رواية حبيبي القريب الفصل العاشر 10 - بقلم شهد هاشم

امل. محمود الملاية اللي هنا اللي عليها ده لون مش دم. محمود بصدمة. انتي بتقولي إيه؟ امل. انت مفكرتش حتي تبص على الملاية قبل ما تصدق اللي هي قالته ليك؟ زياد بيتدخل وبيتصدم من اللي سمعه. ملاية مين دي وإيه اللي عليها ده؟ امل بتمشي من قدام زياد فبيمسكها من إيدها. زياد. طبعًا مهو عشان اللي بينك وبين محمود عايزة تأجلي خطوبتك؟ محمود. انت جرالك حاجة يا زياد ولا إيه؟ انت إزاي تقولها كده؟

امل بتشيل إيد زياد وبتطلع على أوضتها جري وبتقفل على باب أوضتها بالمفتاح. محمود. انت إزاي تقولها كده؟ زياد. اسكت انت يا محمود ولو طلع اللي في بالي صح أنا مش هعديهالك لا انت ولا هيام. محمود. انت أكيد جرالك حاجة. وبيسبه وبيمشي وبيروح على بيت جهاد على طول. محمود وهو بيكلم أم جهاد. محمود. اندهي لجهاد يا طنط. أم جهاد. حاضر يا محمود. بتطلع جهاد ومحمود بياخدها بعيد.

محمود. أنا حاليًا بتكلم بكل هدوء يا جهاد؛ أنا فعلًا ناسي إيه اللي حصل بينا والملاية دي مش عليها دم ده لون. جهاد. انت بتنكر ليه؟ محمود وهو بياخدها من إيدها. خلاص اللي يفصل بيني وبينك الدكتور.

جهاد. أيوا أنا عملت كده؛ عملت كده عشان بحبك؛ عشان شفتك يوم الخطوبة مركز مع أمل بس وغيران من زياد إنه هو اللي بيرقص معاها؛ وقبل ما يحصل أي حاجة بيني وبينك اديت لك برشام منوم عشان تنام وبعدها حطيت لون بمايه عشان أثبت لك إن فعلًا كلامي صح. محمود وهو بيبص بقرف لأمل. محمود. الحركات دي اللي يعملوها مش ولاد الناس. أم جهاد بتدخل. أم جهاد. اخرس ق*طع لسانك متقولش على بنتي كده.

محمود. أنا ماشي ومش هقول أي حاجة لأي حد سواء من أول حاجة حصلت لحد دلوقتي. وبيسيبهم وبيمشي وبيروح بيته بيلاقي أمل لسه في أوضتها ومش سامحة لأي حد يدخلها. محمود. هيا لسه برده يا جميلة قافلة عليها باب الأوضة؟ جميلة. صوت عياطها يا محمود والله مسمع لحد دلوقتي. محمود. طب استني أنا هحاول أشوفها. جميلة. ياريت بس هي تفتح لكم. محمود بيروح لأوضتها وبيخبط على الباب. محمود. ممكن تفتحي يا أمل؟

أمل مش بترد عليه بس هو سامع صوت عياطها. محمود. طب افتحي بس وهنتكلم سوا. أمل. مش عايزة مش عايزة. محمود بينزل تحت وبي بص على زياد نظرة كلها غضب لأنه هو السبب اللي بيخليها تعيط دلوقتي. عزيز بعدها بينده لمحمود. محمود. نعم يا جدي. محمود. مش هقدر أقف في سعادتها هي عايزة تتجوز زياد خلاص براحتها. عزيز. ووصية ابني. محمود. ربنا يسهل يا جدي بقي تعالي نطلع برا بينادوا لينا عشان نتعشى.

بيكونوا بيتعشوا بليل وبتنزل هيا وبتقول ليهم قدامهم. أمل. وصية بابا هتتنفذ يا محمود وأنا موافقة على إني أنا وانت نتجوز أما بالنسبة لزياد فهو هيبقي مجرد أخ ليا. بيتصدم الكل من كلامها و...