رواية حبيبي كوري الجنسية الفصل السابع عشر 17 - بقلم ضحى عامر

في بيت مها.. بتفوق لاميس وبتلاقي نفسها في أوضة مها. بتيجي مها بصينية الأكل. مها بفرح: صحيتي؟ يلا تعالي كولي بقى. لاميس: هي الساعة كام؟ أنا اتأخرت أوي. مها وهي بتقعد جنبها: متأخرتيش ولا حاجة. وبعدين مين قالك إنك هتروحي؟ لاميس: إيه اللي بتقوليه ده؟

مها: أصل يا ستي، انتي هتقعدي معايا أسبوعين عشان داده فاطمة راحت تزور بنتها ومش هترجع لفترة. وبابا راح مهمة وبرضه هيتأخر في الرجوع. وكمان اتفقنا مع عم مدحت إنك هتقعدي معايا أسبوعين تلاتة، وهو وافق. لاميس بصدمة: كل ده حصل وأنا نايمة؟ مها وهي بتقوم تجيب حاجة من الدرج: لأ، لسه فيه حاجة كمان. لاميس باستغراب: إيه هي؟ مها وهي بترفع التذكرتين قدام لاميس: هنسافر يا روحي. لاميس بصدمة: هنسافر؟ هنسافر فين؟ وليه؟

مها: هنسافر كوريا. لاميس بصدمة: كورياااااا؟؟ مها: عشان هتقعدي معايا أسبوعين تلاتة، يبقى نستغلهم صح. وبعدين، كوريا مكان جميل جداً عشان تاخدي منه أفكار لمشروع الكلية، وكمان عشان ننفتح على الثقافات الأخرى. لاميس بصدمة: إييييييي؟ مها بضحك: قلبظ بجنيه، يلا قومي قومي البسي وكولي عشان الطيارة الساعة 10:30، ودلوقتي الساعة 9 إلا. يلا بسرعة. لاميس بصدمة: بس... وبتقاطعها مها: مبسش، يلا.

وبتشدها وبتدخلها الحمام: يلا خدي شاور كده واجهزي، وأنا هجهز الشنط. وبعد ما تلبسي كلي. لاميس بصدمة: انتي بتتكلمي جد؟ مها: آه والله، يلا عشان هنركب طيارة. يلا يلا بسرعة. لاميس وهي لسه مصدومة: حاضر. 😭😭😭 خدوني معاكم الله يستركم، وأنا عايزة من ده. وبعد نص ساعة... بتكون مها جهزت الشنط وبتروح تلبس سويت شيرت بني وعليه دبدوب، وبنطلون بيو فريند أسود، وكوتشي أبيض. وبتفرد شعرها الأسود.

أما لاميس، فبعد ما بتاخد شاور، بتلبس سويت شيرت وردي، وبنطلون بيو فريند رصاصي، وكوتشي أبيض، وبتفرد شعرها البني. مها بغمزة: يلا يا مزتي. 😉 لاميس: أنا لسه لحد دلوقتي مش مصدقة اللي بتقوليه ده. مها بضحك: ما عشان قولتلك كله ورا بعضه، وانتي لسه صاحية من النوم. لاميس: ممكن... مها وهي حاسة إن لاميس بجد اللي حصل غيرها وبقت مش بتستمتع

بأي حاجة جديدة زي الأول: بصي، عايزك تحاولي تستمتعي في السفرية دي. مش عايزة اللي حصل يضايقك، اشطا؟ وبتسميلها وبتحط إيديها على كتفها: أبسطي يا عم. 😉 لاميس وهي بتبتسم: اشطا. مها: طيب يلا يلا عشان متتأخريش. لاميس بضحك: ماشي. وبيروحوا المطار. 🥹🥹 وأنا عايزة أروح معاهم. وف بيت لاميس... حنان بغيظ: لأ والله، ليه بعملها؟ إيه إن شاء الله؟ على العموم كويس، تطلع ما ترجع.

مدحت بغضب: اقعدي كلامك يا حنان، مسمحلكيش تتكلمي كده عن بنتي. حنان بسخرية: آه، بنتك اللي باعها... وبتلاقي كف نزل على وشها من مدحت: اخرسيييييي. حنان بغيظ وهي بتحط إيديها على وشها: لأ مش هخرس، دي الحقيقة يا مدحت. مش انت اللي بعتها؟ ها؟ بعتها لواحد غريب؟ بعتها لواحد مقابل الفلوس؟ مدحت بغضب: لاااا، معملتش كده. معملتش حاجة. انتي السبب، انتييييي مش أنا. وبيسيبها وبيطلع برا. 🫣 والظاهر فيه إن وأخواتها في الموضوع.

وف الطيارة... لاميس لمها اللي بتكون نايمة على كتفها: مها، شكراً ليكي بجد على كل حاجة. انتي مش صحبتي وبس، انتي أختي وانتيمتي. بحبككككك أوييي. ومها مش بترد عليها لأنها نايمة. فبتضحك عليها لاميس وبتبوس راسها، وبتسند هي كمان على ضهر الكرسي وبتنام، لأن الرحلة طووووويله. _وع أرض كوريا 🇰🇷♥️🤩... لاميس: وااااو، بجد المكان تحفة. مها: آه، بجد حلو أوي. لاميس: هنقعد فين؟ مها: تصدقي نسيت. 😂 لاميس: إيه؟ مها: أمال هنعمل إيه دلوقتي؟

مها: امم، تيجي نتمشى؟ لاميس: طيب. وهما ماشيين، بتيجي عربية بدون سقف فجأة، بس صاحبها بيفرمل في الوقت المناسب. لاميس بزعيق: إيه ده؟ متخلف، مبتشوفش؟ مها بضحك: بتقولي إيه؟ انتي مش هيفهم حاجة. 😂😂 لاميس: آه صح، نسيت. أما الشخص، فبييبصلهم ببرود من تحت نظارته الشمسية. ولاميس بتبصله بقرف. فبيرجع يسوق عادي من غير ما ينطق بكلمة أو حتى يخرج من العربية. لاميس: إيه الغرور ده؟ مها بضحك: 😂 لا بس مز. لاميس بتبصلها، فمها بتسكت.

وبيكملوا مشي لحد ما بيوصلوا لمكان عام فيه كراسي، فبيعدوا. مها: أنا تعبانة، مش همشي تاني. لاميس: وأنا برضه. مها: بصي، تعالي نسأل أي حد، مثلاً الشاب اللي هناك ده باين عليه طيب. لاميس: آه، بس افرض مش فاهم. مها: آه، تصدقي. لاميس بتفكير: عندي فكرة، تعالي معايا. وبيروحوا عند الشاب، وبيكون بيبص في تليفونه. لاميس: احم. الشاب بينتبه ليها. لاميس بتوتر: 안녕하요. فبيستغرب الشاب. مها: قولتي له إيه يا بت؟

لاميس: معرفش، دي كلمة قطبي كان بيقولها في كرتون الدببة الثلاثة. مها بصدمة: وافرض شتيمة هنعمل إيه؟ لاميس: لا معتقدش. الشاب بضحك: 😂😂😂😂 كنتي بتقولي إيه بقى؟ لاميس ومها بصدمة: انت بتتكلم عربي زينا؟؟ الشاب بضحك: آه. 😂 لاميس ومها بصدمة: إزاي؟ الشاب بضحك: زي السكر في الشاي. 😂 عادي، ف أي، اتعلمت. 😂 مها بصدمة: انت عارف السكر في الشاي؟ الشاب بضحك: آه، عادي. 😂 لاميس: آآه، بس إزاي مش فاهمة؟ أنا قولت إيه؟ مش انت كوري برضه؟

الشاب بضحك: آه، بس فين كلامك باللغة الكورية أصلاً؟ لاميس: قولتلك 안녕하요. الشاب: يعني إيه بقى؟ لاميس: معرفش بصراحة، دي كلمة كان دب أبيض بيقولها في كرتون الدببة الثلاثة. الشاب بتفكير: قصدك 안녕하세요 (مرحباً) لاميس: آه، هي معناها إيه بقى؟ الشاب: معناها مرحباً. مها: الحمد لله، مش شتيمة. الشاب بضحك: 😂😂 انتوا فصلان. مها: انت بتتكلم مصري حلو أوي. الشاب: آه، خمس سنين تعلم، أكيد هتكون دي النتيجة. نسيت أعرفكم بنفسي.

وبيقوم يقف: أهلاً، اسمي هيي يون. 😊 لاميس: أهلاً، أنا لاميس. مها: وأنا مها. بيبتسم هيي يون، وبيلاحظ شنطهم: انتوا لسه جايين من المطار؟ لاميس: آه. مها: ممكن تساعدنا نلاقي شقة؟ هيي يون: آه طبعاً. أنا عايش في بيت دورين مع أخويا وماما، وهي كانت مقررة تأجر الشقة اللي فوق. تقدروا تاخدوها بالإيجار، أي ريكوا؟ مها بفكير: آه هتنفع، وأصلاً معندناش حل تاني. لاميس: بس أنا مش حولت الفلوس.

هيي يون: مش مشكلة، نقدر نروح البنك واحنا في الطريق. مها ولاميس: أوكي. وبيروحوا البنك، وبعدين بيروحوا بيت والدة هيي يون. وبتسلم عليهم وبتستقبلهم وهي فرحانة، وبيطلعوا يرتاحوا في شقتهم الجديدة.