رواية حبيبي القريب الفصل الثالث 3 - بقلم شهد هاشم

بيكون مركز مع إيد زياد اللي ملفوفة حوالين وسط أمل وبيرقص معاها في الخطوبة. جهاد: محمود رايح فين؟ محمود: (من غير ما يكمل كلامها) بياخد أمل بسرعة وبيمسكها من إيدها وبيطلع برا وهو معاها. محمود: إيه اللي انتي بتعمليه ده؟ أمل: عملت إيه؟ محمود: إزاي تخليه يرقص معاكي وهو غريب عنك؟ زياد بييجي ويتدخل. زياد: في حاجة يا محمود؟ أمل: لا مفيش، تلاقيه بس متوتر شوية من الخطوبة النهاردة. وبتسبه وبتمشي وبتروح مع زياد.

زياد: كان في إيه بجد؟ بتحكيله على اللي حصل وبتكمل كلامها. أمل: أخوك صعب أوي يا زياد. زياد بيضحك. زياد: أخويا؟ أمل: آه أخوك، لما دخل علينا النهاردة الصبح قال: "ملكيش دعوة بأخويا". زياد: لا أنا مش أخوه ولا حاجة، أنا ابن عمتك، إنما محمود ابن عمك، بس علشان متربيين مع بعض فبنقول إننا إخوات. أمل: آه فهمت. بتروح علشان تسلم على العروسة. أمل: ألف مبروك يا عروسة. جهاد: الله يبارك فيكي.

وهي بتضغط على نفسها علشان تقول لمحمود مبروك. أمل: مبروك يا محمود. محمود بيبص ليها ومش بيرد عليها. بتسيب الخطوبة كلها وبتطلع برا تقعد لوحدها. زياد بيطلع وراها. زياد: بتحبيه ولا إيه؟ أمل وهي بتضحك: أنا أحب واحد زي محمود؟ لي يعني؟ آخر راجل في العالم. زياد: أمال ليه زعلتي؟ أمل: يعني مردش عليا، مع إن أنا أصلاً جاية على نفسي وقلت ليه مبروك بالعافية. زياد: كلها فترة وتتعودي عليه. أمل: معتقدش، بس سيبك منه.

زياد: طيب أنا نازل، عاوزة حاجة؟ أمل: لا شكراً. وقبل ما بيمشي أمل بتنده ليه فبيبص بوشه ليها. أمل: زياد. زياد: نعم. أمل: انت شخص لطيف أوي. زياد بيبتسم ليها وبيمشي. وبعدها بيحس إن قلبه بيدق بسرعة أوي. زياد وهو بيكلم نفسه: لا لا لا، أكيد محبتهاش، مستحيل أكون حبيتها بالسرعة دي. جميلة: وقعت ولا إيه؟ زياد: إيه يا بت؟ جميلة: ده الكل ملاحظ، مش أنا بس. زياد: لاحظتوا إيه يا جميلة؟

جميلة: يعني كل ما تبقي قاعد معاها، ألاقيك بتبتسم تلقائي. زياد: يلا يا بت من هنا، روحي الخطوبة بتاعة أخوكي. جميلة: هعديهالك بمزاجي. الخطوبة بتخلص وهيا بتكون واقفة في أوضتها وبتكون باصة على زياد بكل حب، ومحمود بيلاحظ ده. محمود بيجز على أسنانه وبينده لجميلة. محمود: جميلة، قولي لها تدخل أوضتها. جميلة: قولي لها انت. محمود بيطلع فوق لأوضتها وبيخبط على الباب الأول. أمل باستغراب: محمود. محمود: بلاش تقفي في البلكونة.

أمل: حاضر. محمود: صدقيني أنا بعمل ده كله علشانك. أمل: إزاي يعني؟ محمود: بكرة هبقى أفهمك. أمل: طيب. بتصحي الصبح تغسل وشها وتنزل علشان تفطر معاهم، فهتكون بتقع وزياد بيكون أقرب واحد ليها، فبيمسكها من وسطها وبتكون قريبة منه أوي، وبيكون ده قدام الكل. وفجأة محمود...