رواية حبيت فيروز وأنا كمان الفصل الحادي عشر 11 - بقلم فيروزة

تاني يوم الصبح. النهارده بداية جديدة على الكل. نروح عند أسد وفيروز. أسد قام قبل فيروز وفضل باصص عليها وكان فرحان أوي. إنها أخيرًا بقت حتة منه، وبعد السنين دي كلها أخيرًا اتجوز فيروز. فضل باصص عليها وهي نايمة ومش مصدق إنها نايمة جنبه ومعاه، وكانت في حضنه. قرب منها وحضنها جامد، كأنه خايف تهرب أو تكون حلم ويصحى منه. (الحب بيخليك خايف، حتى تغمض عينك. الحب زي الحلو والمر، دايماً أنت خايف، بس على حبيبك.) فيروز صحيت.

صباح الخير يا حبيبي. أسد بفرحة: بتقولي إيه؟ فيروز بكسوف: صباح الخير. أسد بحزن مصطنع: لا مش دي. فيروز بكسوف: أمال إيه؟ أسد بسرعة: يا حبيبي. فيروز بكسوف: يا حبيبي. أسد بفرحة: الله أكبر، أخيرًا قلتها. ده النهاردة عيد عندي، وإنتي قلبي. فيروز بكسوف: اهدأ يا أسد، ويلا علشان نقوم. أسد بحزن مصطنع: عايزة تقومي من جنب حبيبك تروحي فين؟ فيروز بكسوف: ننزل تحت، ولا أنت عايز تفضل هنا؟ أسد قرب منها وحضنها جامد.

عايز أفضل معاكي، وإنتي تفضلي في حضني طول العمر يا قلب أسد، وروح أسد. فيروز بحب: وأنا كمان بحبك يا أسد، أنت ملكت قلبي وروحي. أسد بحزن: كان نفسي أكون أول راجل في حياتك يا فيروز. فيروز بحزن: كنت غلطة علشان أعرف قيمتك العمر كله. أنت زعلان؟ أسد حضنها جامد: لا، أنا بحبك، وهفضل أحبك مهما كان ومهما هيكون. إنتي نبضي ونفسي وعمري، بحبك قد عمري اللي فات وقد عمري اللي جاي وأنا معاكي. فيروز دفنت راسها في رقبته أكتر.

وأنا بعشقك يا أسد. أسد بحب: فيروزة. فيروز بكسوف: قلب فيروزة. أسد غمز ليها. بقولك. فيروز قامت جري. لا. أسد جري وراها. ده أنا بحبك. فيروز وهي بتجري: وأنا كمان، بس لا. ودخلت الحمام وقفلت على نفسها بسرعة. أسد واقف بره وخبط على الباب. أسد بغضب طفولي: فيروز افتحي. فيروز بضحك: لأ يا أسد. أسد بحزن مصطنع: خلاص يا فيروز، اللي يريحك. فيروز بدموع فتحت الباب. وأول لما فتحت الباب أسد شالها. (حد قالك تخرجي؟ فضلت تصرخ.

نزلني يا أسد، أنت ياض نزلني. لحد ما سمعوا خبط على الباب. أسد بغضب: واطي صوتك، شوفتي صوتك لما علينا البيت. فيروز بدموع: أنا، طيب نزلني. أسد نزلها وبعدين قرب منها وحضنها. اوعي تزعلي، قطع لساني قبل ما يزعلك تاني يا قلب أسد من جوه. فيروز بدموع: ابعد كده وافتح الباب. أسد بحزن: طيب. فيروز دخلت الحمام وأسد فتح الباب لقى... الجد: مالها فيروز يا أسد؟ أسد بكسوف: ملهاش يا جدي. الجد: داخل الأوضة، أمال فين فيروز؟ أسد: في الحمام.

الجد: طيب، أنا نازل ومستنيكم على الفطار. أسد قال للجد حاجة والجد وافق، وأسد هيعملها مفاجأة لفيروز. فيروز خرجت من الحمام. يلا يا أسد ننزلوا. أسد قرب منها وحضنها. إنتي لسه زعلانه مني؟ فيروز: لا، يلا ننزل. أسد: يلا. وقرب منها وشالها. فيروز بكسوف: نزلني يا أسد. أسد: لا. فيروز بكسوف: بس أنا بعرف أمشي. أسد بحب: وأنا وعدتك إني أشيلك العمر كله. فيروز بحب: ربنا يخليك ليا، بس سبني أمشي. أسد: لأ، أسد هيفضل يشيل فيروز.

فيروز بكسوف: بس الكل تحت وأنا هتكسف. أسد بغضب طفولي: ولا يهمني، إنتي مرات الأسد، يلا. ونزل بيها السلالم، وطلع بيها على الجنينة وقعدها على الكرسي وهو قاعد على الأرض وحط راسه على رجليها. أسد بحب: فيروزة. فيروز بكسوف: نعم يا قلبي. أسد: إنتي لسه زعلانه؟ فيروز بحب: لا يا حبيبي. أسد: بجد؟ طيب العبي في شعري واحكيلي حدوتة، زي ما كنتي بتعملي زمان، فاكرة؟ فيروز بحب: فاكرة يا حبيبي. (نسيب الجماعة دول، كفاية كده رومانسية.)

نروح عند يوسف واسراء. اسراء صحيت قبل أوشه وفضلت ترسم على وشه بالألوان. وبعدين بصت للي عملته وحست بالفخر. بعد شوية يوسف قام من النوم، واسراء كانت عاملة نفسها نايمة. ودخل الحمام، وبعد دقيقة اسراء لقيته واقف جنب دماغها. اسراء بخوف: مالك يا أوشه؟ يوسف بغضب مصطنع: إيه اللي على وشي ده يا ست هانم؟ اسراء بخوف: والنبي ما أعرف يا أخويا، أنا كنت نايمة في أمان الله. يوسف مقدرش وضحك جامد. والله يعني مش إنتي اللي عملتي كده؟

اسراء بكسوف: وقعت قلبي يا أوشه، وبعدين إيه رأيك في رسمي؟ يوسف قرب منها وعضها. حلو يا قلبي. اسراء بضحك: آخ يا أوشه يا عضاض، أخص عليك. يوسف بضحك: والله طيب هاتي بوسة. اسراء: وحياة أمك، بقولك إيه، طلقني أسهل. يوسف بضحك: طيب يلا علشان ننزل. اسراء بكسوف: يلا. قامت اسراء علشان تنزل، قام يوسف شالها وحطها عند الحمام، وهي كانت مكسوفة. وبعد شوية نزلوا لتحت هما كمان، وطلعوا الجنينة. نروح عند سيف وورد.

سيف صحى من النوم قبل ورد. وبعد شوية ورد قامت. وكل واحد دخل الحمام. وبعدين نزلوا على تحت وهما ماسكين إيد بعض، وطلعوا على الجنينة. بعد الفطار الجماعي ده، كل واحد طلع أوضته مع عروسته. وفيروز نامت، وأسد نام. بالليل فيروز قامت، لقت نفسها في مكان غريب ونايمة على سرير أول مرة تشوفه، وكانت خايفة. ومرة واحدة دخل...