رواية حبيب طفولتي الفصل الخامس 5 - بقلم روضه احمد

عمر: بس رودينا دي تبقي اختي. خديجه: اختك إيه؟ انت بتضحك عليا ولا على نفسك؟ عمر: أنا هفهمك كل حاجة، بس اديني فرصة واسمعيني. خديجه: أنا متأخرة ولازم أنزل. ونزلت وسابته. ملك: يعني إيه أخته بجد؟ في حاجة غلط. خديجه: أيوه، أنا لازم أفهم إيه اللي بيحصل. ملك: طب وهتعملي إيه؟ انتي نزلتي وسبتيه، حتى متفقتوش تتقابلوا. خديجه: مش عارفة يا ملك، بس أنا مكنتش قادرة أتكلم معاه، حاسة إني مجروحة منه.

ملك: أنا مش عارفة أقولك إيه والله، بس ربنا يقدم اللي فيه الخير. خديجه: إن شاء الله، يلا ندخل آخر محاضرة. ملك: يلا بينا. عند مريم: يعني كل ده خديجة كانت ظالمة عمر، والبنت دي أختكم فعلاً. مازن: أيوه، ودا اللي عمر بيحاول يفهمه ليها وهي مش مدياه فرصة. عمر هيتجنن عليها. مريم: خلاص، أنا هتصرف. مازن: هتعملي إيه؟ مريم: إحنا عازمينكم بكرة على الغدا، تعالي وهاتي رودينا وعمر معاك. مازن: بسس...

مريم: من غير كلام. أنا هرجع أفهم ماما كل حاجة، والباقي على عمر. مازن: اللي تشوفيه يا حبيبتي. مريم: يلا، أنا همشي بقى. مازن: خلي بالك على نفسك، ولما تروحي طمنيني. مريم: حاضر. مازن: في رعاية الله يا حبيبتي. مريم بصتله بحب ومشيت. وفي مكان آخر: يوسف: أنا بحبها يا ماما، وهي مش حاسة بيا خالص. منى: مين بس اللي قالك كده يا حبيبي؟ مش يمكن تكون بتحبك بس مدارية؟

يوسف: لا يا ماما، أنا دايماً كنت بحس إنها بتحاول تتجاهلني، وواخدة جنب كده. كانت بتبعد عن أي مكان نتجمع فيه أنا وهي. منى: طيب صارحها يا يوسف واسألها لو هي عندها مشاعر من ناحيتك ولا لأ. ولو كده نروح نخطبهالك من أهلها. يوسف: خايف ترفضني. منى: متخافش، توكل على الله، واللي فيه الخير يقدمه ربنا. يوسف: ماشي يا ماما، أنا هخلي خديجة تجيبها هنا بأي حجة واعترف لها. منى: ربنا يريح قلبك يا ابني. يوسف: يارب يا ماما. تاني يوم:

مريم: إحنا عزمنا مازن وأهله على الغدا النهارده. لو عمر حاول يكلمك اديله فرصة واسمعيه. خديجه: يا مريم مش... مريم: أنا عارفة إنك مش قادرة تتعاملي معاه وحاسة إنك مدايقة منه، بس اديله فرصة واسمعيه. والقرار قرارك. خديجه: طيب. يوسف دخل لقاهم قاعدين وبيتكلموا، فقام خض خديجة من غير ما تاخد بالها. خديجه بصويت: لا لا مش عايزة أموت دلوقتي. يوسف ومريم ماتوا من الضحك على شكلها. خديجه: انتو رخيمين جدا بجد، أنا اتخضيت فعلاً.

يوسف بضحك: أنا آسف والله، بس كان شكلك يضحك أوي. خديجه: ماشي يا يوسف. يوسف: بس بقولك إيه؟ شكلك حلو أوي النهاردة، انتي إزاي بالجمال ده؟ خديجه: اخلص، عايز إيه؟ يوسف: ملك. خديجه: ملك... عايز إيه من ملك؟ يوسف: اتجوزها. خديجه: تتجوزها... يوسف: لا، بقولك إيه؟ فوقي معايا كده، مش هتقعدي تتصدمي. بقولك عايز أتزوج ملك. خديجه: إزاي يعني؟ ده انت كنت بتعاملها أسوأ معاملة، ولما تيجي كنت بتتبارد عليها.

يوسف: ما أنا كنت بعمل كده عشان كنت خايف أتعلق بيها وتطلع مش بتحبني. وهو دا اللي أنا جايلك عشانه. ملك في حد في حياتها؟ خديجه: لا، مفيش. يوسف: حلو أوي، تجيبيها بقي النهاردة عشان أتكلم معاها. خديجه: أجيبها فين؟ يوسف: لا بقولك إيه؟ مش ناقصة غبائك، أنا على أعصابي لا ترفضني أصلاً. هنا يا خديجة، تجيبيها هنا البيت. خديجه: حاضر حاضر، بس أقولها إيه؟ يوسف: اتصرفي، قولي لها أي حاجة. خديجه: خلاص ماشي، أنا هتصرف.

شوية ومازن وأهله وصلوا، ويوسف رحب بيهم ودخلهم. يوسف: منورين والله. مازن: النور نورك، أمال فين مريم؟ يوسف: بتجهز وخارجة أهو. خرجت مريم وخديجة وسلموا على الضيوف وقعدوا. وبعد شوية الباب خبط ويوسف قام فتح. يوسف: ملك، أهلاً وسهلاً، اتفضلي. ملك دخلت وهي مستغربة أسلوب يوسف معاها. سلمت على الضيوف، وخديجة خدتها ودخلوا البلكونة. ملك: ممكن أفهم انتي جايباني دلوقتي ليه؟ أنا فكرت فيكي حاجة.

خديجه: يوسف عايز يتكلم معاكي شوية في موضوع كده. هسيبكم مع بعض هنا، وعشر دقايق وأجيلكم. ملك لسه هتتكلم لقت يوسف في وشها. ملك: خير يا يوسف، عايزني في إيه؟ يوسف: ملك، أنا بحبك وعايز أتزوجك... وبعدين...