رواية حبي لم يكن مستحيلا الفصل التاسع 9 - بقلم بسملة بدوي

مقدرتش استحمل أكتر من كده. مسكتها من شعرها. "أنا ساكتالك من ساعتها يا بنت. فاكراني كيوت؟ لأ يا ماما، أنا بعرف آخد حقي بإيدي كويس." "آه آه يا مستر الحقني من المتوحشة دي! "أنا متوحشة يا حيوانة؟ وربنا ما أنا سايباكِ النهارده." عز بعصبية: "روان! إيه الأسلوب ده؟ مالك؟ إيه اللي جرى لك؟ أنتِ ما كنتيش كده." سكت ودموعي نزلت جامد. "انت انت مش شايف بتقول إيه؟ أنا متوحشة؟

وبعدين هي اللي كذابة، هي اللي مابتطلش كلام. وفي الآخر قالت أنا اللي كنت بتكلم. الكذابة دي. وبعدين انت بتلومني أنا على أسلوبي؟ هي الأشكال دي مينفعش معاها إلا كده. أنا قاعدة بكلمها باحترام وأدب، بتتمسخر وبتتريق عليا." لميت كتبي وأخدت شنطتي وخرجت بسرعة. عز بعصبية وهو بيوجه كلامه للبنت: "أنتي مطرودة. عشان تحترمي نفسك بعد كده. ده درس. لو عايزة تتكلمي عندك الكافيهات مالية البلد." "يا مستر أنا بس... "أنتي سمعتي أنا قلت إيه؟

الدرس خلص." كله خرج وهو أخد مفاتيحه وخرج بسرعة يلحق روان. "بقى كده يا أستاذ عز؟ ماشي. اصبر عليا بس." عيطت جامد وروحت مكاني اللي مبيتغيرش من صغري. أما بتضايق بروح البحر. بقيت بكلم البحر وأشكيله كل اللي مضايقني. مش برتاح غير كده. "شوفت يا بحر؟ شوفت عز عمل فيا إيه؟

والبت اللي قدامي اللي شبه أنثى اليربوع كذبت إزاي. أنا متعصبة أوي أوي. جبانة أوي يا بحر. بتتغزل وبتعاكس فيه كده عينك عينك كده. بقى بتقولي أنا غيرانة عليه. آهئ آهئ. أيوا أنا غيرانة عليه مش هنكر. بس بس هو هو. نفسي أمسكه كده من شعره اللي فرحان بيه ده وأقعد أشد فيه. عمود النور. النخلة دي." "أنتي اللي وزعة. أنا طولي مثالي." بصيت جنبي مفيش حد. قمت لقيته واقف ورايا. "أنا أنا... انت إيه اللي جابك؟ عرفت مكاني إزاي؟

"ههههه. مكشوفة أوي. هو انتِ بتغيريه؟ وبعدين السؤال ده ميتسألش ليا. ده أنا عز برضو." "نهى كلامه بغمزة." "نينينينني. ده أنا عز برضو. بارد." "بتقولي إيه يا روان؟ على صوتك يا جبانة." رديت بقوة عكس اللي جوايا. "بقول بارد. ها." "زي الشاطرة كده. عارفة العربية الحلوة اللي هناك دي؟ زي الشاطرة تروحي تركبي فيها من سكات." طريقة كلامه استفزتني أوي. "وإذا ما عملتش كده؟ هتعمل إيه؟ "هعمل كدا." وفجأة لقيته بيشتلني.

"عااااااه. يا مجنون. نزلني. الناس." عز ببرود: "مليش دعوة بحد. وبعدين مراتي وأنا حر." لقيته اتنين شباب بيقولوا: "أيوا ياعم النمس. صاروخ أرض جو اللي معاك دي. يبختك." "التاني: ماتجيبها وتاخد نصيبها. وبعدين اعتبرنا أخواتك طيب. ههههه. مزة مزة يعني." بصيت على عز بخوف. لقيته نزلني عند العربية ودخلني. مسكت إيده بخوف. "عز. عز اهدى. ملكش دعوة بيهم. اكنهم ماقالوش حاجة. أرجوك اهدى." زقني جوا وقفل العربية عليا.

عز بعصبية: "أنتي قد الكلام اللي قولته ده يااض يا ابن*****." "الشاب بيضحك: "في إيه يا عم؟ ما بصراحة هي مزة صح ولا إيه؟ ههههه." عز ضربه بالبوكس ونزل يضرب فيه. صرخت جامد وأنا شايفه الشاب التاني بيطلع سكينة صغيرة (مطوة) ورايح ناحيته. "عززززززززز خُد بااااااااااالك."