رواية حبيبة الأسد الفصل العشرون 20 - بقلم غير معروف

أحمد جري على ليا عالطول ومسك إيدها وهي كانت بتصرخ من الألم. أحمد: لازم آخدك صيدلية عالطول. أحمد شال ليا عالطول وليا مكنتش حاسة بنفسها بسبب الألم الشديد اللي في إيدها. أحمد نزل وركبها العربية وركب هو كمان ومشي عالطول. ليا: آآآآه... مش قادرة، إيدي فيها نار. أحمد: اهدي اهدي، إن شاء الله هتبقي بخير. $$في المستشفى$$ حبيبة كانت بتحاول تقوم وكانت هتقع، أسد مسكها عالطول. أسد عدّل حبيبة عالطول والدكتورة دخلت ساعتها.

الدكتورة: خلاص يا أسد بيه تقدر تاخدها. أسد: شكراً يا دكتورة. حبيبة ساندت على السرير وكانت بتحاول تقوم، مكنتش عارفة عشان كانت دايخة أوي. أسد مد إيده ليها وحبيبة مكنتش عايزة تمسك في إيده بس مسكت عشان الدكتورة كانت واقفة. أسد مسك إيدها وحبيبة قامت وبدأت تمشي. الدكتورة: تاخدي علاجك يا حبيبة، وأهم حاجة الأكل، بلاش الإهمال الزائد ده. حبيبة هزت راسها وقالت: إن شاء الله.

طلعوا حبيبة وأسد برا وحبيبة سابت إيد أسد وكانت رايحة تمشي ولكن أسد مسك إيدها وقال: أسد: إنتي ليه بتعملي كده؟ حبيبة: بعمل إيه؟ أسد: بتبعدي أوي يا حبيبة. حبيبة: أمال عايز إيه؟ حضنك وأقولك وحشاني أوي؟ فوق بقى، إنت متجوز، عارف يعني متجوز ومراتك حامل. أسد بعصبية: قولتلك خلود كدابة ومقربتش منها. حبيبة: اسمع بقى، في واحد عايز يخطبني وأنا موافقة. أسد: 😳😳 حبيبة: يلا سلام. أسد جري على حبيبة ومسكها من إيدها جامد وبعصبية:

أسد: إنتي بتاعتي فاهمة؟ حبيبة زقت أسد وبعصبية: حبيبة: إنت طول عمرك أناني، أيوه أناني، إشمعنى لما اتجوزت خلود ومعملتش كده؟ صح اتجرحت بس مش أنانية زيك، رجاءً إبعد عن حياتي. أسد وقف والدموع نزلت من عينه وسابها تمشي. حبيبة كانت ماشية برضو والدموع نازلة من عينيها. حبيبة: كفاااايه، كفاية كده، لازم أشوف حياتي، لحد إمتى هعيش على أمل إنه يرجع ليا. $$في الصيدلية$$ أحمد خد ليا الصيدلية وكان خايف عليها أوي. أحمد

حط إيده على الحيطة وقال: أنا السبب، مكنش لازم أقولها تعملي كوباية قهوة، كان لازم أقوم أنا. ليا بعياط: براحة والنبي يا دكتورة، مش قادرة. الدكتورة: اهدي يا مدام. ليا برفع حاجب: مدام مين يا وليه؟ الدكتورة: حضرتك مش متجوزة؟ ليا بقرف: لا مش متجوزة ولا عايزة أتـ... الدكتورة: امال مين اللي برا ده؟ ليا: ده... ده... ده ابن عمي رزل شوية. الدكتورة: آه معلش، أصل كان خايف عليكي أوي. ليا افتكرت الحروق وقعدت تصرخ: آآآآآه!

الدكتورة: ما كنتي حلوة من شوية، إيه مود حضرتك متغير كده؟ ليا: اخلصي. الدكتورة خلصت بالفعل وليا قامت. أحمد بإنهاض: أخبارك إيه دلوقتي؟ ليا مردتش على أحمد وخدت بعضها وركبت العربية. أحمد: أخبارها إيه دلوقتي يا دكتورة، والحروق كانت جامدة صح؟ الدكتورة: يعني بس حالياً بقت تمام، وعلى فكرة ده لسانه طويل أوي. أحمد باستغراب: نعم؟ الدكتورة: تعرف قالت عليك رزل وإنت زي الغلبان خايف عليها!!

أحمد خد العلاج وطلع وليا كانت عاملة نفسها مو... أحمد ركب العربية ومكلمش ليا وساق ومشي. ليا في سرها: ماله ده؟ مش المفروض يعتذر مني ولا إيه؟ أحمد: البسي حزام الأمان. ليا: لا مش بحبه، أنا كده مرتاحة. أحمد: مش بكيف حضرتك. ليا: وبعدين أنا مش عايزة أتكلم مع واحد زيك. أحمد: المفروض أنا اللي متكلمش مع واحدة زيك. ليا برفع حاجب: نعم؟ أحمد وقف العربية وبص ليها نظرة تخوف: مين الرزل؟

ليا بلعت ريقها وقالت: الدكتورة، ده فتنة وعايزة القتل. أحمد خد نفس عميق وشغل العربية ومشي. صباح اليوم التالي حبيبة: ماما أنا عايزة أتكلم معاكي. الأم: استني أخلص اللي في إيديا. حبيبة مسكت إيد أمها وقالت: مش هينفع يتأجل أكتر من كده يا ماما، لازم تعرفي الحقيقة بقى. الأم: قولى سمعاكي. حبيبة: طب تعالي نقعد يا ماما. الأم: بالفعل قعدوا وحبيبة مسكت إيد أمها وقالت: اوعديني إنك متزعليش. الأم: مش هزعل، قولى بقى.

حبيبة بصت في الأرض وقالت: أنا وأحمد مش متجوزين. الأم: 😳😳 حبيبة: أنا عارفة إنك مصدومة. الأم: ضربت حبيبة بالقلم وقالت بعصبية: يعني كنتي عايشة معاه في أوضة واحدة؟ حبيبة بعياط: والله ما حصل حاجة بينا يا ماما، إنتي عارفة بنتك كويس. الأم: ماشي، إيه السبب اللي خلاكي تعملي كده عشان الحقير صح؟ حبيبة هزت راسها والدموع نازلة من عينيها. الأم: مسكتها من شعرها وقالت: إزاي لسه بتحبي؟ إنتي ناسيه عمل إيه؟

جرحك قدام الناس كلها، إيه معندكيش دم؟ حبيبة وقعت على الأرض وقعدت تعيط وتبوس في رجل أمها: أنا آسفة... الحب كان أعمى يا ماما، مقدرتش أتحمل أشوفه مع واحدة تانية. الأم: قعدت على الكرسي وحطت إيدها على رأسها وقالت: تعالي شوفي يا حج عيالك بيعملوا إيه؟ التانية خدت حبيب أختها، وده عايزة ترجعوا تاني بعد ما خدعها. حبيبة قامت ومسكت إيد أمها وباستها وقالت: أنا آسفة يا ماما، والله ما هعمل كده تاني. الأم: ابعدي عني يا حبيبة.

حبيبة مسكت رجل أمها وقالت: عشان خاطري متعمليش كده، إنتي عارفة أنا بحبك قد إيه ومقدرش على زعلك يا ماما. الأم: أنا مش عايزة أتكلم معاكي، يا حبيبة أختك موتت أبوكي وإنتي هتموتيني يا حبيبة. حبيبة قعدت تعيط وأمها قامت ودخلت الأوضة. حبيبة: آآآآآه! $$في قصر المنشاوي$$ أسد قام على صوت خلود اللي كانت في الحمام ومش قادرة. أسد قام عالطول من على السرير وخبط على الباب وقال: خلود إنتي كويسة؟ خلود: آه أنا كويسة.

أسد: أرن على الدكتور؟ خلود فتحت الباب وقالت: أنا كويسة، بس مش عارفة الأكل اللي أكلته امبارح إيه؟ أسد: بقيتي بخير دلوقتي؟ خلود: أنا... وبدأت تدّوخ وقالت: مش عارفة يا أسد، حاسة بدوخة... وفجأة وقعت على الأرض. أسد جري عليها عالطول: خلود! خلود ردي عليا! أسد شالها عالطول ونزل وركب العربية ومشي متجهًا إلى المستشفى. أحمد قام من النوم ولقي ليا نايمة في الصالة وسط كتب كتير أوي.

أحمد قرب منها وشال الكتب من تحتها وشالها ودخلها الأوضة. ليا مسكت إيد أحمد وقالت: أوعك تسيبيني لوحدي، ممكن يقتلوني في أي وقت، أنا خايفة أوي. أحمد قرب منها وقال: إنتي بتتكلمي عن إيه؟ ليا فاقت عالطول ورجعت لورا وقالت: إنت إزاي تلمسني؟ أحمد باستغراب: نعم؟ ليا: أقصد إزاي جيت هنااا؟ أحمد: كنتي نايمة على الأرض في الصالة وسط كتب كتير، فجبتك هنااا. ليا: شكراً. أحمد: العفو... أوعك تطلعي من الشقة، أنا عندي شغل مش هتأخر.

ليا هزت راسها وقالت: ماشي. أحمد دخل الحمام وخد الشاور وخد التليفون ومفاتيح العربية وطلع. ليا قامت عالطول وقالت: أكيد هلاقي حاجة تساعدني أتخلص من العذاب ده بقى. ليا قعدت تدور على أي حاجة تفيد الشخص اللي باعته لمراقبة أحمد. وفجأة تليفون ليا رن. ليا فتحت التليفون وقالت: فيه إيه؟ المتصل: لحد دلوقتي مفيش أي حاجة جديدة. ليا: لا مفيش. المتصل: بت انتي أنا شاكك فيكي، انتي حبيتي القعدة ولا إيه؟

ليا: اهدا، أنا بدور أهو، بس أهم حاجة... المتصل: في الحفظ والصون يا روح أمك. ليا: تمام، سلام، لو لقيت حاجة هرن عليك، بس بشرط. المتصل: عارف، وقولتلك في الحفظ والصون، بس شوفي شغلك إنتي بس. ليا قفلت التليفون وبدأت تدور. $$في المستشفى$$ أسد كان قاعد وكان خايف أوي على خلود: يا ترى إيه اللي حصل؟ كانت بتقول إنها بخير. الدكتور طلع وقال: حضرتك زوجها؟ أسد قام وبإنهاض: أيوه يا دكتور، هي عاملة إيه دلوقتي؟

الدكتور: المريضة عندها كـ... في الدم. أسد: 😳😳