رواية حبيبي كوري الجنسية الفصل الخامس والعشرون 25 - بقلم ضحى عامر

فيلا عدنان عدنان بغضب: بتسمي ده تنضيف؟ لاميس ساكتة. عدنان بخبث: الفيلا ترجع تنضف من أول وجديد، سامعة؟ لاميس بتعب: سامعة. والباب بيخبط. عدنان بغضب: روحي اتنيل افتحي الباب. وبتروح لاميس تفتح الباب. لاميس بصدمة: أنت تاني؟ جي يونج: قولتلك مش هتبقي هنا ومش هخليكي هنا. لاميس: وأنت مالك، سيبني في حالي. مدحت: لا، ده ماله أوي. لاميس بصدمة: بابا؟ مدحت: أيوه أنا. وبجد مش عارف أوريك وشي إزاي، وأنتي عارفة اللي حصل مني.

لاميس بتبصله بعيون مليانة دموع وبتسكت. جي يونج: يلا تعالي معايا. لاميس: لا، مش جاية، عاجبني هنا. عدنان بغضب: أنتو كل شوية هتيجوا؟ البت عاجبها هنا، اتكلوا على الله. جي يونج بغضب: بس أنا بقا مش عاجبني هنا، وهي هتيجي معايا. لاميس: لا، مش هاجي معاك. مدحت: اسمعي كلام جوزك يا بنتي. لاميس بصدمة: إيييييي! جي يونج: أه، أنا طلبت إيدك من عم مدحت وهو وافق، واتجوزنا. وطلع لها الورق. ومدحت هو اللي مضى بالنيابة عن لاميس.

لاميس بصدمة: بس أنا مش موافقة. مدحت: آسف يا بنتي، بس أنا وافقت، وجي يونج أكتر حد يستاهلك. وهنا لاميس بتفقد كل ذرة تفكير، ومع تعبها بتروح واقعة على الأرض مغمى عليها. جي يونج بخوف: لاميس! لاميس اصحي، لاميس! وبيشلها وبيطلع برا ومعاه مدحت. وعدنان بيسبهم، لأن لو كان نطق عارف كويس ممكن جي يونج يعمل له أي حاجة. *** في المستشفى... مها بصدمة: إيه؟ طيب جاية. مها بصدمة: لاميس مالها؟ حصل إيه؟ جي يونج: مش وقته يا مها.

مها: طمنيني عليها الأول. مها بقلق: طيب حطها هنا. جي يونج حطها على سرير المستشفى وخرج بعد ما طلبت منه مها يطلع. وبعد شوية بتخرج مها. جي يونج: ها، مالها؟ هي كويسة؟ مها: اهدى، هي كويسة ونايمة دلوقتي. هي بس جالها انهيار عصبي عشان اتعرضت لصدمة. مدحت بحزن: كل ده بيحصل بسببي. مها: لا يا عمو، أنت أه غلطت، لاكن الغلط الأكبر على حنان، هي اللي اتصرفت في كل حاجة. هي يون: أنتي بتقولي إيه؟

جي يونج: آسف يا عمي، بس أنا من أول الحكاية وأنا مدايق، بس حضرتك غلطت مع لاميس كتير. جي يونج بغضب: وهو فيه أصلا أب يبيع بنته عشان الفلوس؟ أنت مفكرتش إنها لما تعرف هيحصل إيه؟ بس أنا مش هزعلك، أنا جوزت بنتك، ودي عشرة مليون أهي، وأرجوك كفاية أذي ليها أكتر من كده، أنت والهانم. مدحت بحزن: لا يا ابني مش عاوز فلوس، أنا فعلاً غلطت ومش هكرر الغلط مرتين. أنت خلاص جوزتها، أرجوك أسعدها ونسيها اللي حصل. أنا آسف ليكم جميعاً. ومشي.

مها: يا عمو... جي يونج: سيبيه يا مها. كل واحد لازم يستحمل نتيجة غلطته. هي يون: طيب ولاميس هتعملوا إيه معاها؟ جي يونج: لا، سيبلي أنت الحكاية دي. مها: جي يونج، أنا عاوزة أكون معاها لو سمحت. جي يونج: أكيد، وهي هتكون محتاجاك جداً الفترة دي. بتبتسم مها وبتهز رأسها. جي يونج: هي يون، إحنا لازم نشتري بيت هنا، لأن الفندق مش هينفع. هي يون: تمام. جي يونج: مها، ممكن أدخل أشوفها؟ مها: أه طبعاً.

وبيدخل جي يونج وبيلاقيها نايمة زي الملاك. جي يونج: حتى وأنتي نايمة جميلة، هتعملي إيه فيا أكتر من كده؟ بس متقلقيش يا لاميس، هعوضك عن كل حاجة، أنت تستاهلي كل حاجة جميلة شبهك. وبيبوس راسها. *** هي يون: إيه رأيك في ذوقي؟ مها: لا حلو، طلع عندك ذوق. هي يون: من زمان يا ما، بس أنتي اللي مش واخده بالك. بتضحك مها عليه. جي يونج: استعرض أنت بس قدام البت، وأنت مش عارف حاجة. هي يون: عيب عليك تظلمني كده، مكنش العشم. وبيضحكوا.

وبيستأذن جي يونج وبيطلع عند لاميس يشوفها صحت ولا لأ. وبتكون لسه نايمة، فبيعد على كرسي من كراسي الأوضة يستنى إنها تصحى. وبتعدي كام دقيقة وفعلاً بتبدأ تصحى. جي يونج: لا، خليكي زي ما أنت. لاميس بتعاند وبتقوم. ف بيضيق من عنادها ده. لاميس ببرود: عاوزة أطلق. جي يونج بصدمة: مش هطلقك. لاميس: هو سجن ولا إيه؟ جي يونج: احسبيه زي ما أنتِ عاوزة، بس أنا مش هطلقك. لاميس بعياط: أنت بتعمل معايا لي كده؟ بقولك طلقني لو سمحت.

ف بيروح عندها وبيحضنها جامد. جي يونج: هشششش، اهدى. أنا مش عاوز أسيبك لوحدك، أنا هكون معاكي دايماً. لاميس: جي يونج، لو سمحت طلقني. جي يونج: طيب قوللي لي؟ فيه إيه؟ صدقيني هساعدك، أوعي تخلي عدنان ده يخوفك، أنا معاكي دايماً. لاميس: بس هو مش هيؤذيني، أنا هيؤذي بابا. جي يونج: إيه؟ مين قالك كده؟ لاميس: هو قالي كده، أنا لازم أسمع كلامه عشان مش يؤذي بابا. جي يونج: وأنا أوعدك إن عمي مدحت مش هيحصل له حاجة. ثقي فيا. لاميس

بتبعد عن حضنه وبتبصله: سامحني، لاكن مش قادرة أوثق في أي حد. جي يونج بيدايق، لاكنه بيكون فاهم إنها اتخذلت من أبوها، فمش هتقدر تثق في حد. جي يونج: مع الوقت هثبت لك يا لاميس. ارتاحي، وأنا هجبلك مها. وبيطلع من الأوضة وبيسبها.