ اللي حضرتك قلت عليه؟

رامي: لا متنفذوش حاجة غير بأمر. مجهول: تحت أمرك يا رامي بيه. رامي: أنا جيت أعرض عليكي الجواز لحد عندك بالأدب والذوق وإنتي مرضتيش، هتجوزك برضه ورجلك فوق رقبتك. *** في فيلا الجرحي. فريدة: أخيرًا عملتولي توست. ثريا: على فكرة الساندوتش ما فيهوش فايدة. فريدة: بس طعمه حلو أوييييي. ليل: سيبيها يا ماما تاكل اللي عايزاه. فريدة: ده إيه الرضا ده. ليل: طب والمصحف أنا غلطان. فريدة: يا عم بهزر معاك.

سليم: أنا حاسس إن مراد بدأ يتأخر، هكلم الحراسة أشوف في إيه. ثريا: كل طيب بعد كده كلمهم. سليم: هكلمهم الأول وبعد كده آكل. سليم: الوو أستاذ مراد خرج؟ الحارس: لا مخرجش يا سليم بيه، هو حاليًا في المطعم. سليم: طيب خلي عينك عليه جامد. الحارس: تحت أمرك يا سليم بيه. سليم: لسه في المطعم. ليل: أنا أكلت الحمد لله. فريدة: وأنا كمان أكلت، هطلع أوضتي أنا عشان عندي محاضرة بكرة. سليم بخبث: هما طالعين دلوقتي، ما تيجي نطلع إحنا كمان.

ثريا بخجل: اتلم العيال قاعدة. ليل: أحم أحم إحنا قاعدين يا ناس. فريدة: تعالي نطلع يابني في أمور مهمة بيناقشوها مع بعض. ثريا: احترموا نفسكم. ليل: هو إحنا قولنا حاجة غلط. ثريا لسه هتقوم تضربهم. فريدة: خلاص خلاص إحنا آسفين. وطلعوا على أوضتهم. *** في المطعم. مراد: كنا عايزين نقول حاجة لبعض صح؟ ندي بتوتر: آه، تعالي نقول مع بعض. مراد: ماشي. مراد وندي في صوت واحد: أنا بحبك. مراد بصدمة: بجدددد. ندي: أيوة.

مراد: وأنا اللي مفكرك مش واخدة بالك. ندي: لا طبعًا واخدة بالك من ساعة عينيكي دي لينسز ولا طبيعي؟ مراد: هاخد معاد من باباكي عشان أتقدملك. ندي: هفكر الأول. مراد: هو إنتي لسه هتفكري؟ هاخد معاد امتى؟ ندي: مليش دعوة كلم بابا إنت. مراد: بقا كده ماشييييي. ندي: هروح دلوقتي. وكملت بخبث: وبالمرة أشوف رامي عمل إيه في موضوع الورق. مراد بغيرة: ندددددي. ندي: إيه ده شغل، وبعدين لما نتخطب تبقي تتكلم وتحكم. مراد: اممم ماشي.

وكل واحد راح ركب عربيته بحراسته ومشي، وكان يوم حلو على الجميع.