رواية حبيبتي المجنونة الفصل السادس 6 - بقلم ميساء عنتر

ليان: انس انت بتقول إيه. وكلامك اللي قولته من شوية. انس: أنسي كل حاجة. أنا مش هسيبهم ياخدوكي. ليان: بس. فوزي: وأنا مش موافق. وهتتجوزي عاصم. عاصم: أيوة كدة يا جدو. هاتها بقي علشان تسافر بسرعة. انس: (بقرف) أنت مين يا أخويا. فوزي: ده عاصم عريسها. انس: (بسخرية) أنتي بقي توتي. طيب اسمع يا حيلة ماما. أنسي إنك تتجوزي ليان. فوزي: وأنت مش هتجوزها.

انس: كدة ماشي. وراح قفل الباب بالمفتاح. وطلع مسدسه وشد الأجزاء. لا عاصم هيتجوزها. وأنا وأنتم يا قاتل يا مقتول. محدش هيخرج من هنا. وطلع تليفونه. الو أيوه يا عز هات مروان والرجالة وتعالى على شقة ليان وهات معاك مأذون ومتتأخرش. وقف. قعد على الكنبة جنب ليان. في شقة عز. عز: بيلبس هدومه. وأنا مستعجل. كارما: طيب فهمني يا حبيبي إيه اللي حصل.

عز: مش عارف يا كارما. انس شكله عامل مصيبة. طلب مروان والرجالة والمأذون. أنا خايف يكون اتهور وعمل حاجة في ليان. كارما: أرجوك يا عز طمني عليها. عز: كان خلص لبس. قرب من كارما وحضنها وطبطب عليها. أهدي يا حبيبتي أهدي. أنا هعرف كل حاجة وهطمنك. في شقة ليان. انس: مسك فوزي من هدومه. (وبعصبية) الكلام اللي ليان بتقوله ده صح. فوزي: (بغيظ من ليان وانس) ابعد عني يا جدع أنت. ده أنت شكلك مجنون رسمي. وبعدين أيوة صح واللي عندك اعمله.

انس: (بتحدي) هعمل وهتشوف. وهتجوزها. وأنت مش هتكون موجود في حياتها تاني أبداً. ليان: لسه مش فاهمة انس عايز يتجوزها علشان ينقذها من الموقف اللي هي فيه وبس. ولا علشان هو عايزها بجد. وابتدت تستوعب. انس أنت هتتجوزني ليه. انس: (بصلها) علشان أنتي لو هتتجوزي يبقى أنا مش عاصم. ليان: بس أنا مش موافقة. أنا مش هتجوزك ولا أنت ولا عاصم.

فوزي: ده أنتي بقيتي بجحة قوي. كمان اللي أنتي هربانة معاه وسارحة معاه على حل شعرك مش عايزة تتجوزيه. أومال إيه عايزة تفضلي كدة. عجبتك الحكاية عايزة تحربي تاني. انس: (بغضب جامح)

ليان هربانة معايه. قلتهالك 100 مرة. وأظن بعد الكلام اللي ليان قالتهولك من شوية أنت المفروض متكونش هنا أصلاً. ولا ليك لازمة في الجوازة دي. بس للأسف أنت محسوب عليها جد. واسمع أنت هتبقى الولي بتاعها. وأول ما كتب الكتاب يخلص مش هتشوف حد منكم هنا. وأياك حد فيكم يفكر يقرب منها. انس: (لف لليان) وبحزم. مسمعش صوتك لحد المأذون ما ييجي. مفهوم.

ليان: بس أنا مش هتجوز بالطريقة دي. لو عايز تساعد يبقى كتر خيرك. مش عايزة مساعدة. أنت مش مجبر تتجوز واحدة علشان الشهامة. انس: (اتعصب) ليان مش عايز كلام كتير. خلاص. وبعد شوية عز وصل معاه مروان والمأذون. انس: قال لعز كل حاجة حصلت. عز: تمام. يلا يا عم الشيخ اكتب الكتاب. فوزي: أنا مش موافق على الجوازة دي. عز: (حط إيده في جيبه ووقف قدام فوزي. وبحدة)

والله توافق ما توافقش. مش هتفرق. هنا كدة كدة هتتجوز انس. يبقى تمضي من سكات أحسنلك. فوزي: كان خايف من شخصية عز وهيبته. وكمان مروان والرجالة اللي معاه. وهى بقي هتتجوز سكيتي كدة ولا فرح ولا ناس. ولا حتى مهر وشبكة. عز: (ابتسم بسخرية) آه قول كدة بقي. أولاً الفرح والشبكة دول حاجة بينهم. وأنس مش هيقصر في حاجة. لكن بالنسبة للمهر أنت عايز كام. ليان: أنا مش عايزة حاجة.

انس: لا طبعاً إزاي. أنتي لازم تحفظي حقك. أنا هكتبلك شيك باسمك واعتبريه بدل الشبكة والفرح. لأني صعب أعمل فرح. ليان: (دمعت) صح. هو فيه واحد مغصوب بيعمل فرح. انس: ليان قولت كفاية. أنا مش ناقص. ليان: أنت بتزعقلي ليه. أنا مش عايزة حاجة. مش عايزة حاجة. ولا عايزاك أنت كمان. وانهارت من العياط. عز: قرب منها وطبطب عليها. هنا أنتي بتثقي فيا ولا لأ. ليان: (هزت راسها وهي بتعيط) طبعاً يا عز بيه.

عز: يبقى تسمعي الكلام وتتجوزي انس. وصدقيني مش هتندمي. ليان: بس. عز: من غير بس. اسمعي الكلام. ليان: (هزت راسها بحزن) موافقة. عز: تمام. يلا يا شيخ ابتدي اكتب الكتاب. واتكتب كتب كتاب أنس وليان. وبعد. فوزي: قرب من ليان وبحنية. مبروك يا ليان. مبروك يا بنتي. ليان: (بصتله بعتاب ودموع) بنتك لسه فاكر.

فوزي: أيوة بنتي وهتفضلي بنتي لحد ما أموت. أنا منكرش إني كنت قاسي معاكي في أوقات كتير. وكمان ظلمتك وجيت عليكي كتير. بس والله بحبك. أرجوكي سامحيني يا بنتي. ليان: (بعياط)

أسامحك على إيه. على إنك سبتي تبهدلني. ولا لأنك مكنتش حتى بتدافع عني. أسامحك إن بسبب ضعفك معاها أنا سبت البيت في نص الليل وكنت هتخطف. ويا عالم كان حالي إيه دلوقتي. أسامحك إن بسببك أنا دلوقتي بتجوز علشان الفضيحة مش أكتر. أسامحك إن خليت واحد يتجوزني وهو مغصوب. انس: محدش قالك إني مغصوب. أنا اتجوزتك بمزاجي. ليان: (بسخرية)

لا ما هو باين الصراحة. اسمع يا جدو أنا مسامحاك علشان خاطر ماما مرفت الله يرحمها. وكمان أنت ربيتني وعلمتني. ومتشكرة ليك قوي لحد كدة. فوزي: (حضنها) أنا هفضل جدك. وبيتي مفتوح لك في أي وقت. ليان: (بإنكسار) متشكرة. خالي البيت لأصحابه. فوزي: أنس. خلي بالك منها. انس: أنت مش هتوصيني على ليان. كنت وصي نفسك عليها.

فوزي: عندك حق. بس أنا لما كنت عايز أجوزها عاصم. كنت عايز أسترها وأطمن عليها. مش غباوة. وبعدين خلاص اديني اطمنت عليها. أشوفكم على خير. يلا يا ولاد. عاصم: إيه ده. هو كدة خلاص. هنا مش هتكون ليا تاني. أحمد (صاحبه) : أنت يا بني ليه فهمك متأخر كدة. ما خلاص اتجوزت. أنت مكنتش معانا من الأول ولا إيه حكايتك. يلا يا خويا خلينا نرجع الفيوم. ومشي فوزي وتامر وأحمد. عز: مبروك يا ليان. مبروك يا أنس. ليان: متشكرة.

أنس: الله يبارك فيك يا عز. معلش قلقتك وجبتك على مالا وشك. عز: (ابتسم) عيب عليك. إحنا أخوات. وبعدين أنت كنت عايز حد غيري يشهد على العقد ولا إيه. ده كان ممكن أموتك فيها. أنس: (ابتسم وحضنه) ربنا يخليك ليا. عز: ويخليك ليا أنت أخويا. يلا أسيبكم أنا بقي علشان سايب كارما قلقانة. عايز أطمنها. سلام. ومشي عز. أنس: قرب من ليان وتنهد بحزن. ممكن أعرف أنت بتعيطي ليه. ليان: (بضعف) بعيط على حالي واللي وصلتله.

أنس: ماله حالك. أنتي خلاص محدش له عندك حاجة. اتجوزتي ومحدش يقدر يتكلم عنك. ليان: (بصتله) أنس أرجوك رد عليا بإجابة واضحة. أنت اتجوزتني ليه. أنس: (ساكت مش بيرد) ليان: (بعصبية) رد عليا اتجوزتني ليه. أنس: (بصوت عالي) علشان كان لازم اتجوزك. بعد ما أبوك كان عايز. ليان: (عيطت زيادة) وأنت. أنا إيه. ليان: أنت مكنتش عايز تتجوزني مش كدة. أنت محبتنيش يا إنسان. أنس: ليان أرجوكي كفاية. أنا أصلاً بتتقطع.

ليان: أكيد علشان خنت حبيبتك واتجوزت غيرها. مش كدة. أنس: أيوة يا هنا. أنا مكنتش عايز اتجوز غيرها ولا أدخل حياتي ست غيرها. وانجبرت أعمل كدة. ارتحتي. ليان: أه أه ارتحت. ارتحت قوي. وجريت على أوضتها وقفلت الباب. أنس: (بعصبية) غبي غبي. ليه قولت كدة. ليه.

وخرج راح شقته واخد شاور وقعد محتار. هو اللي عمله ده صح ولا غلط. وصعبت عليه ليان وقام يروح يشوفها. ودخل الشقة وراح عند أوضتها لقاها قاعدة على السرير وضامة رجليها ليها وبتعيط. وكانت مشغلة أغنية وموطية صوتها. بس هو سمعها. وكانت بتعيط بحرقة. وهو كمان عيونه دمعت لما سمعها وقلبه وجعه عليها وعلى نفسه. في شقة عز. عز: دخل البيت. عز: ازيك يا أمي. الهام: الحمد لله يا حبيبي. عز: فين كارما. الهام: فوق يا حبيبي. عز: أوك. أنا طالع.

طلع ودخل الأوضة وانصدم من اللي شافه.