رواية حبيبي كوري الجنسية الفصل الثاني عشر 12 - بقلم ضحى عامر

بيت مها.... بتنزل تفتح لـ لاميس اللي بتكون وصلت. داده فاطمه: لي يا بنتي نزلتي؟ أنا كنت هفتح لها. مها: عادي يا داده، دي حاجة بسيطة ومش ضروري تعملي كل حاجة، روحي ارتاحي أنتِ. داده فاطمه: تسلميلي يا قلبي. ابتسمت لها مها بحب، وبعدين فتحت الباب لـ لاميس. مها: دراما! جلالة الملكة لاميس وصلت، فيلا نقف كلنا لتحية الملكة. وانحنت لها بطريقة ملكية. مها: اتفضلي مولاتي. لاميس: دراما هي الأخرى. مفيش داعي يا شعبي العظيم.

مها: لا مينفعش، إزاي مولاتي؟ ده حقك. لاميس: قووولت مفيش داعي، إزاي تعصي كلامي؟ خدوهالي من قدامي. وبيزعل محمد وهو بيضحك من تصرفاتهم. محمد بضحك: أمرك يا مولاتي لاميس. تعالي يا مها من قدامها. ضحك كل من لاميس ومها. لاميس: إزاي حضرتك يا عمي؟ محمد: كويس يا بنتي، الحمد لله. لاميس بابتسامة: دايماً يا رب. محمد: تعالوا يابنات، فيه حاجة مهمة. وبيقعدوا.

محمد: بخصوص امبارح، أنا عملت أبحاثي عن عدنان وطلع معاه حجة غياب، ولحد الآن هو أصلاً بره القاهرة في شغل. لاميس: بس يا عمي، مش ممكن عمل كده علشان يكون معاه حجة غياب؟ مها: آه يا لاميس، معاكِ حق. محمد: آه ممكن، بس مش هنقدر نعمل له حاجة لأن مفيش دليل. لاميس: وخالد ورجالته، إيه هيحصل فيهم؟ محمد: بعتنا رجالتنا، وللأسف كان فيه صعوبة في إنه يلاقي المستودع، لكن إن شاء الله يوصلوا. لاميس بحزن: طيب يا عمي. مها وهي

بتحط إيدها على كتف لاميس: بس مش ممكن خالد يعترف ويقول مين أمره بخطفنا؟ محمد: في حالات وحالات. لاميس: إزاي؟ محمد: يعني ممكن يكون الشخص دفع كتير، وممكن يكون مهددهم إنهم ميقولوش لحد وكده. لاميس: آه فهمت، بس مش ممكن بالعنف يقولوا مين اللي أمرهم؟ مها: آه يا لاميس معاها حق. محمد: لسه هنشوف لما يجبوهم الأول. مها: طيب، هنستأذن أنا ولاميس ونروح الصالة. محمد: طيب يا بنتي، وأنا هروح الشغل أشوف الأوضاع. مها: طيب يا بابا. ***

ف المستودع.... بيوصل عدنان، وبيتفاجأ لما بيشوف المستودع مقفول بسلاسل من برا. عدنان بغضب: إيه ده؟ معقولة الغبي ده عطالي العنوان الغلط؟ ويطلع تليفونه وبيتصل على خالد. وعند خالد.... بيكون نايم، وبيصحى على صوت تليفونه اللي بيرن. وبيحس بتقل على جسمه، بيبص وبيلاقي الصدمة. *** ف صالة الجيم.. لاميس: مجتش هنا بقالي كتير. مها: وأنا مكنش له طعم من غيرك. لاميس بضحك: إنتِ ذقتيه؟ مها: نيننينيني. لاميس: فيه إيه؟

بهزر معاكي، مبتهزريش يا رمضان. مها بضحك: لا يا شعبان. لاميس: بس فيه حاجات كتير، وتقريباً دول اللي عاوزين يخسوا، وأنا محتاجة كده. مها: آه، ولا أنا. تعالي نسأل كده عن صالة للجودو أو الكاراتيه. لاميس: اوكي. لاميس وهيا بتسأل بنت من اللي واقفين. لاميس: بعد إذنك. البنت وهي بتبصلها بقرف: ياه، نعمل. لاميس بغيظ: فيه صالة للجودو أو الكاراتيه هنا؟ البنت راحت بصت لها من فوق لتحت: ده اللي هو، ليه؟ متقوليش هتضربي فيها يا قطة.

لاميس بغضب: وإنتِ مالك؟ وهو أنا سألتك، بتعملي إيه هنا، لا يبقى تتدخلي لي. البنت مسكت إيد لاميس جامد: بقولك يا قطة، وطّي صوتك عشان الرقة بتاعتك دي متنفعش هنا. لاميس وهي بتمسك إيد البنت وتلويها ورا ضهرها: أنا ابنك رقيقة آه، لاكن وربنا ما تمسكي إيدي بالطريقة دي تاني، لاكون مكسراك كلك لدرجة متعرفيش تجبسي أي حاجة ولا إيه. وبتيجي صاحبة البنت اللي بتتخانق مع لاميس. البنت: لا بقولك إيه، سبيها، ولا مفكرة إنها لوحدها؟

مها: ده على أساس إن لاميس هي كمان لوحدها، لا يا حبيبي فوقي واتكلمي مع صحبتي عدل. والأربع بنات بيبدأوا يخلعوا شعر بعض. ومش محتاجة أقول إن الجيم كله بيتفرج. فضيحة بجلاجل. *** وف بيت لاميس... محمود وهو بيتكلم في التليفون. محمود: الوو يا بيبي، وحشتيني جدا. شخص: أفندم؟ إنت مين؟ وبيسمع صوت رجولي، وبيبوص على الرقم، وبيلاقي إنه الرقم الصح. محمود: إنت اللي مين حضرتك؟ الشخص: أنا صاحب التليفون ده.

محمود: إنت كداب، دايماً بتصل على الرقم ده وبسمع صوت صحبتك وهي بنت، مش إنت. الشخص: دايماً بتتصل؟ آه، قولت لي. وقفل السكة في وش محمود. محمود لنفسه: معقولة تكون اتخطبت؟ حنان وهي داخلة عليه: هي مين دي اللي اتخطبت يا واد؟ محمود: البنت اللي بكلمها يا ماما. وحكالها اللي حصل. حنان: طيب يا محمود، حاول تخلي بالك، أحسن يكون خطيبها أو أخوها ومش يسكت، وأبوها يشكي لأبوك، وبنت شهد تطلع هي الصح وإنت بتاع البنات.

محمود بصدمة: أيوه معاك حق. وبيتصل على الرقم تاني. الشخص: خير؟ محمود: أنا آسف لحضرتك، مأخدتش بالي، كان فيه فرق رقم بين الرقمين وغلطت في الرقم. الشخص: مش بتقول دايماً بتتصل؟ محمود بتوتر: آه، بس على الرقم الصح، مش ده. الشخص: طيب، حصل خير. *** وف المستودع خالد بصدمة: إنت بتعمل إيه يا ضنا؟ الشخص: آسف يا باشا، متعود وأنا نايم أحضن أي حد. خالد بغضب: ومن بينهم كلهم ملقتش غيري؟ الشخص: أصلهم مش بيرضوا يا باشا.

خالد باستغراب: مش بيرضوا إيه؟ الشخص: أحضنهم يا باشا. بيبوصله خالد بصدمة، وبيقوم يرد على التليفون، وبيتفاجأ بإن اللي بيتصل عدنان. خالد بتوتر: أيوه يا باشا. عدنان بغضب: إنت فين يا زفت؟ خالد بتوتر: ف المستودع يا باشا. عدنان باستغراب: أنه مستودع؟ أنا قدام العنوان بالظبط والباب بتاع المستودع مقفول بسلاسل. خالد بتوتر: ما إحنا محبوسين جوه، والبنات قدرت تهرب وهي اللي قفلت علينا من امبارح. عدنان بصدمة: أيييييي؟

خالد: قلظ بجنيه. عدنان بغضب: طيب كملوا قعدتكم بقى. وقفل السكة في وش خالد، وكب عربيته ومشي وهو شايط.