رواية حبيت فيروز وأنا كمان الفصل العاشر 10 - بقلم فيروزة

قام سيف راح عند أسد. سيف بحزن: أنا آسف. أسد باستغراب: على إيه؟ سيف بدموع: كلمة آسف دي مش ليك، دي لفيروز. قولها سيف بيقولك أنا آسف على كل اللي حصل. أسد بغضب: أنت تاني ياض! مش قولتلك ملكش دعوة بفيروز. سيف بدموع: مانا عشان كده بقولك. أنا آسف للكل، أنا كنت غلط، وحياتي كنت غلط. بس أنا عايز أتغير. أسد بهدوء: وأنا هساعدك تكون إنسان كويس، بس تبعد عن فيروز. أقسم بالله لو قربت من فيروز هموتك في إيدي المرة دي. سيف بخوف: حاضر.

يوسف بضحك: إيه يا جماعة؟ يلا ننزل احنا كمان، الكل نازل. نزلوا وكل واحد راح على أوضته. نروح عند البنات. مشغلين الأغاني وقاعدين يرقصوا. إسراء بفرحة: أنا فرحانة أوي يا بنات إني فرحي كمان أسبوع. فيروز بضحك: بجد يا إسراء؟ بحسك بنتي مش صاحبتي. إيه يا بت الفرحة اللي أنتِ فيها دي. إسراء بفرحة: مش هتجوز! وبعدين هو أنا كل يوم هتجوز ولا إيه. ورد بفرحة: عندك حق يا إسراء، دي فرحة العمر. أنا فرحانة.

فيروز بفرحة: ربنا يفرح قلبك يا ورد، ويفرح قلبك يا إسراء. إسراء بكسوف: فيروز بجد أنا حبيتك. فيروز قامت حضنتها: وأنا كمان حبيتك أوي يا بيستي. ورد بحزن مصطنع: وأنا ماليش حضن؟ فيروز حضنتها: أنتِ ليكي أجمل حضن يا أجمل بيست. بقولكم إيه. الاتنين في نفس واحد: قولي. فيروز: إيه رأيكم نعمل جروب على الواتس ونرغي فيه لما ما نكونش مع بعض، إيه رأيكم؟ إسراء: موافقة. ورد: موافقة. عملوا الجروب وفضلوا يرغوا لحد الصبح.

تاني يوم الصبح، كلهم كانوا متجمعين في الجنينة. أسد قاعد جنب فيروز وماسك إيدها. يوسف لازق في إسراء ويعتبر حضنها، مش قاعد جنبها. سيف وورد قاعدين جنب بعض، وتحس إنهم عايزين يقربوا أكتر بس مكسوفين. والجد قاعد جنبهم. الجد: ها يا ولاد، عايزين تعملوا الفرح فين؟ أسد: المكان اللي تحبوه يا جدي. سيف: وأنا رأيي من رأي أسد. يوسف: وأنا كمان.

الجد: سبحان مغير الأحوال. على العموم، إيه رأيكم نعمل الفرح في الجنينة ونجيب الطبل البلدي يوم الحنة، ويوم الفرح اعملوا اللي انتوا عايزينه. فيروز: حلو أوي كده يا جدي. وقامت قعدت جنب جدها. فيروز بحزن: ممكن أتكلم معاك لوحدنا؟ أسد بقلق: مالك يا فيروز؟ فيروز بدموع: ولا حاجة، أنا كويسة. الجد بحنان: طيب يلا يا حبيبتي ندخل. دخلت فيروز والجد. والكل كان مستغرب تغير فيروز المفاجئ، وأكتر واحد كان حزين أسد.

الجد بحنان: مالك زعلانة ليه يا بنت غالي؟ فيروز قربت منه وحضنته واتكلمت بصوت واطي: خايفة. الجد بهدوء حضنها أكتر: خايفة من إيه وأنا معاكي وأسد موجود؟ فيروز بدموع: خايفة من أسد. الجد بحنان: إزاي؟

فيروز بدموع: خايفة اللي عملوا فيه سيف، يكرره أسد. خايفة بعد ما حبيته الحب ده كله يعمل فيا كده. أنت عارف إن أسد ما يعرفش اللي كان بيتعمل فيه سيف، بس أنا خايفة، خايفة أوي كمان. يكون زيه، وأنا مش هقدر أستحمل، لأني بحب أسد من إحنا صغيرين، أسد ده حب حياتي. عرفت أنا خايفة ليه.

الجد: أوعي في يوم تخافي من أسد، أسد ده راجل بمعنى الكلمة، وعمره ما يعمل حاجة غلط أبداً، ده تربية إيدي. وبعدين إزاي تخافي من أسد وهو بيحبك أكتر من نفسه. أوعي في يوم تخافي من اللي يحبك. وبعدين الأيام هتعرفك إن أسد راجل يقدر يحفظك حتى من نفسه. كل ده وأسد كان واقف عند الباب وسمع كل الكلام، بس فضل ساكت ويمشي. راجع الجد الجنينة مع فيروز. الجد: أمال فين أسد يا ولاد؟ سيف: قال عنده شوية شغل. الجد: طيب. بعد أسبوع.

النهاردة يوم الفرح. هقولكم ملخص الأسبوع: الكل كان مشغول بتحضيرات الفرح. أسد كان حزين بس ساكت. فيروز قلقانة وخايفة. سيف ندمان، وكل ما يشوف فيروز يزعل إنه كان بيعمل فيه كده. ورد فرحانة أوي بس خايفة. يوسف كان هيطير من الفرحة. إسراء كانت فرحانة أوي وكل شوية ترقص. الجد كان في حالة قلق. نرجع ليوم الفرح. كل بنت في أوضتها بتلبس. عند فيروز: فرحانة بس خايفة وقلقانة أوي. بعد ما خلصت مكياج ولبست، قاعدة وكان القلق بياكل في قلبها.

عند إسراء: كنت سعيدة جداً، بس خايفة من اللي جاي. خلصت مكياج ولبست، قاعدة مستنية العريس. عند ورد: نفس الحال، قلقانة وفرحانة أوي، وهي كمان خلصت مكياج ولبست. التلاتة كانوا حلوين أوي أوي. أسد راح لفيروز وأخدها ونزلوا الفرح. وسيف أخد ورد. ويوسف أخد إسراء. كلهم كانوا قاعدين، بس كل واحد في دماغه حاجة بتوجع قلبه. الفرح اشتغل، قاموا رقصوا على أغنية "أنا كلي ملكك" بتاعت شيرين. وبعدين قعدوا، وبعدين الكل قام رقص.

وبعدين الفرح خلاص، وكل عريس أخد عروسته وطلع بيه على فوق. أسد شال فيروز لحد فوق ونزلها على السرير وقعد جنبها وسكت. وفيروز كانت خايفة أوي بس ساكتة. أسد لف ناحيتها: مالك يا فيروزتي؟ فيروز بتوتر: مليش، أنا حلوة أهو. أسد بحزن: طول عمرك حلوة، بس مالك؟ فيروز بدموع: مليش. أسد بحزن: طيب الدموع دي إيه لما مليش يا ست البنات؟ فيروز بدموع أكتر: خايفة. أسد بحزن: خايفة من إيه؟ وبعدين تخافي إزاي وأنا معاكي؟ فيروز بدموع: خايفة منك.

أسد بحزن: مني؟ فيروز خايفة من أسد. أسد بحزن: طيب ليه؟ فيروز بدموع: مش هقدر أقولك، مش هقدر. أسد بحزن: طيب اللي يريحك، أنا ماشي. فيروز بدموع: رايح فين؟ أسد بحزن: واحدة خايفة مني هقعد معاها إزاي وليه وهي خايفة مني؟ ده أنا حبيتك أكتر من نفسي. فيروز بدموع: وأنا بحبك أكتر من نفسي. أسد بحزن: بس إيه كلمي، طول ما بتحبيني خايفة مني ليه؟ ردي عليا. فيروز بدموع: خايفة من. أسد بحزن: طيب بالله عليكي تقولي خايفة مني ليه؟

ده أموت نفسي لو نفسي دي زعلتك في يوم. فيروز بدموع: خدني في حضنك يا أسد. أسد قرب منها وحضنها جامد، وهي فضلت تعيط. بعد شوية فيروز سكتت. أسد: ممكن أعرف مالك؟ فيروز بدموع: بلاش تعرف، ده أحسن لي وليك. أسد بحزن: لازم أعرف عشان نبدأ حياتنا على نور من الأول. فيروز حكت لأسد وكانت بتعيط ومكسوفة. أسد بغضب: ده أنا هخلي حياته جحيم! هيشوف جحيم الأسد على إيدي. فيروز بدموع: خلاص يا أسد. أسد بغضب: خلاص إزاي؟

بقى فيروز يحصل فيها كل ده؟ بقى حبيبتي يحصل فيها كل ده وأنا على وش الدنيا. فيروز بدموع: خلاص يا أسد، سامحوا. أنا كمان سامحت. أسد بحزن: بسببو أنتِ خايفة مني؟ فيروز بدموع: آسفة. أنا مش خايفة، أنا بحبك. الخوف ده غصب عني. أسد بحزن: طيب نامي وبكرة خير إن شاء الله. فيروز بكسوف: يعني أنام؟ أسد بحب: أيوه عشان أنتِ خايفة. بس الأول يلا نصلي مع بعض عشان نبدأ حياتنا ببركة ربنا.

فيروز صلت هي وأسد وحست براحة غريبة أوي مع أسد. قررت إن النهاردة يكون يوم فرحها وكأنها أول مرة تتجوز. بعد الصلاة قامت غيرت ولبست فستان قصير أسود وكان تحفة عليها، وراحت قعدت جنب أسد. أسد أول لما شافها حس إنها في دنيا تانية، وقرب منه وبسها وبعدين. عند يوسف وإسراء. يوسف شالها لحد الأوضة ونزلها على السرير، وبعدين قرب منها وبسها. إسراء بكسوف: ابعد يا أوشة، عيب كده. يوسف: عيب مين يا أمي؟ أنتي اللي عيب.

إسراء جريت، ويوسف بقى يجري وراها. يوسف بضحك: تعالي نصلي الأول، أنا تعبت من الجري. صلى يوسف مع إسراء، وإسراء لبست فستان أحمر قصير. عند سيف وورد. دخلوا الأوضة، وسيف راح على السرير، وورد قعدت جنبه وسكتت. وبعدين قاموا صلوا، وورد لبست فستان أسود قصير. تاني يوم الصبح، الكل كان.